All About Leon

同你吟一吟 : 黎明唔記仇


前排左起:赫德加 阿里 伊斯梅爾
黎明同三位印度童星一齊獻唱《一百萬零一夜》片尾曲《 Jai Ho》,共籌得 100萬善款。

上個禮拜六晚(六日)舉行嘅《萬眾同心公益金》,請嚟奧斯卡得獎電影《一百萬零一夜》三位印度童星來港呼籲捐款,當中伊斯梅爾「冇大冇細」,見到公益金大使黎明,居然話:「我不認識他,為何要拍照。」拒同黎天王影番張相。

童言無忌,黎明當然有怪莫怪,伊斯梅爾亦知道自己講錯嘢,之後同黎明一齊响熱線中心拍攝呼籲片段,佢主動伸出友誼之手,搭住黎明膊頭示好,黎天王亦禮尚往來。

但完騷後,黎明俾大班熱情師奶 fans包圍,場面一度混亂,天王於是齋微笑招呼,握手簽名免問。

响熱線中心做呼籲,伊斯梅爾主動搭黎明膊頭補飛。

一完騷,師奶 fans一擁而上,為免混亂,黎明只露出微笑,同 fans保持距離。