All About Leon

黎明開騷玩求婚 樂基兒一點支持
In Response To: 2009-05-19 新聞 ()

蘋果日報

黎明( Leon)昨日為 7月舉行、以結婚為題的個唱開記招,甚少表演跳舞的他透露今次會有跳舞環節,他笑說:「係大家未見過,唔難頂就係好嘢。」其女友樂基兒昨日則出席一個嬰兒用品活動,表示一定支持 Leon的個唱,可惜活動期間她不小心露了一點,未知 Leon會否肉赤呢?

當黎明昨日認真地大談演唱會,女友樂基兒卻在昨午不慎洩春光。樂基兒在觀塘 apm和周麗淇出席「 Huggies BB細運會」,與 BB一齊玩遊戲,樂基兒幫 BB換片十分熟手,之後又笑着跪地追 BB,玩得興高采烈。穿上大領 Tee和打底背心的樂基兒,原來沒有戴胸圍或貼乳貼,中途玩得太投入,走光露點都懵然不知,一點清晰可見。相反,周麗淇就非常醒目,俯身幫 BB守龍門時,將大會貼紙貼在胸口,防止衣服移位。記者事後致電樂基兒,告之她在活動上不慎露點,她詫異地說:「我已經着咗兩件衫,咁都影到?」問怕不怕 Leon不高興?她說:「咁都冇辦法,我自己都唔想。」

爆男友家中練歌

男友 Leon即將開騷,樂基兒表示一定會支持,更大讚男友經常在屋企練歌。問她會否上台表演?她說:「唔想,我哋不嬲唔係一齊喺台上,做嘢還做嘢,呢方面我哋係分開,分得好清楚。」 Leon今次演唱會以「 Dream Wedding」做主題,有傳他會臨場向樂基兒求婚,樂基兒說:「我唔係好了解,唔知係點。」但她表示對此沒有期待。

樂基兒之前到泰國拍泳衣照,與她口中的「好姊妹」男記者咀嘴,事後有雜誌指 Leon發脾氣,兩人也大吵一輪,樂基兒更搬到四季酒店暫住,她輕鬆回應說:「一定冇嘈交,我唔知道啲新聞點嚟, but good taste,至少話我搬去四季。」不過 Leon性格一向嚴肅,有指樂基兒泰國事件後, Leon曾打聽該記者是否真正的「姊妹」,今次他開記者會宣佈其演唱會大計,樂基兒卻不小心洩春光搶鏡,不知 Leon會否又氣上心頭?

另一邊廂,黎明昨日現身九龍 W酒店出席個唱記招,他將在 7月在紅館舉行 4場「 Dream Wedding」演唱會,有傳他會在台上向樂基兒求婚,給女友一個名份。 Leon解釋以「 Dream Wedding」做主題全因今年雙春兼閏月,不少情侶拉埋天窗,加上愛錫他的 fans也長大了,需要更多愛。贊助商送上一對結婚戒指,預祝 Leon演唱會成功,他接過戒指笑說:「上床瞓覺都唔除戒指。」
談到會否今年迎娶樂基兒, Leon以三個「冇」字回應,又澄清絕對不會把私人事放入演唱會內。至於會否效法陳慧琳在演唱會宣佈結婚,他說:「可唔可以用男士同女士比較?男人心唔同女人心,有咁小朋友夢境想法唔係我,唔需要有假設性,我好乾脆利落,唔會發生喺演唱會內,有人鍾意 sharing(分享),有人唔會分割啲嘢,我會全心全身奉獻演出。」以往甚少跳舞演出的 Leon透露今次會加插跳舞環節,但詳情便賣關子,他笑說:「係大家未見過,唔難頂就係好嘢。」

海中求生唔做飯桶

Leon又透露已開始收身大計,戒酒戒澱粉質,改變生活習慣早睡早起,又出海游水練氣,他說:「我坐船出海將自己放喺海中心,然後佢哋駛走隻船,我要游半個鐘先返到隻船,咁樣做咗 10日。」最辛苦則是戒飯,原來 Leon很喜歡吃飯,現在只能吃菜及山竹牛肉,他又透露因要接拍電影,因此個唱後仍然要戒飯。


黎明昨日宣傳個唱時表示會大跳勁舞,但詳情就賣關子。

人夾人緣:玄妙天王愛爽朗名模

黎明與樂基兒,一個內斂一個外向,一個講究形象,一個不拘小節,結果火花四濺。其實與樂基兒拍拖後,黎明改變不少,願意讓戀情曝光已是一大進步。

黎明
由四大天王到今日成為唱片公司揸弗人,黎明顯然成熟了不少,說話謹慎多了,甚至有點古肅。女友的鬼妹仔言行令他頭痛之餘,其入行之初拍下的性感照逐一浮面也令他窮於應付。最經典還是他的金句,如「最緊要坎坷過後有艇搭」及「我唔習慣空肚食早餐」。早前被問到衞詩會否因涉毒案受罰,他說:「你違例泊車都要接受俾人抄牌。」算是一句較易明白的金句。

樂基兒
與黎明年紀相差 14年的樂基兒,曾罕有地承認隆胸,鬼妹仔性格勝在夠真,由乳頭的蝴蝶紋身到拍全裸性感照全都坦蕩蕩, 05年拍拖之初已高調拖着兩個巨型生日氣球到男方家中慶祝。礙於男友身份,兩人相戀後樂基兒也漸收起性感,更為黎明洗脫紋身,但真性情仍舊不變,大爆男友越減越肥,最近又被拍得與「姊妹」鬍鬚男咀嘴。

Messages In This Thread

2009-05-19 新聞
黎明11個演唱會逐格睇
樂基兒好帶挈
組圖:黎明為演唱會游泳減肥 直言暫時不想結婚
組圖﹕黎明稱演唱會結婚主題只為觀眾自己未想結婚
視頻:黎明開唱廠商送戒指:演唱會與結婚無關
黎明:今年一定不會結婚
反應好都只能開part 2
黎明開個唱唔學陳慧琳
黎明否認藉個唱宣傳婚訊
黎明否認藉個唱宣傳婚訊
圖﹕黎明拒學陳慧琳個唱報囍
黎明開騷玩結婚 樂基兒甘做賣點
樂基兒拒與Leon同台合唱
黎明開個唱 百分百為觀眾 今年無意結婚兼沒私心
Video: 黎明對跳舞未感壓力 @明報
樂基兒否認Leon離家出走
節食備戰喊咁口 黎明拒學Kelly借騷報喜
樂基兒陪Leon閨房操歌
黎明白馬新郎獲贈婚戒
黎明開騷玩求婚 樂基兒一點支持
Video﹕黎明開騷玩求婚 樂基兒一點支持 (蘋果動新聞)
名模沒穿bra A奶不設防 樂基兒露乳頭 嫁不成黎明
演唱會以Dream Wedding為主題 黎明自詡專業藝人 否認借機結婚
黎明為紅館舉行的《Dream Wedding Leon Live Summer 09》演唱會舉行記者會
樂基兒將親臨紅館捧黎明
黎明備戰個唱積極減肥 *PIC*