All About Leon

娛樂頂點 : 地獄訓練兩個月 黎明欽點 C-cup新女代 Jill

衛詩( Jill)早前被日本輕判緩刑獲釋,雖然執番身彩,但返到香港, Amusic老闆黎明即嚴懲衛詩「冇得留低」。
衛詩「吸」出禍,令 Amusic無論金錢、聲譽都蝕到入肉,連月來食盡驚風散的黎明,為挽回劣勢,近日即欽點旗下 19歲 C cup新女王歌慧( Emily)上場接 Jill,除了下令有 baby fat的 Emily日跳四粒鐘舞操 fit身材,更找歌唱老師為她練歌,實行以最短時間填補漏洞。

被老闆熱捧的王歌慧,近日即在 blog中大晒自己有連串工作安排,仲叫師姐「好好休息啦」,衛詩睇到,應該酸到痹。

衛詩被叮走已成定局,黎明見 Amusic旗下女歌手買少見少,即下令在公司「呆等」三年的王歌慧披甲上陣。「其實衛詩呢單嘢令公司蝕唔少錢,黎生見 Emily夠嫩口,就算捧佢都有機會賺錢,不過最緊要係佢夠聽教聽話。」知情人士說。
自從衛詩在日本被拘禁以來,早已對衛詩「打定輸數」的黎明,即向有 baby fat的王歌慧落令,要在三個月之內由 110磅減至 100磅,嚴禁她夜蒲,更規定她每晚十點前返到屋企。另外,又搵專人教她唱歌和跳舞,務求令她身上的刀張張利。據知, Amusic早前已向無綫搭路,先讓王歌慧做美女廚神,在《美女廚房》中「初試啼聲」。


噴血登場 Emily in 黎明新捧索女 Emily,和師姐衛蘭衛詩一樣喜歡穿環。趁阿 Jill無限期休息, Emily即以噴血三點式乘勢出擊,殺入 o靚模界以圖俘虜一眾宅男。


阿女,記住乖乖哋啦!(設計對白)《蘋果日報》圖片


迷途敗走 Jill out 講到明若衛詩有掂毒品即解約的黎明,言出必行,將衛詩放入雪櫃,取而代之捧 Emily上位。


只得 19歲的王歌慧,以往和衛詩經常攬頭攬頸,更將孖公仔相貼上 blog,如今衛詩有難,王成功攝位,更向師姐晒命。

殺入 o靚模
本身有意在 o靚模界分杯羹的黎明,亦打算派王歌慧殺入 o靚模界搶灘。「其實黎生見呢排 o靚模有價有市,諗住喺公司開條 model線。原本黎生諗住簽 Janice Man,弊在有唔少公司斟緊佢。黎生見 Emily身材唔差又肯搏,咁梗係益番自己人,捧佢做歌手,做埋 model,實行開多幾條財路。」
周二( 5日),記者約王歌慧到石澳沙灘影相,上圍擁有 C cup、穿上火辣三點式泳衣的她,即吸引大批宅男、紋身漢狂。即使餓狼處處,不過被公司「收埋」三年,難得發圍,佢唔理三七二十一,狂擺誘人姿勢盡騷 33C天賦本錢。


擁有 33C身材的王歌慧,兩年前曾以樂壇新人推出派台歌〈大話精〉,當時包到密密實,如今索性大解放,絕對係明智抉擇。

餓男狂 王歌慧影相期間,沙灘出現不少「狼蹤」,不過王依然一派悠然自得。


兩年前,黎明率領旗下歌手在 Johnnie Walker音樂會中表演,當時孖妹和王歌慧(左)亦有現身,但觀眾對剛出道的王印象不深。《蘋果日報》圖片

聞 Jill色變

16歲已「賣身」 Amusic的王歌慧,入行原來有段古。「嗰時自己喺九龍塘讀國際學校,食 lunch嗰陣,有同學見到 Leon喺附近食嘢,咪成班同學走去睇星。我仲有同 Leon傾偈,傾傾下佢問我有冇興趣入娛樂圈,仲攞咗我電話號碼。我嗰時以為佢講笑,點知隔幾日佢真係搵人打俾我。」問她覺唔覺取代衛詩,王歌慧即吞吞吐吐說:「 hea……都唔……唔可以咁講,我同佢都唔同路!」 Amusic似乎亦要為她惡補口才。至於 Amusic發言人沈小姐則表示:「其實佢同阿 Jill係唔同類型嘅 artiste,都係各有各做。阿 Jill依家最緊要就係休息!」

靠嫩攝位

今個月 10日才滿 19歲的王歌慧,比 27歲衛詩後生一大截,加上聽教聽話,難怪深得老闆歡心。


衛詩  27歲 中學畢業
由家姐衛蘭引薦給 Amusic高層入行


王歌慧  19歲  High School
在學校附近被黎明睇中入行

Messages In This Thread

娛樂頂點 : 地獄訓練兩個月 黎明欽點 C-cup新女代 Jill
Re: 娛樂頂點 : 地獄訓練兩個月 黎明欽點 C-cup新女代 Jill