All About Leon

黎明救Jill力薦闖影壇
In Response To: 2009-05-01 新聞 ()

http://orientaldaily.on.cc/cnt/entertainment/20090501/00282_001.html


黎明在公園內拿着相機狂拍小動物,將煩惱暫時拋諸腦後。


黎明和海洋公園保育基金主席陳晴女士一同觀賞「娃娃魚」。


黎明與工作人員同遊海洋公園。

衞詩(Jill)在日本藏有海洛英被判入獄兩年緩刑三年,Amusic老闆黎明怒極即時終止與她的合約,雖然黎明看似狠心,但其實並沒有放棄她,不但硬啃官司費用,更密謀為Jill鋪路轉型,昨日黎明兩度寄語Jill「塞翁失馬焉知非福」,並託經理人陳善之安排Jill轉戰幕後及電影發展。

早前本報率先報道黎明雖堅持跟Jill解除唱片合約,但口硬心軟的他卻保留經理人合約,為Jill鋪定後路。昨日黎明以「海洋公園保育基金關懷熊貓大使」身份出席「亞洲動物天地」開幕活動,並到館內欣賞小熊貓、大熊貓、水獺和揚子鱷等動物,黎明邊看邊手持相機不停拍攝,表現雀躍。

由老闆變回同事

當接受傳媒訪問時,黎明馬上變得嚴肅,記者問他Jill可有親自致電道歉?黎明有備而來說:「今日我想簡單啲講實質答案畀大家,唔想再喺新聞片上圍繞,再提佢(Jill)會唔開心,Amusic從佢第一次發生事已經話咗唔要佢,到第二次明確發生事後已經即時終止合約!」

雖然黎明坦言對Jill今次藏毒感到有一瞬間失望,但身為老闆的他亦早已為Jill未來鋪路,黎明說:「Jill嘅經理人合約將交由陳善之處理,即係我經理人安排佢做幕後或電影工作,我同Jill亦變番同事,呢件事亦告一段落,希望佢知道『塞翁失馬焉知非福』!」

對於有傳Jill無力償還巨額的官司費用,所以家姐衞蘭(Janice)要跟Amusic加簽三年合約為妹還債,對此黎明表示:「好多銀行都有壞帳,都需要撇帳,但每間銀行都有流動資金,公司唔會要衞蘭同衞詩還錢,會當撇帳咁,當追唔番,衞蘭亦冇加簽三年!」

Janice冇代妹求情

黎明又稱Jill今次事件對公司藝人楊千嬅、同事及奔波勞碌的傳媒不公平,但他一再希望Jill知道「塞翁失馬焉知非福」,問到Janice可有為Jill 求情?黎明說:「唔會,大家係明白事理嘅人,我哋對得住Jill、公司、自己同大家,但做呢個決定唔易!(以後唔簽Jill做歌手?)你呢條問題越咗界!(事件會影響Janice未來發展?)我唔揣測未來,Jill喺我哋公司已經close files!」問黎明私底下是否已原諒Jill,他頓了頓說:「私下原唔原諒都唔會向傳媒解答!」

另外,黎明亦否認打本給女友樂基兒開模特兒公司,他指樂基兒跟現時公司相處融洽,不會破壞她和公司關係:「我從來唔會撈一啲自己唔識嘅嘢!」黎明亦露口風有意羅致Janice Man成旗下藝人,他說:「我有留意Janice Man,個人覺得佢幾有潛質,公司都希望同佢有合作空間。」未知黎明是否有意找Janice Man取代Jill?

此外,孫耀威對於有傳關楚耀(Kelvin)和Jill以視像聯絡,他表示:「我唔知道佢哋依家情況,亦不便評論,但如果係真,患難見真情係好事,證明佢哋經歷風雨,更加覺得佢哋值得大家尊重!」而張敬軒則透露Kelvin每日都很勤力練琴和寫歌,他還自爆:「我叫佢唔好同我爭飯食,佢仲騎騎笑!」

Messages In This Thread

2009-05-01 新聞
樂基兒贊成黎明簽Janice Man
樂 基 兒 賣 畫 行 善
視頻﹕黎明關懷國寶支援熊貓基地重建
組圖:黎明任關懷熊貓大使承認與衛詩解除合約
組圖:黎明否認開公司送樂基兒 承認與衛詩解約
樂基兒入住黎明2億愛巢 花園鴛鴦戲水
黎明放生衞詩
黎明保留衛詩經理人約
圖:黎明保留衛詩經理人約
黎明親證與衛詩即時解約
黎明為毒女煩惱 冷落女友 樂基兒寂寞難耐性感尋歡
Re: 黎明為毒女煩惱 冷落女友 樂基兒寂寞難耐性感尋歡
黎明單挑影壇3巨頭   強搶Janice Man
視頻﹕ 黎明單挑影壇3巨頭   強搶Janice Man
黎明認炒衞詩撇爛賬
落實解約 官司費一筆勾銷 黎明代Jill求情力谷轉型
黎明救Jill力薦闖影壇
黎明:衞詩欠款當撇帳 保留經理人合約轉戰幕後
黎明否認要衛蘭代衛詩還債 (video clip)
黎明否認要衛蘭代衛詩還債 (video clip)(明報)
黎明畀衛詩一線生機
黎明開腔已與衛詩解約
服!
衛詩案對青少年有所啟示/ 郭清風