All About Leon

黎明授勳衆望所歸
In Response To: 2019-07-03 新聞 *NM* ()

http://www.macaodaily.com/html/2019-07/03/content_1364485.htm

黎明授勳衆望所歸

香港特區政府慶祝回歸廿二年,授勳三百九十九位市民;其中僅一位演藝人獲銀紫荆星章:黎明!網頁紛紛揭他好人好事,衆望所歸。

網站“民間好評如潮”:“做咗好事都唔畀人知!”指黎明於一六年以匿名方式捐助牛頭角迷你倉大火殉職的消防員遺屬;之前有曾經當過幾位藝人助手的女士,廿二年前跟黎明到北京工作期間突然小產,幸黎明出錢出力幫助,才逃出死門關。多年來想向大恩人表達謝意,黎明回應——害過人嘅嘢一定記得,幫過人嘅嘢唔會記得。

黎明堪稱仗義疏財藝人之一。他曾說:“如果錢能夠解決的問題,就唔係問題。”講得出做得到,與他並肩奮鬥的助手,尤其要好。

話説,跟隨黎明身邊二十年的助手,係中學同學,適逢黎明入行,聘他當助手。二人相交相知,到助手大婚時,黎明送了份厚禮:一張無銀碼支票!他早已視助手為兄弟。助手冇塡銀碼,黎明包起他的婚宴所有使費,還送錢讓助手置業築愛巢。

有人質疑,黎明好人好到傻傻哋。公司有位職員,出名撞板多過食飯。有次黎明到電視台錄影慈善節目,唱改編了的歌詞,為防錯漏,印製了大字紙板。該職員居然倒轉高舉,任由黎明打眼色,對方無動於衷。事後,黎明冇駡他,笑笑就算。

黎明酒量十分好,眞人不露相。飯局敬酒,從不隊冧人,還經常為同事、朋友頂酒。同事都喜歡同黎明食飯,因他全無老闆架子。

黎明有冇咁好人呀?人云亦云而已?但,〇三年授榮譽勳章,〇九年獲頒銅紫荆星章,一九年獲授銀紫荆星章,是金一般事實。

高 梁

Messages In This Thread

2019-07-03 新聞 *NM*
黎明授勳衆望所歸