All About Leon

拍片防電話騙案 黎明教路︰唔好做懵仔魚
In Response To: 2019-04-02 新聞 *NM* ()

https://hk.news.appledaily.com/local/daily/article/20190402/20647209

隔牆有耳:明福俠宣傳防騙自抽
「我邊會拎到金像獎」 - 李八方

天王級嘅黎明,就算做咗老闆,都周不時善用佢嘅影響力,接拍廣告。噚日係4月1日愚人節,香港警察都應節拍咗段防騙易熱線拍宣傳片,仲搵咗黎天王親自現身加聲演。條片係話飾演騙徒嘅肥仔演員,假扮黎明聲線,利用語音訊息,𠱁少女網上過數呃錢:「我係黎明,我喺內地被富婆操控,逼我拍劇,唔該你用網上過數方法畀我吖,畀我脫身返嚟香港參加金像獎。」

呢段騙徒聲音亦由黎天王親自講,所以個女仔聽多兩次,覺得把聲似就信以為真,立即入錢畀騙徒!之後騙徒搵下一個目標,竟然搵着黎明本人!當黎天王聽到假扮自己嘅語音訊息時,即時好認真咁講:「真係當我懵仔魚呀?我邊會拎到金像獎呀」;黎天王臨尾嚟個自抽,相當搞笑,引來大批粉絲支持。有人話今時今日嘅「明福俠」都唔稀罕拎金像獎!亦有人話黎天王果然係影視娛樂博覽大使,順便宣傳埋金像獎!


片中騙徒利用語音訊息假扮黎明聲線呃人過數,其實真係黎明把聲。


明福俠為叫人唔好上當,不惜自我抽擊:「我邊會拎到金像獎呀!」

-----------------------------------------------

http://www.singpao.com.hk/index.php?fi=news1&id=98733

警隊Fb上傳防騙短片 黎明現身提醒

【本報港聞部報道】警隊Facebook專頁昨日上傳短片,提醒市民提防電話騙案,天王黎明驚喜現身。在短片中,一名騙徒假扮黎明致電予受害人,聲稱在內地被富婆操控,無法脫身回香港參加金像獎頒獎典禮,希望對方能網上轉帳當作贖金,回報是獎座與獎金。

黎明在片末現真身,呼籲市民如懷疑受騙,致電警方反詐騙協調中心「防騙易18222」熱線。

至今日凌晨,短片已獲超過1,600個「讚好」,點擊率更超過14萬。不少網民均大讚短片吸引,「條片好正呀」「真的好多電話騙人的,提醒大家注意,真是好事」「有驚喜!真係有黎天王做驗證」「拍得好好」。

片末笑言無機會拿金像獎

片長大約兩分鐘,一開始是女受害人接獲一通來電,留言聽到有黎明聲音稱:「我係黎明,我喺內地被富婆操控,迫我拍劇,唔該你用網上過數嘅方法畀我,當係贖金,畀我脫身返嚟參加香港金像獎,成事之後我會同評審講,個獎同埋獎金都歸你。」

鏡頭一轉,原來一名男騙徒假扮黎明,用電話錄音。女受害人最初懷疑,但始終抵受不住「可能是黎明」的誘因而過數,男騙徒收錢隨即封鎖女受害人的電話,再尋找下一個目標人物。

鏡頭再轉,騙徒的電話錄音竟然找上了黎明本人。黎明在片末笑言,自己哪有機會奪取金像獎,之後向鏡頭呼籲如果懷疑自己受騙,做了「懵仔魚」,即致電警方反詐騙協調中心「防騙易18222」熱線。

黎明昨日在個人Facebook帳戶轉載這條影片,還留言稱:「I do believe……本人或你本人都最憎被騙!提醒大家唔好做懵仔魚,一年得一日係愚人節,冇人想同自己額外慶祝多個愚人節,防被騙!」


黎明在短片中粉墨登場,提醒市民小心電騙。

--------------------------------------------------

https://news.mingpao.com/pns/%E6%B8%AF%E8%81%9E/article/20190402/s00002/1554142597548/%E4%BB%BB%E4%BD%95%E4%BB%81%E8%AD%98%E7%8E%A9-4-1%E3%80%8C%E9%96%8B%E6%BC%94%E5%94%B1%E6%9C%83%E3%80%8D-%E8%AD%A6%E5%AF%9F%E6%95%99%E9%98%B2%E8%A9%90%E9%A8%99-%E9%BB%8E%E6%98%8E%E3%80%8C%E8%A2%AB%E5%AF%8C%E5%A9%86%E6%93%8D%E6%8E%A7%E3%80%8D

警察教防詐騙 黎明「被富婆操控」

【明報專訊】噚日愚人節,大家見到網上世界嘅消息,又分唔分到邊樣真、邊樣係笑話呢?政府唔少部門噚日亦喺facebook「應節」,一向幽默嘅消防處代言人「任何仁」都唔放過呢個機會,宣布舉辦「任何仁四月天演唱會」,乘機宣傳俗稱「AED機」嘅心臟除顫器好易用;警方就搵咗藝人黎明,話有「絕密錄音流出」,乘機宣傳舉報電話騙案。................

而警察fb亦上載咗短片講電話詐騙,片中藝人「黎明」聲稱自己喺內地被富婆操控、逼佢拍劇,叫受害人過數畀佢做贖金,等佢可以返香港參加金像獎,仲話成事之後會同評審講,「個獎同獎金都歸你」。但受害人過數後就隨即被封鎖,原來「黎明」係由騙徒用變聲器扮嘅。其後真正嘅黎明出場,就話「真係當我懵仔魚呀?我邊會拎到金像獎吖」,豁達中都有啲無奈。

------------------------------------------------

https://skypost.ulifestyle.com.hk/article/2313658/%E6%8B%8D%E7%89%87%E9%98%B2%E9%9B%BB%E8%A9%B1%E9%A8%99%E6%A1%88%20%E9%BB%8E%E6%98%8E%E6%95%99%E8%B7%AF%EF%B8%B0%E5%94%94%E5%A5%BD%E5%81%9A%E6%87%B5%E4%BB%94%E9%AD%9A

拍片防電話騙案 黎明教路︰唔好做懵仔魚

早前黎明(明福俠)為防騙易熱綫拍宣傳片,並於昨日在香港警察的FB專頁發布。短片中,騙徒以黎明的真人語音信息向女粉絲行騙,他自稱被內地富婆操控逼拍劇,急需金錢脫身。黎明在片末現真身,還教大家遇上疑似騙徒應立即致電熱綫求助。有樂迷Like爆明福俠宣揚防騙信息,效果事半功倍!

全長約兩分鐘的「愚人節X明福俠」短片,騙徒利用黎明的真人錄音致電女歌迷︰「我係黎明,我喺內地畀富婆操控,逼我拍劇,唔該你用網上過數方法畀我吖,當係贖金,畀我脫身返嚟香港參加金像獎。」受害人因覺得騙徒聲綫與黎明有九成似,決定匯款。不過,她其後就發覺自己已墮入騙局,最終人財兩失。

自嘲難獲金像影帝

黎明在片末現身,成為騙徒的下一個目標。他聽到騙徒竟然假扮自己的語音信息後表示︰「真係當我懵仔魚呀?」更刻意自嘲其演技難獲金像獎評審垂青︰「我邊會拎到金像獎呀。」充滿幽默感。黎明昨午亦於FB轉發宣傳片,並留言︰「I do believe,本人或你本人都最憎被騙!提醒大家唔好做懵仔魚!」他又指一年得一日是愚人節,呼籲大家慎防被騙。

短片截至昨晚九時已錄得逾十萬點擊,網友大讚黎明粉墨登場有驚喜;有粉絲亦喜見偶像好玩得。

撰文︰Steven、Pat
協力︰Terri
編輯︰黃寶恩
美術︰梁政敏


▲黎明在短片中的語音信息自稱被內地富婆逼拍劇,玩味十足。


▲黎明呼籲懷疑受騙的女士,要勇敢致電求助熱綫。

====================================

http://hd.stheadline.com/news/columns/0/20190402/753391/

Executive日記——警方愚人節搞鬼防電騙宣傳 「黎明」 求救 ? 金像獎代贖金

愚人節,網上訊息難分真假。Kelly昨天見網上流傳一位自稱「黎明」嘅男子,被蒙着眼,稱自己喺內地被富婆「操控」,禁佢回港出席金像獎,佢仲透過錄音短訊求有緣人喺網上過數代比贖金,「承諾」獲救後送贈金像獎和獎金作報酬。Kelly好奇怪,因為黎明本屆金像獎根本無提名!原來係警方最新嘅反電騙宣傳,真搞鬼。

  「我係黎明,我喺內地被富婆操控,逼我拍劇,唔該你用網上過數方法畀我吖,畀我脫身返嚟香港參加金像獎。」有「市民」聲稱收到這條錄音,聲音語氣似足黎明,且報酬豐厚:「成事之後,我會同評審講,個獎同獎金都歸你。」但據Kelly所知,本屆金像獎黎明好似無任何提名喎。

  小妹周圍打聽,先知係警方facebook昨日趁愚人節搞吓笑,乘機呼籲市民提防電騙。搞笑嘅係,片尾係黎明真身都收到這條求救短訊,聽完佢一臉不屑:「真係當我懵仔魚呀?我邊會拎到金像獎吖!」出帖後,獲得好多個like同分享。

  黎明官方facebook都有轉貼:「本人或你本人都最憎俾人呃!提醒大家唔好做懵仔魚,一年得一日係愚人節,冇人想同自己額外慶祝多幾個愚人節,提防被騙!」

KellyChu


■呢個網上流傳嘅片段原來係警方防電騙宣傳片。

----------------------------------------------------

http://std.stheadline.com/daily/article/detail/1983476-%E6%B8%AF%E8%81%9E-%E6%B8%AF%E6%BC%82%E5%AF%8C%E8%B2%B4%E5%A5%B3%E5%A4%A7%E5%AD%B8%E7%94%9F+%E9%81%AD%E5%81%87%E5%85%AC%E5%AE%89%E9%9B%BB%E9%A8%99350%E8%90%AC

Messages In This Thread

2019-04-02 新聞 *NM*
拍片防電話騙案 黎明教路︰唔好做懵仔魚