All About Leon

黎明公開餅印女 「平凡是運氣」
In Response To: 2018-08-27新聞 ()

https://hk.entertainment.appledaily.com/entertainment/daily/article/20180827/20485190

黎明公開餅印女
「平凡是運氣]

現年51歲的黎明於4月榮升爸爸,女助手陳泳儀(Wing)為他誕下一位小公主。黎明為了保護家人,囡囡出世至今4個月,可愛樣子從未被公開,直至昨日黎明終於在fb首次主動公開囡囡照片。照片中見到小公主肥肥白白超可愛,樣子與爸爸十足餅印。黎明這位新手爸爸更開心留言:「平凡是她的運氣!」

今年4月成為新手爸爸的黎明,前晚在東莞舉行演唱會,有粉絲以「爸爸」稱呼他,不知是被坐滿場館的歌迷感動,還是因為中秋佳節將至,連黎明都被感染,他並不介意被稱為爸爸,更開心地回答:「Yes!I know!I am Papa!」更表示願意稍後公開囡囡的近況。

促請放多兩張

黎明果然是「找數真漢子」,於昨日下午4時許,他在社交網首次貼上囡囡的正面可愛相片,見到B女面圓圓、單眼皮、嘴仔嘟嘟,一面cool樣chok到爆。黎明留言道:「我的女兒……好胖呵呵……平凡是她的運氣!分享!一直和我一起成長的家族朋友。」小公主相片一出,網友紛紛大讚B女可愛,又表示她跟黎明似樣,還有網友叫黎明放多兩張相:「阿明,激似你呀!做乜影人哋嬲嬲豬個樣,下次可唔可以畀張happy face我哋睇。」

其實黎明一直對女友Wing及女兒都十分緊張,於12年跟樂基兒離婚後,今年3月被爆跟同是失婚的助手Wing交往,未幾Wing即傳出懷孕,黎明在fb大方公開承認將為人父:「兩個經歷過離婚的人,有機會走在一起已是一種緣份,有了的小生命更將令我成為父親。」之後大肚的Wing得到黎明嚴密保護,一直未再於鏡頭之前曝光。

今年4月Wing入院生B,由於囡囡較預產期早個多月出世,磅數較輕,只有約5磅。一向私生活保持低調的黎明,不滿生B消息被外洩,於是在facebook撰文,他感激醫護人員之餘,亦怒斥爆料者影響醫院日常運作,他表示自己不會再現身醫院,呼籲傳媒不要再守候,並指摘報料者如同「漢奸」。小公主出生4個月,不只樣貌從未曝光,就連身影亦未被傳媒拍到過,黎明保密工夫可謂做到足。

努力搵奶粉錢

黎明在Wing生女之後停工兩個月,直至7月才復工,近日他除了演出內地巡迴演唱會,早前又扮長者為「香港年金計劃」代言,上星期就飛到北京,為自己主演的電視劇《莫語者》舉行發佈會,忙個不停,努力為B女搵奶粉錢。

曾加盟黎明旗下的楊千嬅,與同是四大天王的郭富城昨出席電影開鏡,對於黎明晒B女相,千嬅勁讚:「好似佢呀!」城城覺得這是開心事,問到兩人覺得BB像誰?千嬅笑說:「咁細個未知似邊個,好似我個仔,個個都話唔似我,但我覺得似我,我生得咁辛苦!」


黎明囡囡面圓圓、單眼皮、嘴仔嘟嘟,樣貌相當可愛。互聯網圖片

黎明前晚答應粉絲公開囡囡樣貌,昨日即刻做真漢子找數。資料圖片

Wing有兩片薄唇,小公主的薄唇似乎是遺傳自Wing。資料圖片

黎明小時候的一雙眼睛,跟囡囡亦很相似。互聯網圖片

Messages In This Thread

2018-08-27新聞
視頻:黎明 Leon Lai 一反昔日低調行事作風 公開女兒正面照 20180827 i-cable
黎明4个月大女儿正脸照曝光,皮肤雪白,鼻子嘴巴像爸爸!
黎明冧晒4個月大囡囡相 同爸爸餅印一樣!
黎明找數肥嘟嘟B女曝光
Re: 黎明找數肥嘟嘟B女曝光 *NM* *PIC*
黎明首曬女兒照!細長鳳眼神複製媽媽
黎明公開餅印女 「平凡是運氣」
黎明慈父上身曬愛女餅印照
Re: 黎明慈父上身曬愛女餅印照 *NM* *PIC*
孫敬安主辦空前成功 將為黎明炮製驚喜