All About Leon

【童年回憶】小柏林做咗老竇喇! 餅印囝囝「小小柏林」巧得意

https://hk.entertainment.appledaily.com/enews/realtime/article/20180727/58494100

【童年回憶】小柏林做咗老竇喇! 餅印囝囝「小小柏林」巧得意

一講「冬菇頭」,大家會聯想到邊位藝人,林亞珍(蕭芳芳)、吳日言...唔知大家仲記唔記得,多年前港台劇集《親親孩子天》同《柏林週記》入面嘅小柏林(鄭柏林)呢!

袁文傑噚晚就係ig度貼咗一張同小柏林嘅合照,原來小柏林已經做咗老竇喇,小小柏林同當年嘅小柏林十足十餅印咁,真係好可愛呀!袁文傑仲留言話:「肯定是我們香港人的集體回憶,不經不覺,已為人父,開心!#佢拍過無數天皇巨星#小柏林小小柏林」。好多網民都留言大讚小小柏林好可愛同得意,同小栢林細個時一樣樣,仲有人留言話:「我的童年回憶」。
童星出身嘅小柏林,當年考入喇沙書院,會考取得24分,07年於香港大學生物科技系畢業;其後投身警界。12年佢同拍拖兩年的女友劉律心結婚。


小柏林真係同好多天王巨星合作㗎。好似黎明(城市周刊圖片)


袁文傑噚晚貼咗同小柏林同小小柏林嘅合照。(ig圖片)