All About Leon

王歌慧讚前老闆黎明又Nice又惡:有俾佢訓話到喊
In Response To: 2018-05-05 新聞 *NM* ()

https://www.hk01.com/%E5%8D%B3%E6%99%82%E5%A8%9B%E6%A8%82/185311/%E6%A3%9F%E4%BB%81%E7%9A%84%E6%99%82%E5%85%89-%E7%8E%8B%E6%AD%8C%E6%85%A7%E8%AE%9A%E5%89%8D%E8%80%81%E9%97%86%E9%BB%8E%E6%98%8E%E5%8F%88nice%E5%8F%88%E6%83%A1-%E6%9C%89%E4%BF%BE%E4%BD%A2%E8%A8%93%E8%A9%B1%E5%88%B0%E5%96%8A

【棟仁的時光】王歌慧讚前老闆黎明又Nice又惡:有俾佢訓話到喊

撰文:張嘉敏
2018-05-05 16:42

無綫劇集《棟仁的時光》已經進入結局篇,在劇中飾演Kris (唐詩詠飾) 好姊妹的Viola (王歌慧飾) 雖然只是配角,但每次出場都幾搶鏡,成功令觀眾同網民留下印象。唔知大家仲記唔記得,其實現年27歲的王歌慧 (Emily) 於06年,即16歲時曾因爲獲得黎明 (Leon) 提攜而簽約A Music入行做歌手,可惜發展未如理想。至2015年Emily正式簽約TVB開始拍劇。

今日Emily與《棟仁的時光》劇中一班演員齊齊出席該劇的宣傳活動。她接受訪問時被問到會否覺得今次飾演Viola是最有發揮的一次,她說:「好多謝TVB畀咗好多機會我,之前拍過兩套劇嘅角色都好好玩,可能今次個角色多人留意啲,每個角色我都好用心去演,有唔同嘅嘗試都好開心。(終於捱到?)我覺得依家先係開始,係一個好嘅開始,感覺自己嘅演藝事業終於起步喇。」

講到Emily是因爲Leon提攜而入行做歌手,究竟Leon是怎樣提攜她呢?原來成件事係源於咁啱遇到!Emily憶述說:「嗰時我仲喺九龍塘讀緊書,有一日我同成班同學喺cafe食嘢,佢哋話見到Leon喺對面拍戲,咁我哋咪走過去睇,去到先知唔係拍戲,Leon只係喺度飲茶。佢好nice,主動同我哋傾偈,仲問晒我哋咁多個拎電話,話遲啲請我哋睇演唱會。點知事後我就收到唱片公司嘅人打電話嚟,問我有無興趣唱歌。我真係完全無諗過,以為係打嚟話請我睇演唱會,不過之後都有請我去睇嘅。」

至於是因爲咩原因被Leon睇中,Emily表示:「後嚟有問返佢話係因為我笑得好淡定。」而對於前老闆Leon的感覺,Emily說:「佢好照顧人,無架子,份人比較直接,可以好nice但惡起上嚟可以好嚴肅,我都有俾佢訓話過,話到我喊,但咩事已經唔記得喇。」對於被指家境富裕,是否就算無job都唔使怕?她說:「我同屋企幾少講錢,自己亦唔係打風流工,覺得咁大個人應該要賺到錢養到自己,無嘢做無收入都會幾大壓力。」她又笑父母都希望她快些甩手,可以早日嫁人。


王歌慧大讚前老闆Leon可以好nice,但都可以好惡。(黃國立攝)

Messages In This Thread

2018-05-05 新聞 *NM*
【係父愛呀!】黎明照顧早產B女 武漢演唱會押後
王歌慧讚前老闆黎明又Nice又惡:有俾佢訓話到喊