All About Leon

黎明小公主提早報到 十級戒備 嚴禁探B
In Response To: 2018-04-27 新聞 *NM* ()

https://www.orientalsunday.hk/%e6%9c%80%e6%96%b0%e5%a8%9b%e8%81%9e/%e9%bb%8e%e6%98%8e%e5%b0%8f%e5%85%ac%e4%b8%bb%e6%8f%90%e6%97%a9%e5%a0%b1%e5%88%b0-%e5%8d%81%e7%b4%9a%e6%88%92%e5%82%99-%e5%9a%b4%e7%a6%81%e6%8e%a2b/

黎明小公主提早報到 十級戒備 嚴禁探B

東方新地 - 娛聞 on Apr 27, 2018 at 20:00

恭喜恭喜!一個月前至認頭同前助手Wing「兩個經歷過離婚的人,有機會走在一起已是一種緣份。」,一個月後,黎天王已經正式「進入人生中另一階段」!大肚八個半月的新晉天王嫂周一(23日)傳出已早產誕下B女,黎明做爸爸了!本來打著如意算盤收收埋埋兩母女,3月本刊率先爆完Wing陀住天王B,黎明無奈公開喜訊。今次B女提早報到,黎明亦都講到做到,下令身邊人全面封鎖消息同謝絕探訪,做咗爸爸,果然萬大事大不過保護新歡同愛女!

撰文:東方新地|圖片:新傳媒圖片庫、黎明FB

黎明 拒再現身醫院

真的假不了,由貼身助手到大住肚入住黎明上水古洞豪宅、出入自駕天王名下靚車,3月本刊獨家踢爆由助手升呢Amusic前營業部經理成功打動失婚黎明,獲得寵幸仲陀住六個月天王B,話口未完,B女周一(4月23日)已經提前近一個月駕到。處理私生活感情事一向低調、撻著前助手亦都盡量收埋,雖然Wing陀B再早產走漏風聲,51歲老來得女的黎天王仍然希望盡可能封鎖消息,為兩母女營造不受傳媒和粉絲騷擾的正常生活。


Leon 3月中被本刊爆出新歡阿Wing懷胎六個月,向來甚少談私事的Leon其後在社交網發文,承認將為人父,並揚言會保護家人免曝光!


黎明為聯合國兒童基金會親善大使,平時在活動上遇見小朋友都父愛氾濫,睇Leon抱B熟練的手勢,一定係個廿四孝爸爸。


B女提早出世,大批傳媒到傳聞明嫂在該處生B的浸會醫院守候,每個出入口都有警衞嚴密看守,保安明顯加強。

明嫂 產前獨來獨往

為了密冚懷有天王B,阿Wing已經甚少返工,免大肚消息通天,就算陀住巨肚都係獨來獨往睇車入貨上倉添置BB用品,雖然Leon冇辦法時刻陪伴身邊、手拖手出入,但對BB嘅所有狀況佢都一直掌握得好清楚,據知今次早產入院,講過會保護家人的黎明相當緊張,對外十級戒備,以防母女受騷擾,知情者透露:「Leon都有心理準備亦都即刻停工陪安胎。其實工作以外,黎明都少出街更加少social,阿Wing誕女後與外界隔絕,依家提早做老竇消息傳出,Leon將保護行動升級,拒絕人來探B,除此之外,由醫院醫護,到屋企工人同看更,連另一半阿Wing,黎明都個個交代晒唔好對外洩露任何風聲!」


阿Wing陀B後不但甚少返工,買BB用品、揀家品、醫肚等都獨來獨往,避免跟黎明孖住出入。

發火護女

傳出誕B後,連日大批傳媒趕至浸會醫院,醫院亦明顯加強保安,Leon為了保護母女,在FB發火:「我不會再出現醫院,寧願選擇在有私人空間的場合享受與家人在一起。最後我也無奈回頭一想當年讀書時期所學到的歷史日本侵華中的(漢奸)為什麼會出現,原來有些人真是有這種漢奸基因,喜歡爆料⋯⋯」黎明咁嬲,無非都係想保護屋企人!


Leon在FB發文,指為免再次出現醫院會令醫院及其他病人增添壓力,所以不會再現身醫院。然後又句句有火鬧爆爆料者,指爆料者將別人的問題變成八卦去告知媒體,不滿自己升呢做人父,卻成為花生友的對象,黎明發火非同小可。


Leon 3月19日以影視娛樂大使身份出席電影節啟動儀式,活動後匆匆回家陪大肚新歡,為了照顧BB女,更停工陪伴。

舊相好齊送祝福

早前黎明在社交網承認將為人父,前妻樂基兒叫前夫快啲生多啲BB,日前爆出黎明B女提早出世,樂基兒大方送上祝福:「Congratulations and happy for him.」

黎明新歡Wing當日曾任李治廷助手,愈行愈埋變拖友,李治廷當得知舊愛及舊老闆喜獲BB,亦送上祝賀:「Congratulations to Leon and Wing! 恭喜小公主的來臨!」

Messages In This Thread

2018-04-27 新聞 *NM*
視頻﹕胡楓祝賀契仔黎明弄瓦之喜
【似爹哋定媽咪?】探咗契孫未呀?胡楓:好秘密無人知
黎明小公主提早報到 十級戒備 嚴禁探B
Re: 黎明小公主提早報到 十級戒備 嚴禁探B
契仔黎明當爸好秘密 胡楓準備禮物祝賀
黎明傳停工專心陪月