All About Leon

【天王B出世喇!】黎明做爸爸 阿Wing早產一個月生5磅囡囡
In Response To: 2018-04-23 新聞 *NM* ()

https://hk.entertainment.appledaily.com/enews/realtime/article/20180423/58109390

【天王B出世喇!】黎明做爸爸 阿Wing早產一個月生5磅囡囡

建立時間 (HKT): 0423 20:43

黎明(Leon)早前公開認愛,與女助手Wing交往,並即將榮升父親。一直有指Wing預產期於5月尾,但今日傳出Wing早產誕B。

據《蘋果》收到獨家消息,Wing日前已順產為Leon誕下得意B女,母女平安。但由於B女早產,故磅數較輕,只有5磅,不過樣子相當精靈可愛。

向來低調的Leon,早前在facebook撰文已表示,會好好保護家人,不會讓其曝光,故今次Wing生B,身邊所有人密冚消息,不希望B女曝光。

https://hk.entertainment.appledaily.com/enews/realtime/article/20180423/58109492

【四大天王五千金】命中注定? 昔日天王都係外父相

建立時間 (HKT): 0423 21:10

天王黎明日前平安抱女,計埋佢,昔日喺樂壇嘅四大天王,不單只全部做晒老竇,仲個個外父相。

先計近期一啲嘅,梗係郭富城去年獲大陸網紅妻方媛(Moka)為佢成功誕下囡囡Chantelle,平日予人「無腳雀仔」形象嘅城城,一提起囡囡,個女甜到漏,Moka亦講過城城的確好錫囡囡。

再嚟就係劉德華,佢同朱麗倩於2008年6月喺美國賭城註冊結婚,婚後朱麗倩繼續低調,直至2012年為華仔添女劉向蕙(Hanna)。

至於四大天王中最早做老竇嘅,就係近日忙於世界巡迴演唱會嘅張學友,佢喺1996年同羅美薇拉埋天窗,婚後生咗兩名金張瑤華及張瑤萱,今年分別17及13歲大。


四大天王都已為人父(資料圖片)

----------------------------------------

https://ol.mingpao.com/php/showbiz3.php?nodeid=1524488405391&subcate=latest&issue=20180423

【貫徹低調作風】傳51歲黎明做老竇 阿Wing早產誕B女 (20:49)

51歲黎明早前在facebook留言承認做父親,有傳黎明今日已升呢做爸爸。有指比黎明年輕19年的阿Wing早產生BB,不過黎明和阿Wing貫徹低調作風,絕口不提榮升父母一事,有指阿Wing誕下5磅B女,本報亦曾傳短訊給阿Wing,但未獲回覆。


有傳黎明今天做老竇,阿Wing(左圖)早產一個月誕天王B。(資料圖片)

-----------------------------------------------------------

http://hk.on.cc/hk/bkn/cnt/entertainment/20180423/bkn-20180423201218298-0423_00862_001.html

51歲黎明升呢做老竇 阿Wing早產一個月

04月23日(一)
21:16更新20:12建立

51歲天王黎明承認與年輕十九年的助手阿Wing撻着,早前更在社交網認做父親。東網收到獨家消息,今日黎明真係做咗爸爸,有知情人士透露指阿Wing早產一個月誕下B女,因為早產嘅關係,所以比較輕,只有五磅左右。其實黎明身邊人都知道阿Wing早產一事,但佢哋都貫徹黎明低調作風,齊齊封口。

醫生:早產有三大原因

對於阿Wing早產,婦產科專科醫生余啟文表示情緒只佔小部分原因,而早產主要分為孕婦健康、感染及不明原因三個主要原因,他說:「一,如果孕婦患有妊娠糖尿病、血壓高、流血等問題,可能影響胎兒健康,BB要立即出世;二,陰道或子宮受感染;三,原因不明,可能孕婦有吸煙習慣,緊張或情緒雖然唔係直接影響,但會係間接、不知明原因之一。」


真係恭喜晒!(資料圖片)


有指黎明真係做咗老竇。(資料圖片)


阿Wing早產一個月。(資料圖片)


黎明(資料圖片)

http://hk.on.cc/hk/bkn/cnt/entertainment/20180423/bkn-20180423211737978-0423_00862_001.html

黎明做老竇 胡楓封大利是畀契孫

04月23日(一) 21:17

天王黎明正式升呢做老竇,契爺胡楓從記者口中得知喜訊,即開心地笑說:「做爸爸喇?!太好喇,好開心呀!(會唔封大利是畀契孫?)梗係會,希望BB快高長大。」

胡楓是圈中出名的好爸爸,問他可會傳授一些教子心得畀黎明?胡楓直言不需要:「He is a good boy!佢做人處事樣樣都做得咁好,已經係好好嘅身教,佢嘅小朋友只要以佢做榜樣,就一定會係一個好乖嘅小朋友。」


胡楓(左)話好開心呀!(資料圖片)

http://hk.on.cc/hk/bkn/cnt/entertainment/20180423/bkn-20180423210542700-0423_00862_001.html

黎明做老竇 孫敬安買份大禮賀老友

04月23日(一) 21:05

天王黎明升呢做老竇,老友孫敬安正身在內地,他接受長途電話訪問時說:「我喺東莞幫黎明傾緊演唱會,所以仲未收到喜訊,我返香港一定會打畀佢問吓,仲要買份大禮賀吓佢做爸爸。(會唔會上契?)咁又唔會,唔使上契,兄弟嘅仔女咪即係我嘅仔女!(咁係咪積極幫佢傾演唱會,搵奶粉錢?)哈……佢大把錢,唔使特別搵。」


孫敬安話老友黎明唔使特別搵銀買奶粉。(資料圖片)

-------------------------------------------------------------

http://hk.on.cc/hk/bkn/cnt/entertainment/20180423/bkn-20180423204957261-0423_00862_001.html

黎明做老竇 阿Wing母憑B貴住半億獨立屋

04月23日(一) 20:49

天王黎明於上月被踢爆同助手阿Wing撻着及懷「明種」六個月,Wing被發現肚凸凸睇車及睇嬰兒用品,出入黎明上水豪宅,即引起全城熱話,紛紛討論黎明係咪「空肚有BB」!一直封口唔表態嘅黎明,喺上月十九號出席香港影視娛樂博覽露面時不受訪不表態,但之後突然在社交網站發文承認做父親,即獲全城大讚為找數真漢子!黎明說:「兩個經歷過離婚的人,有機會走在一起已是一種緣份(分),有了的小生命更將令我成為父親,並帶我進入人生中另一階段。我作為父親必須保護好我自己的家人,更不願意讓家人隨便曝光,相信作為家長也會有同感。對於我們的將來,就交給時間去證明一切。」

黎明Man爆找數獲全城派like,「母憑B貴」的Wing傳聞一浪接一浪,包括有傳她和歌手李治廷、富二代趙偉猷(Vincent)等撻着,當中和Vincent更於去年年底以情侶姿態出席歌手周國賢的妹妹的婚禮。早前東網更踢爆黎明愛屋及烏,安排Wing的母親由藍田公屋搬到黎明的其中一個物業、市值近5,000萬的御林皇府獨立屋,以方便照顧Wing!


阿Wing母憑B貴!


恭喜晒!


阿Wing一登「明」門升價十倍!


黎明之前喺社交網承認就做爸爸!


真係生咗!


進駐5,000萬的御林皇府獨立屋!


同李治廷曾傳緋聞!

------------------------------------------------

http://std.stheadline.com/instant/articles/detail/698203-%E5%A8%9B%E6%A8%82-%E3%80%90%E5%9B%9B%E5%A4%A7%E5%A4%96%E7%88%B6%E3%80%91Wing%E9%A0%86%E7%94%A2%E8%AA%95%E5%8D%83%E9%87%91+51%E6%AD%B2%E9%BB%8E%E6%98%8E%E6%AD%A3%E5%BC%8F%E7%95%B6%E7%88%B8

【四大外父】Wing順產誕千金 51歲黎明正式當爸

2018-04-23 21:09

黎明自上月以影視娛樂大使身份出席影視博覽活動後便一直「潛水」等做父親,今日終於傳來好消息,「天王嫂」Wing順產誕下千金,母女平安!黎明正式榮升父親,實在可喜可賀!

據悉,「天王嫂」Wing今個月已踏入預產期,黎明亦十分體貼,今個月開始全面停工,就連公司亦沒有再返,放下手頭上工作專心陪產,不過二人依然貫徹低調作風,將生產一事全面保密。

51歲的黎明於上月在個人社交網站報喜,親自承認將為人父一事,並留言說:「兩個經歷過離婚的人,有機會走在一起已是一種緣份,有了的小生命更將令我成為父親,並帶我進入人生中另一階段。我作為父親必須保護好我自己的家人,更不願意讓家人隨便曝光,相信作為家長也會有同感。對於我們的將來,就交給時間去證明一切。2018年3月19日! Leon 」此舉獲得不少網民祝福與支持,還大讚他是「找數真漢子」。


Wing為黎明誕下B女。

------------------------------

https://www.hk01.com/%E5%8D%B3%E6%99%82%E5%A8%9B%E6%A8%82/181269/%E5%82%B3%E9%BB%8E%E6%98%8E%E6%AD%A3%E5%BC%8F%E5%81%9A%E7%88%B8%E7%88%B8-wing%E8%AA%95%E4%B8%8B%E5%A4%A9%E7%8E%8Bb%E5%A5%B3

傳黎明正式做爸爸  Wing誕下天王B女

撰文:鄺鈺瑩
2018-04-23 21:13
最後更新日期:2018-04-23 21:35

51歲黎明去年與32歲女助手Wing傳出戀情,當時更有消息指二人已共賦同居,向來行事低調的他,今年3月時透過fb承認將為人父,亦同時確認與Wing的戀情。「兩個經歷過離婚的人,有機會走在一起已是一種缘份,有了的小生命更將令我成為父親,並帶我進入人生中另一階段。我作為父親必須保護好我自己的家人,更不願意讓家人隨便曝光,相信作為家長也會有同感。對於我們的將來,就交给時間去證明一切。2018年3月19日! Leon 」

不過對於女友陀仔定女,黎明一直都未有交代,但今日就有消息指Wing已為黎明誕下B女一名,由於早產關係,所以BB只得5磅。對於生B一事,黎明身邊好友一律應要求封口。無論係仔定女都好啦,都要講聲恭喜晒。


黎明今年3月出席香港影視娛樂博覽開幕禮後,同日在FB宣佈將為人父。(資料圖片)


有傳Wing呢胎係早產。(網上圖片)

Messages In This Thread

2018-04-23 新聞 *NM*
51歲黎明升呢做老竇 阿Wing早產一個月
Re: 51歲黎明升呢做老竇 阿Wing早產一個月
Re: 51歲黎明升呢做老竇 阿Wing早產一個月
黎明做老竇 前妻樂基兒送祝福
視頻﹕黎明做爸爸 阿Wing早產一個月生5磅囡囡
恭喜leon
Re: 恭喜leon! 祝福黎BB健康成长! *NM*
傳黎明做爸爸 Leon情人阿Wing早產誕女嬰
【天王B出世喇!】黎明做爸爸 阿Wing早產一個月生5磅囡囡
【母女平安】黎明迎接新生命 樂基兒:Congratulations
黎明做老竇 「黎太」酸溜溜送祝福