All About Leon

5,000萬獨立屋冇人住 「黎明嫂」Wing擬安排阿媽「入宮」侍產
In Response To: 2018-04-05 新聞 *NM* ()

http://orientaldaily.on.cc/cnt/entertainment/20180405/00282_001.html

5,000萬獨立屋冇人住 「黎明嫂」Wing擬安排阿媽「入宮」侍產

影片 http://video-cdn.on.cc/Video/201804/OEN180404-14183-C1-M_ipad.mp4?t=1522879584

天王黎明(Leon)上月網上留言親證將為人父,佗住7個月「天王B」的正是旗下唱片公司助手Wing,能得到Leon寵幸「入宮」!腹大便便的Wing,自升格「黎明嫂」後整個月都深居簡出,在豪宅安胎,Leon手頭物業眾多,據悉Wing「睇中」公司高層離職後遷出的獨立屋,有意安排住公屋的母親進駐,方便照顧。

成為Leon新寵的Wing(陳泳儀),上月被拍到腹大便便駕駛着Leon名下的私家車,在其上水雙魚河St.Andrews Place價值6,000萬的豪宅出入,令人揣測腹中BB屬誰時,Leon就大方在網上「找數」承認將做老竇,並表明會保護好家人,不想讓家人隨便曝光,故此Wing一直「潛水」未見現身公開場合,專心安胎。

平租畀王凱文住

Leon一向投資「磚頭」有道,早年已買下不少物業,之前就有報道指他在上水有兩幢價值逾億元的豪宅,均以死黨兼助手子泉名義所開設的公司持有,而Leon一向重情義,尤其對身邊工作夥伴一直照顧有加兼豪爽對待,據知其中一間市值近5,000萬的御林皇府獨立屋,曾以市價一成的租金,租予旗下Amusic的高層王凱文,免對方經常到他家開會太夜而舟車勞頓,所以Leon絕對是個「闊綽老闆」!惟年初王凱文離識後,豪宅人去「樓」空,有知情者稱已懷有「天王B」的Wing,對該豪宅大表興趣,因兩間豪宅相距的車程不用5分鐘,加上距離預產期不足3個月,故有意安排居住藍田公屋的母親進駐,變成另一「行宮」方便照顧Wing。又有指Leon對Wing疼愛有加,將當年給前妻樂基兒的紀念車牌「R1VA」亦轉贈給Wing使用。

「黎太」買飛冇托手(月爭)

至於Wing今次「母憑B貴」成功「入宮」,過去她的戀事亦不斷浮面,先後有李治廷、車行富二代趙偉猷(Vincent),但有傳Wing和Leon早於2016年在中環發生「帳篷事件」演唱會時,兩人已經撻着,並非去年才開始拍拖。當時不少人知道Wing在Leon身邊工作,都託她買Leon演唱會飛,她定必有求必應,信心十足話「實買到」,有口痕友便講笑叫她「黎太」,當時Wing表現受落,原來早有「緣」因已成天王的寵兒。

不少人都奇怪一個「素人」如何攻陷天王心,最大原因是Leon於2012年與樂基兒離婚後一直單身,加上父親離世,變成「Lonely Guy」,當時王凱文不時帶着下屬Wing到Leon家中作客兼開會,很多時深夜才離開,Wing的「體貼細心」正好慰藉了Leon寂寞的心。

文:音樂組


黎明


黎明的上水寓所,私隱度極高。


我鍾意住呢度,近近哋,方便媽咪嚟照顧我!(設計對白)
腹大便便嘅Wing,係需要舒適環境安胎嘅!


黎明的另一豪宅,曾以極平租金租給公司前高層王凱文居住。


王凱文(左)

------------------------------------------------------------------

http://orientaldaily.on.cc/cnt/entertainment/20180405/00282_003.html

讚體貼請食好西 雷頌德:信我係最大福利!

Leon一向出晒名對員工和工作夥伴照顧有加,著名音樂人雷頌德(Mark)和Leon是合作無間的多年老友,昨日Mark在電話中被問到Leon對他可曾提供過甚麼福利?Mark聞言搞笑神回:「信任我就係最大福利!佢會成日請我食好嘢同埋飲靚酒,不過我就唔識欣賞囉!」又大讚對方體貼細心:「佢好識照顧身邊嘅人,每次我唔舒服嘅時候,佢都可以喺個背囊度拎啲成藥出嚟畀我。(有冇啲同車有關嘅福利?)咁車我自己都有,唔係自己嘅車我係唔會揸嘅。(佢有冇將名下嘅物業用一成租金租畀你呀?)上水太遠啦!其實佢嗰時肯嚟我嘅演唱會表演,已經係我嘅福分。」

前晚Mark現身古巨基的線上直播音樂會時,自詡十分守得秘密,當年為基仔和老婆的地下情一直忍口,隨即有網友留言問他 : 「咁你係咪同Leon守秘密都守得好辛苦?」十分抵死搞笑。


雷頌德與黎明合作多年,Friend過打Band。

-------------------------------------------------------------

http://orientaldaily.on.cc/cnt/entertainment/20180405/00282_004.html

全面「潛水」等做爸爸

Leon近年產量不多,年前拍攝咖啡廣告令網民驚喜非常,去年就首次執導以紅酒為主題的電影《搶紅》。此外,他相隔23年再拍內地電視劇《莫語者》,消息一出即引起極大回響,此劇於今年1月底拍攝完畢,現正進行後期工作。而近日另一套內地史詩式劇集《將夜》,劇組公開Leon飾演帝王的古裝劇照,粉絲大讚有型又霸氣,加上同劇有鄭少秋、胡軍等實力派演員,令人期待!

而Leon自上月19日出席過影視娛樂博覽活動,晚上於網上公布將為人父後,便一直沒有公開亮相,連微博也沒有更新,專心等做爸爸。


黎明在劇集《將夜》中演帝王,有型又霸氣。

=========================================

http://orientaldaily.on.cc/cnt/entertainment/20180405/00282_002.html

異性緣旺 富二代伴左右

Wing自從由黎明助手升格為新歡後,過往戀情不斷被翻出。本報收到消息,曾離婚的Wing與Leon其實早於2016年撻着,然而Wing去年正與車行富二代Vincent公開拍拖,10月兩人更一起出席周國賢胞妹的婚禮,男女關係耐人尋味,其異性緣亦相當旺。

其實Wing加入Amusic初時主要是協助李治廷,有傳她眼見李治廷在內地走紅,於是在香港開高價,導致男方失去不少機會。不過兩人感情要好,更有指Wing踏上離婚之路與李治廷有關。至2015年,李治廷離開公司,有指李治廷不帶她走,亦有說法是Wing要求留低在Amusic,故不論真與假,Wing留守Amusic竟令她走上富貴之路。


Wing熱愛賽車,曾與車行富二代Vincent拍拖。


Vincent(左)與Wing去年底孖住出席周國賢妹妹的婚禮。


Wing曾是李治廷的助手,感情要好。

Messages In This Thread

2018-04-05 新聞 *NM*
【真係「老黎」呀﹗】51歲黎明老妝曝光 有型到爆
5,000萬獨立屋冇人住 「黎明嫂」Wing擬安排阿媽「入宮」侍產
JM恭喜黎明當爸
黎明全面「潛水」 等做老竇
東網寫野好似精神錯亂
現在是新聞混亂期
黎明女友異性緣旺不行嗎?與私生活混亂是一回事?
呢個新聞很正能量,終於睇到一個思想正常邏輯清晰的記者
Re: 東網寫野好似精神錯亂
Re: 東網寫野好似精神錯亂
Re: 東網寫野好似精神錯亂
Re: 東網寫野好似精神錯亂
記者連張相都冇影到,你又肯定這個獨家料係真?
Re: 記者連張相都冇影到,你又肯定這個獨家料係真?
Re: 記者連張相都冇影到,你又肯定這個獨家料係真?
你冇睇到寫住"擬安排" 三個字咩?安排就安排,咩叫做擬安排呀,即係唔肯定
Re: 你冇睇到寫住"擬安排" 三個字咩?安排就安排,咩叫做擬安排呀,即係唔肯定
Re: 你冇睇到寫住"擬安排" 三個字咩?安排就安排,咩叫做擬安排呀,即係唔肯定
Re: 你冇睇到寫住"擬安排" 三個字咩?安排就安排,咩叫做擬安排呀,即係唔肯定
Re: 你冇睇到寫住"擬安排" 三個字咩?安排就安排,咩叫做擬安排呀,即係唔肯定
Re: 你冇睇到寫住"擬安排" 三個字咩?安排就安排,咩叫做擬安排呀,即係唔肯定
Re: 記者連張相都冇影到,你又肯定這個獨家料係真?
Re: 記者連張相都冇影到,你又肯定這個獨家料係真?
Re: 東網寫野好似精神錯亂