All About Leon

【外父相有樣睇】黎明打破「天王生女」局?麥玲玲:女仔係佢命中貴人
In Response To: 2018-03-20 新聞 *NM* ()

https://hk.entertainment.appledaily.com/enews/realtime/article/20180320/57971769

【外父相有樣睇】黎明打破「天王生女」局?麥玲玲:女仔係佢命中貴人

建立時間 (HKT): 0320 17:52

四大天王中郭富城、劉德華同張學友都係生囡囡,噚日黎明都親認就嚟做爸爸,有指女助手Wing已懷孕六個月,更盛傳呢胎係生女,即係如果黎明都係生B女,四大天王就會升呢變「四大岳父」。唔知黎明會唔會意外地一索得男,打破「天王生女」嘅局面?!

對於盛傳四大天王都生囡囡,原來外父相有樣睇,堪輿家麥玲玲接受《蘋果》電話訪問表示:「四大天王由出道開始已經大受歡迎,fans以女仔比較多,好明顯佢哋無論命格同樣,女仔都係旺佢哋,所以邏輯上生囡機會高啲;就算睇樣計,除咗黎明之外,郭富城明顯耳珠比較大,雙珠朝口,女仔係佢命中貴人,由出道嘅小美、身邊女性、女fans、囡囡都係旺佢嘅,華仔亦都係好大耳珠,學友都係,黎明就唔算係,因為佢耳珠飛輪反廓,但係睇番黎明本身,就算生完囡囡之後,之後有機會追到囝囝,城城都係一樣。」

張學友 囡囡張瑤華、張瑤萱

四大天王之中,學友係最先成家立室,為圈中好好先生,1996年同羅美薇拉埋天窗,婚後生咗兩個囡囡張瑤華(Zoe)、張瑤萱,囡囡外貌較似羅美薇。當年羅美薇喺新藝城任文職,被黃百鳴發掘,演電影《開心鬼》入行,之後跟羅明珠、袁潔瑩及李麗珍等組成開心少女組,1986年拍《痴心的我》結識學友並拍拖,1988年曾分手,喺1991年復合。

劉德華 囡囡劉向蕙

2008年6月跟朱麗倩於美國賭城註冊,劉德華多年嚟對戀事諸多忌諱,一直密冚與朱麗倩嘅24年情,直至朱父病逝,華仔嘅女婿身份浮面,朱麗倩於2012年生咗囡囡劉向蕙(Hanna)。

郭富城 囡囡Chant

城城一向讓人感覺似「無腳雀仔」,早前同熊黛琳分手,2015年同大陸網紅Moka拍拖,2017年4月結婚,同年生下囡囡Chant,雙喜臨門,城城每次出活動講起囡囡,都流露出甜笑,有女萬事足。

黎明

同樂基兒2008年喺美國賭城結婚,2012年發聲明宣佈離婚,前「天王嫂」樂基兒於2017年同才俊Ian拉埋天窗,親證於8月在美國再婚,噚日黎明亦公開喜訊,「兩個經歷過離婚的人,有機會走在一起已是一種緣份,有了的小生命更將令我成為父親,並帶我進入人生中另一階段」,黎明指作為爸爸,必須保護家人,亦唔願意令屋企人曝光,對於佢哋嘅將來就交俾時間去證明一切。


四大天王由出道開始已經大受歡迎,fans以女仔比較多


黎明女助手Wing已懷孕六個月


對於盛傳四大天王都生囡囡,原來外父相有樣睇

Messages In This Thread

2018-03-20 新聞 *NM*
視頻﹕ 黎明報喜快做老竇: 周慧敏公開祝賀黎明榮升父親
圖﹕香港電影展偶遇黎明
徐子珊林家棟及小齊恭喜黎明做老竇
【外父相有樣睇】黎明打破「天王生女」局?麥玲玲:女仔係佢命中貴人
四大天王最後一個 黎明宣布做老竇! 「小生命帶我進入另一階段」
「小生命帶我進入人生中另一階段」 51歲黎明認快將做老竇
「將來交由時間證明」黎明FB報喜快做老竇
為影視展揭幕台上風騷 51歲黎明網上親證將當爸
【C1頭條】黎明宣告做爸爸 緣份令兩個失婚人走在一起