All About Leon

黎明新寵Wing Chan 陀B六個月
In Response To: 2018-03-15 新聞 *NM* ()

https://www.orientalsunday.hk/%e6%9c%80%e6%96%b0%e5%a8%9b%e8%81%9e/%e9%bb%8e%e6%98%8e-%e6%96%b0%e5%af%b5-wing-%e9%99%80b-%e7%8d%a8%e5%ae%b6-%e6%96%b0%e7%9b%b8/

【獨家新相】 黎明新寵Wing Chan 陀B六個月

黎明離婚六年感情再有滋潤!早前本刊獨家爆出黎明去年開始寵幸失婚女助手Wing Chan。阿Wing閃升新寵做營業部經理,除咗喺黎明的多年心血AMusic打晒骰外,就連位於上水雙魚河St.Andrews Place的6千呎獨立屋,阿Wing都出入自如。 本刊近日收到可靠消息,指阿Wing狗年報喜將榮升人母,現已專心養胎的阿Wing,生完金叵羅,得寵程度定必再提升!

本刊收到可靠消息,指阿Wing不單成為天王新寵,更會在狗年榮升人母,現時已懷孕六個月!日前本刊拍得阿Wing由黎明寓所出發去shopping,可見佢腹大便便但行竹動輕盈,且剪了一頭短髮。

據知阿Wing現時在AMusic已是一人之下、萬人之上,不過近月個肚愈來愈大,返工次數則愈來愈少。知情者透露母憑B貴的阿Wing,產假未到已經可以選擇性返工,久唔久先以揸fit人姿態現身公司,同一般孕婦前四後六大有分別!大住肚入宮養胎的阿Wing,生完個金叵羅,得寵程度定必再提升!

【獨家新相】 黎明新寵Wing Chan 行頭十級跳變闊太

黎明離婚六年感情再有滋潤!早前本刊獨家爆出黎明去年開始寵幸失婚女助手Wing Chan,而本刊再度收到可靠消息,指阿Wing狗年報喜將榮升人母,現時已陀B六個月!呢日阿Wing大肚出巡shopping,睇完七人車又睇BB床,個人打扮都煥然一新,一身行頭加埋接近4萬元,榮升闊太!

撰文:東方新地|圖片:東方新地

又一個飛上枝頭的成功故事,原本寂寂無聞屋邨出身的唱片公司已婚女助手Wing Chan,13年撻著當時屬黎明旗下的李治廷,有傳佢跟出埠工作愈行愈埋,最終與老公離婚收場,後來與李治廷亦分手兼斷絕來往。

阿Wing個性熱情開朗,細細粒皮膚黝黑似迷你版樂基兒,在老闆黎明最心情低落時主動熱情出擊,上門陪伴又頻頻出海飲紅酒,旋即獲老闆黎明寵幸!據知阿Wing現時喺黎明旗下公司打晒骰,更進駐天王於上水雙魚河St.Andrews Place的6千呎獨立屋!

本刊收到可靠消息,指阿Wing不單成為黎明新寵,更會在狗年榮升人母,現時已懷孕六個月!日前本刊拍得阿Wing由黎明寓所出發去shopping,可見佢腹大便便但行竹動輕盈,且剪了一頭短髮。

睇中七人車

據知阿Wing已為生B作好準備,早前把頭髮剪短,以免搶去BB營養,看她精神不錯,腳骨力特好,行足幾個鐘頭街都未見要休息。入到商場,阿Wing第一時間行到車行,望住門口陳列價值約35萬的七人車「Noah」,佢睇得入神更用手機影低,車行經紀見佢一身名牌似足闊太,即落足嘴頭力Sell,除殷勤招呼上車試坐,又埋枱傾價錢同細節。


阿Wing試坐後同經紀密密斟。


阿Wing對呢部價值約35萬的七人車甚有興趣,仲拎手機出來影低部車。

之後阿Wing拎住新車資料離開,還邊行邊研究。據知呢款車與黎明得力助手子泉駕駛的七人車同款,阿Wing為方便產後與B外出,亦想把現時駕駛的福士小房車換成七人車,與子泉睇齊。


阿Wing逛完家品店又狂掃籐器,自己一手一腳搬上床。

再睇BB床

其後阿Wing再折返商場逛嬰兒家具店,主攻日本品牌的BB床及被具,見佢細心研究每張床的資料,最後睇中一張可延伸長度及與大人床拼接的BB 床,不過佢未有落訂購買,並向售貨員表示要與家人商量後先決定。


當日阿Wing喺呢間日本嬰兒家具品牌店行咗好耐。


阿Wing對呢張可延伸的BB床特別有興趣,BB床連同日本製被具及其他床具等,共值約7千元。

行頭十級跳變闊太

屋邨長大的阿Wing,本來只係一個女助手,衣著方面向來簡約。不過搖身一變成為黎明新寵後,行頭亦十級跳似足闊太,由頭到腳都係當季的名牌,富貴生活現晒形!


阿Wing行頭十級跳!


Messages In This Thread

2018-03-15 新聞 *NM*
視頻﹕ Mark稱唔驚訝Leon做爸爸:如果係真…
視頻﹕ 雷頌德回應 Leon 的新緋聞
【黎明做爸爸?】面對傳媒狂追問 雷頌德:我真係唔知道
避見傳媒!黎明由秘道急返寓所 / Mark稱唔驚訝Leon做爸爸:如果係真…
Re: Mark稱唔驚訝Leon做爸爸:如果係真…
【更新】【秘】黎明一早睇中「新歡」阿Wing 寓所外已有不少傳媒守候
【最新】黎明「新歡」疑懷孕6個月 約10名記者喺黎明寓所外守候
視頻﹕: 黎明「新歡」疑有喜!好友雷頌德話唔驚訝
黎明「新歡」疑有喜!好友雷頌德話唔驚訝
【真定假?】傳黎明與女助手同居 就快做老竇 新增黎明助手子泉回應
【真定假?】傳黎明與女助手同居 就快做老竇
咁爆!黎明傳撻失婚女助手 同居兼大肚?
黎明新寵Wing Chan 陀B六個月