All About Leon

【《與神同行》訪問】車太鉉想來港約黎明
In Response To: 2018-01-27 新聞 *NM* ()

https://hk.entertainment.appledaily.com/enews/realtime/article/20180127/57760528

【《與神同行》訪問】車太鉉想來港約黎明 金東旭預告下集戲份有乜唔同

建立時間 (HKT): 0127 18:20

https://video.appledaily.com.hk/mcp/encode/2018/01/27/3535714/20180127_ent_909_w.mp4

由河正宇、車太鉉、朱智勛等主演嘅人氣韓片《與神同行》,本月11號喺香港開畫,極速成為香港史上最賣座韓片亞軍。而噚晚《與神同行》又傳來喜訊,喺香港嘅累積票房成功衝破3,500萬元,而現時喺韓國方面,累計觀影人次亦有1,376萬名觀眾,繼續穩坐韓國歷代最高票房嘅第三位。

而噚晚導演金容華就率一眾演員車太鉉、朱智勛、金香起及金東旭,喺韓國進行謝票活動,同時亦接受本報訪問。對於香港票房創佳績,問到佢哋有冇計劃來香港謝票時,車太鉉就話:「雖然0依家冇立即要去香港嘅計劃,可是如果邀請我哋嘅話,真係非常想去。如果要表演嘅話,一定係東旭去唱歌了。朱智勛就抵死附和要對方以廣東話獻唱,同時亦坦言行程上未必能配合到來香港,又話:「下集都出來了,中間如果有機會當然要去表達我哋嘅感謝,真係有咁樣嘅心意。表演嘅話,東旭唱歌嘅時候我喺旁邊伴舞好了。」

《與神同行》分上下兩部推出,下集將會於今年8月上映,以戲份集中喺河正宇同馬東錫為主,不過喺片中飾演車太鉉胞弟嘅金東旭,喺今集已講明佢係第49名「貴人」,所以下集將會有金東旭唔少戲份,對於兩集有乜分別時,金東旭就話:「最大嘅差別,喺上集中我差不多一直都係鬼,下集我會有生前嘅戲份,這個好像係最大嘅差別。」金東旭同時亦呼籲觀眾要繼續支持下集。

而車太鉉就答謝香港觀眾,又坦言喺香港真係有好多嘅回憶,佢話:「以前跟黎明哥曾一齊飲酒,黎明還用佢自己嘅車來車我,再去香港嘅話,好想同黎明再一齊玩。雖然下集冇我嘅出現,上集香港同韓國上映嘅時間差不多,可是未能直接去香港真係太可惜了,下集嘅時候可以真係去香港同大家見面就太好。如果下集韓國同香港也同時上映,就算大家嘅行程不能配合上嘅話,就算係我自己一個人也好,反正我只演出咗上集,佢哋都喺韓國宣傳,咁我去外國好了,這樣編排行程亦都好唔錯,真係好希望可以直接去香港同大家見面呢。」


車太鉉想來港約黎明


黎明曾經用自己車接載車太鉉

Messages In This Thread

2018-01-27 新聞 *NM*
圖﹕電視劇《莫語者》今日順利殺青#黎明#
【《與神同行》訪問】車太鉉想來港約黎明