All About Leon

黎明澄清無代言增髮產品
In Response To: 2018-01-10 新聞 *NM* ()

http://orientaldaily.on.cc/cnt/entertainment/20180110/00282_028.html

黎明被屈脫髮 不知幾茂盛!

天王黎明被盜用肖像為增髮產品宣傳,其所屬的百仕活公司發聲明,強調黎明沒有為任何增髮產品宣傳或代言,並保留追究權利:「近日在facebook及網上流傳一則中藥增髮的產品帖子,訛稱我司藝人黎明先生曾為脫髮而煩惱,以非法手段借黎明先生的名字和肖像為該類產品宣傳。我司在此發出嚴正聲明,該帖子中有關黎明先生的內容全屬無中生有,絕無此事。」

而經理人公司亦強調黎明沒有接受中藥增髮治療:「擔心有人信以為真而受騙或蒙受損失。(黎明知道?)知道。(有冇嬲被指脫髮?)冇嬲,佢啲頭髮不知幾茂盛,只係想提醒人唔好信呢啲所謂嘅神迹。」並稱會嘗試聯絡有關人士刪除帖子。


黎明頭髮茂盛,脫髮?得啖笑!

-------------------------------------

http://std.stheadline.com/daily/news-content.php?id=1728902&target=2

黎明澄清無代言增髮產品

(星島日報報道)天王黎明(Leon)所屬公司百仕活昨在社交網發出聲明,就Leon疑遭中藥增髮產品盜用肖像作宣傳,強調黎明未為任何增髮產品宣傳或代言,對未經授權利用旗下藝人作宣傳,保留一切追究權利。

  事緣近日網上流傳某中藥增髮產品宣傳帖,訛稱Leon曾為脫髮煩惱,並以非法手段借其名字及肖像宣傳有關產品,百仕活於是發出嚴正聲明指該內容全屬無中生有,絕無此事,希望消費者認清網上購物孰真孰假,不要被誇張失實宣傳欺騙而誤墮消費陷阱,甚至可能影響健康。


黎明所屬公司發聲明澄清代言事件。

---------------------------------------------------

https://www.hk01.com/%E5%A8%9B%E6%A8%82/148232/-%E7%94%B7%E4%BA%BA%E6%9C%80%E7%97%9B-%E9%BB%8E%E6%98%8E%E8%A2%AB%E4%BB%A3%E8%A8%80%E5%A2%9E%E9%AB%AE%E7%94%A2%E5%93%81-%E7%B6%93%E7%90%86%E4%BA%BA%E5%85%AC%E5%8F%B8%E7%99%BC%E8%81%B2%E6%98%8E%E6%80%92%E6%96%A5%E4%BD%9C%E5%81%87

【男人最痛】黎明被代言增髮產品 經理人公司發聲明怒斥作假

撰文: 洪曉璇
發佈日期:2018-01-10 12:30

早前有網友將地中海髮型key上各地公認靚仔男星個頭,結果發現即使有型如謝霆鋒吳彥祖彭于晏,甩起頭髮上嚟都可以扣到變負分。自古以來甩頭髮都係男人最痛top 3,如果真係有脫髮問題時,搽白蘭地食芝麻糊甚至買增髮產品,真係咩方法都會去試。最近有中藥增髮產品就以「黎明都有用」作廣告宣傳,黎明嘅經理人公司發出嚴正聲明,指「從沒安排黎明先生亦沒有為任何增髮產品宣傳或代言。」


黎明一直係廣告商寵兒,代言產品/公司都會大愛歡迎。(Facebook圖片)


網貢中引用多張雜誌報導,甚至「電視截圖」,「力証」黎明有用呢款增髮產品。(網頁截圖)

近日網上流傳一則中藥增髮post,驚現天王黎明居然係代言人,入到網站睇,仲有好多份「昔日報導」,話Leon有中年脫髮煩惱,用咗呢樣產品十日生番10000條頭髮,神跡一樣呀﹗產品仲賣大包,原價$1698,大特價$69就買到啦。Leon經理人公司就喺Facebook發聲明,指呢間公司「以非法手段借黎明先生的名字和肖像為該類產品宣傳,從沒安排黎明先生亦沒有為任何增髮產品宣傳或代言。希望消費者認清網上購物孰真孰假,不要被誇張失實的宣傳欺騙而誤墜消費陷阱,甚至可能影響健康。」佢公司嘅宣傳人員亦都表示:「黎生啲頭髮不知幾茂盛!」畢竟宜家真係有圖都未必有真相,大家上網時都要小心求証呀。


原價$1698,大特價$69,真係有咁大隻蛤乸隨街跳?(網頁截圖)

黎明經理人公司聲明全文:

近日在facebook及網上流傳一則中藥增髮的產品帖子,訛稱我司藝人黎明先生曾為脫髮而煩惱,並說經名醫介紹下使用山葵生髮皂增髮,以非法手段借黎明先生的名字和肖像為該類產品宣傳。我司在此發出嚴正聲明,該帖子中有關黎明先生的內容全屬無中生有,絕無此事。我司從沒安排黎明先生亦沒有為任何增髮產品宣傳或代言。希望消費者認清網上購物孰真孰假,不要被誇張失實的宣傳欺騙而誤墜消費陷阱,甚至可能影響健康。對於任何未經我司授權而利用我司藝人作出的宣傳,我司保留一切追究的權利。


黎明經理人公司嚴正聲明,保留法律追究權利,網友都紛紛表示Leon一直好多頭髮,偽造佢去代言增髮產品實在無乜說服力。(Facebook截圖)

-----------------------------------------

http://www.metrodaily.hk/metro_news/%e6%98%8e%e6%8a%bd%e6%9a%97%e5%af%b8-%e9%bb%8e%e6%98%8e-%e3%80%8c%e8%a2%ab%e4%bb%a3%e8%a8%80%e3%80%8d%e7%94%9f%e9%ab%ae%e7%94%a8%e5%93%81/

明抽暗寸 黎明 「被代言」生髮用品

有句名言話,喺中國咩都可以係假,只有騙子先至係真。近日網上流傳咗黎明(Leon)代言中藥增髮產品嘅Post,咁當然毫無懸念又係假㗎啦!其實個Post都做得逼真㗎喇,搵埋啲雜誌舊報道,話Leon有中年脫髮危機,但自從用咗嗰隻生髮番梘,即刻「頭髮急急長」,10日多咗1萬條頭髮,簡直神迹一樣呀!個Post仲攞咗啲Leon嘅訪問截圖,幫佢加埋對白,難怪有人信嘅。不過Leon嘅公司已經發聲明澄清咗,話對方以非法手段借Leon個名同肖像做宣傳,成個Post係無中生有,聲明指:「我司從沒安排黎明先生亦沒有為任何增髮產品宣傳或代言。」奉勸大家唔好畀人呃呀!其實Leon今年都51歲,究竟又有冇脫髮危機呢?佢公司嘅宣傳人員已經代答咗:「黎生啲頭髮不知幾茂盛!」


網上圖片

Messages In This Thread

2018-01-10 新聞 *NM*
視頻﹕ 【修哥好玩得!】估明星金句 胡楓爆黎明多遊艇
01博評【明福俠再顯神通】狂Loop霆鋒彈結他,不如睇黎明搭地鐵
黎明澄清無代言增髮產品