https://www.facebook.com/llleonlai/videos/1936321626621086/
-----------------------------------------------------
http://hk.on.cc/hk/bkn/cnt/entertainment/20180107/bkn-20180107123024406-0107_00862_001.html
上海開騷遇飛機停飛!黎明12粒鐘狂轉車紀錄
01月07日(日) 12:30
貴為香港天王黎明到上海舉行演唱會,大家一定以為坐飛機就可以舒舒服服,話咁快就到達啦,咁你就錯喇。今日黎明就喺官網上載咗佢由襄陽經南京再到上海開演唱會嘅行程,由襄陽早上8點冒着天寒地凍出發就足足用咗超過12個鐘時間,大家冇睇錯,係12個鐘,且因落大雪關係搞到周圍大塞車,為咗趕時間,黎明唔介意坐完飛機又坐火車、高鐵,之後又再搭地鐵,趕頭趕命,轉車都轉到暈,真係要同黎明講句:「辛苦晒」。不過黎明喺片度,似乎相當享受做平民搭公車嘅樂趣,仲拍低沿途所見所聞,不如家陣大家就同黎明一齊展開逾12小時旅程啦。
片中顯示,黎明喺1月5日上午8時喺襄陽出發,因為地下有厚厚嘅積雪,坐喺車嘅黎明見到前面有巴士同另一架私人車行唔到要停低,啲巴士乘客仲走出車外睇吓咩環境,幾時架巴士先郁得呀,斷估人人都唸唸有詞:「點呀,大佬,趕返工,返學呀。」黎明又話因為太大風雪關係,佢搭嗰部飛機好不幸咁宣布要停飛添,不過天無絕人之路嘅,冇飛機坐,咪搭火車囉,黎明就展示咗佢嘅往南京嘅火車票,因為依家大陸買車飛係實名制,所以張車飛都印有黎明個名,有專屬車飛喎,黎明梗係要攝入鏡啦,本來搭火車去南京都係7粒鐘,但又係大雪惹的禍,要坐足9粒鐘,咁呢9個鐘車程有乜好做啦,除咗瞓覺,吹水同打機外,黎明就選擇咗視察民情,佢遇到一位唱歌老師帶領學生練習唱歌,咁佢哋又唱成點呢?睇戴cap帽、戴口罩,全身黑嘅黎明點頭動作,就知道黎明覺得佢哋唱得唔錯,八完人哋唱歌,黎明又影吓車外嘅雪景,坐咗咁耐車,等到最開心嘅時間,就係開飯啦,黎明冇去包廂歎大餐,就揀咗喺原位試食四餸便當,睇啲餸個樣就…,不過肚餓乜都係美食啦。
坐完火車下一站坐高鐵,由於火車車程延誤了一粒鐘,黎明搭高鐵就要重新買過張新火車飛啦,由下午5時上車,由六時起程搭三粒鐘,去到浦西,又係交通問題,黎明知道晚上8時前由浦西去浦東,如果坐私家車一定又受塞車之苦,於是乎佢又揀咗去搭永無塞車嘅地鐵,佢買咗張單程車飛後,就好似我哋日日返工返學搭港鐵咁,拍卡入閘,再行樓梯去月台,黎明好好彩搵到個位坐,唔使同人逼,因為要趕住去綵排,黎明急急腳落車趕去另一月台轉車,佢由人民廣場上車搭五個站先到中華藝術宮嘅場館,喺車程中,因為個個都忙住做低頭族睇手機,咁就錯過咗同黎明集郵嘅天大機會,相信喺片中嘅朋友們見到呢條片時,一定好揼心,到晚上8時半,千辛萬苦,黎明終於到場館嘞,可以順利開演唱會,黎明喺台上唱《傻癡癡》,好在佢仲好精神好清醒,冇搭車搭到傻癡癡。
黎明將12個鐘由襄陽出發去上海過程拍攝下來。
早上8時由襄陽出發。
點知飛機因大雪停飛,要改坐動車。
買到車飛喇!黎明都係坐二等座咋。
點知又因為大雪,一坐坐咗9個鐘。
車中有一位歌唱老師帶領學生練歌。
食番個飯先。
終於落車轉高鐵。
到咗上海浦西。
黎明知道塞車,果斷地決定坐唔會塞車嘅地鐵。
拍卡入閘。
天王坐地鐵,自拍紀錄一下。
仲要轉線
終點在望
終於到達
開始演唱會綵排
順利完成,唱出《傻癡癡》,好彩黎明冇坐車坐到傻癡癡。
--------------------------------------------
https://ol.mingpao.com/php/showbiz3.php?nodeid=1515300427797&subcate=latest&issue=20180107
【大雪停飛】坐動車高鐵由襄陽去上海 黎明12小時演唱會之旅 (12:49)
【有片睇】天王黎明早前於上海舉行演唱會,原定由襄陽直飛到上海會場,可是遇上大雪,飛機被迫停飛。黎明為免令粉絲失望,即時改由陸路去上海,結果花了12小時去到上海,他更把個程拍成短片,並放到Facebook與大家分享,並留言表示:「經歷分享,點都去到﹗」,短短3個小時,已有6萬多人觀看過。
黎明片中由1月5日早上8時開始拍攝,他正坐車去襄陽車站,落車買了一張早上9時開出去南京的「二等車飛」,開始長征之旅,而原本7小時動車之旅,又因大雪變成9小時。黎明在車上也不愁寂寞,遇上一位唱歌老師帶領學生練習,總算有點免費娛樂,之後更在車上開餐。到下午5時到達南京,因動車延誤1小時又要重新買高鐵車飛,至晚上8時前到達上海蒲西,為免塞車又改乘地鐵去場館(中華藝術館),終於晚上8時安全抵達,完成超過12小時演唱會之旅。
黎明因大雪影響行程,被迫改由陸路去上海。(網上截圖)
黎明在車程上獲免費娛樂,遇上音樂老師正帶領學生練習。(網上截圖)
黎明坐高鐵後再要轉地鐵,排除萬難趕到場館開騷。(網上截圖)
--------------------------------------
【天王夠貼地】12小時公車之旅 黎明擠地鐵冇人認得
018-01-07 12:58
黎明在臉書放了一條逾2分鐘的片段,分享他在內地襄陽遇大雪飛機停飛,但為要趕到上海為演唱會綵排,展開了「超過12小時的演唱會之旅」,途中他要跨過1101.20公里路程。晨早8時,黎明在襄陽先坐上原本7小時但因大雪延誤至9小時的動車,片段內有他在車廂巧遇一位歌唱老師帶領學生練習唱歌,作為他動車之旅的餘興節目,還有窗外的雪景,及開心享受車餐。
下午5時抵達南京,原本由動車轉高鐵,卻因南京動車延誤1小時,高鐵需要重新購票,考慮到晚上8點前浦西到浦東一定塞車,所以他改坐地鐵,期間急步轉車以便加快去到場館綵排,8點半終於到達,超過12小時的演唱會之旅;最後就是他在上海的演唱會片段,以「演唱會順利完成」作結。
黎明做了導演,發放的片段簡潔又詳盡,用字幕交代整個過程。搞笑是身為天王,跟民眾擠地鐵,竟然沒被認出,雖然他戴了帽及口罩,但也不難認,主要是人人在車廂內手執手機做低頭族,都沒望黎天王在拍他們呢!
黎明全桯呢個裝扮,其實唔難認,但大家都做低頭族,錯過了跟天王相認。
-----------------------------------------
黎明內地開演唱會遇風雪改搭高鐵同地鐵 勁親民搭二等車廂
撰文: 溫菁莉
發佈日期:2018-01-07 15:20
近年配得上「最佳PR」稱號嘅藝人一定非天王黎明莫屬喇,自從在前年開設Facebook專頁後經常在拍攝短片與粉絲交流,今日早上Leon又有新搞作,就係講述他早上8時在襄陽因大雪而飛機停飛,但同日的晚上他需要在上海舉行演唱會!咁點算呢?最後他選擇乘搭高鐵經南京再前往上海,沿途幾經波折,終於在晚上8時30順利開騷。整個過程歷時超過12小時之旅,被Leon一一記錄低,並在Facebook留言話,「經歷分享,點都去到。」
黎明好貼地搭高鐵二等廂,btw我覺得賣車飛嗰位職員一定無諗過真係四大天王個個黎明(ps內地搭高鐵要有實名制)。
最大亮點一定係Leon雖然係天王級歌手,但他搭高鐵時竟然選擇搭二等車廂前往南京,真係好親民!!他在車廂中更遇到一名歌唱老師,帶領學生練習唱歌,帶上黑色帽同口罩嘅Leon當然未被人發現,相信佢一除低口罩,一班學生應該會拉住Leon唱歌,後果不堪設想!!
Leon搭完高鐵再搭地鐵到達演唱會會場,地鐵內有好多人掛住玩電話。
下午5時,Leon終於到南京,但高鐵因延誤1小時,又要重新購票,終於在幾小時後到達上海。但到達上海浦西又有一個難題,就係「塞車」!咁Leon會點應付呢?佢就選擇了搭地鐵,帶上黑色帽同口罩嘅Leon依然無人發現,因為其他乘客掛住低頭玩手機!!!最後在8:30分Leon順利開騷,所以話呢,大家唔好掛住玩手機,分分鐘你旁邊嘅係天王天后歌手都未定!
--------------------------------------------
大雪下赴上海演唱會
明蝠俠坐公車全紀錄
http://pop.stheadline.com/content.php?vid=68725&cat=f
http://vod6.hkheadline.com/hkheadline/instant_video/2018/0107/cb87ce3d2e0a35511d40ec10d8ad15b6.mp4