All About Leon

開騷講偉論!黎明:心想係唔會事成
In Response To: 2017-12-17 新聞 *NM* ()

http://hk.on.cc/hk/bkn/cnt/entertainment/20171217/bkn-20171217022211996-1217_00862_001.html

開騷講偉論!黎明:心想係唔會事成

12月17日(日) 02:22

天王黎明(Leon)在澳門威尼斯人金光綜藝館舉行「黎明LEON RANDOM RUN 2017」演唱會,一向是「金句王」的黎明,在唱歌之餘亦不忘和歌迷互動玩你問我答,有台下女歌迷向黎明表示她生日,可否給她唱生日歌?黎明都沒有拒絕並益街坊:「邊個生日都好,之前生日又好,前前後後生日好,祝大家生日快樂,Good Luck!」之後有男歌迷說希望黎明能永遠唱歌給他聽,而旁邊的女士更搶咪說支持黎明:「如果有時限畀我揀,我會揀一萬年。」黎明就抵死回答:「你哋放心,我會永遠活喺你入面。」繼續有位內地大叔,以不純正的口音向黎明說:「想參加(睇)黎明演唱會十幾年,我係聽你啲歌成長。(全場爆笑),我嘅荳蔻年華都係聽你啲音樂長大,代表住我整個青春年代。」黎明亦回句:「咁其實我都經歷好多代嘅,荳蔻年代同青春年代都有。」

之後黎明唱完一輪快歌滿頭大汗,他對人體構造又有偉論:「人構造好簡單,有人腳底出汗,有人頭頂出汗,我就完全屬於頭頂嗰種。」接着,他拿起毛巾發現歌迷給他禮物:「有時講緣分,如果唔係過嚟抹汗,都唔知呢到有份禮物。」之後黎明就自爆與曱甴好有緣分,夜晚起身飲水都會見到曱甴出現。有Fans問黎明是否怕曱甴?黎明說:「由以前驚,到依家唔驚嘞,就好似蝙蝠俠克服咗蝙蝠一樣,我以前驚曱甴係因為細個發夢,夢到曱甴入咗我耳仔,嚇到醒咗真係有隻曱甴喺度,最後我好殘酷咁消滅咗佢。」

另外,黎明在上周(11日)生日,台下大批歌迷自發性給他唱生日歌補祝他生日,而黎明亦再次說:「我都祝願所有人生日快樂,因為我喺內地拍戲,有劇組人員問我幾時生日,我就話3月15,費事喇,開工還開工,唔想搞咁多嘢嘛!」而台下歌迷又大聲讚「靚仔」,黎明搞笑說:「靚仔冇用架,我有個座右銘,唔好做最差嗰個就得嘞,有時蠢蠢地先最幸福。」因聖誕節及新年將至,黎明又認真說:「心想係唔會事成,因為剩係心諗係唔得,要用心同埋行動去做,唔理你快動作定慢動作都好,快又未必啱時機,都要睇運,但有行動先得。」


講咗咁多嘅心想事成,原來天王有獨特見解!


黎明有求必應同粉絲講聲生日快樂。


睇黎明嘅騷其實好有意思!


因為一定有偉論可以聽!


果然係金句王呀~

------------------------------------------------------------

https://hk.entertainment.appledaily.com/enews/realtime/article/20171217/57592334

【好憚】澳門開騷狂爆金句 黎明:我會永遠活喺你哋嘅永遠入面

建立時間 (HKT): 1217 14:06

黎明(Leon)噚晚喺澳門舉行「黎明LEON RANDOM RUN 2017」演唱會,出名係金句王嘅Leon,因為不停爆金句,搞到演唱會都變成棟篤笑,觀眾聽到開懷大笑。Leon同台下觀眾傾咗好多偈,其中有個問答環節,spotlight 照到嗰位就可以發問問題,有個女觀眾同Leon講:「祝你生日快樂,我都就快生日,唔可以祝我生日快樂?」Leon答:「邊個生日都好,前幾日生又好,過幾日生日都好,總之我喺度祝大家生日快樂!」跟住有個男觀眾問:「我永遠支持你,你認唔認得我?希望你永遠唱多啲歌畀我聽......」未講完,隔離個女仔搶咪話:「如果有時限嘅話,我會揀一萬年。」Leon笑答:「放心,我會永遠活喺你哋嘅永遠入面。」

繼續有位中年大叔話:「恭喜你,演唱會順利開,我想參加你嘅演唱會已經有10幾年,你啲歌陪住我成長。」由於大叔個樣睇落都唔後生,現場觀眾即刻哈哈大笑,大叔繼續話:「喺我荳蔻年華嗰時,已經聽你嘅歌,你嘅音樂陪住我長大,你嘅歌代表咗我嘅青春年代。」Leon回句:「我確係經歷咗好多唔同年代,荳蔻年代,年青嘅時代。」

Leon全晚唱歌都周不時同觀眾握手,有班歌迷趁偶像行到附近,即對住佢唱生日歌,Leon話:「祝12017、2018年生日嘅人,生日快樂。」講完佢都唱番首生日歌,再自爆:「上個禮拜我拍戲時,劇組問我幾時生日,我答3月15。費事啦!唔想開工搞多餘嘢,我會解釋番,不過我身份證上面係寫住3月15號生日嘅。」突然台下有觀眾大嗌黎明好靚仔,Leon笑話:「好多人都靚仔過Leon,我嘅座右銘,係唔好做最蠢嘅一個,做人懵懵地最幸福。」

Leon唱完一輪歌,唱到滿頭大汗,有觀眾遞紙巾畀佢,佢就猛咁抹個頭,然後話:「通常人嘅構造,腳板底排汗,我就喺個頭度,成個頭濕晒。」抹汗時,佢發現台邊有份禮物,就話:「呢啲就係緣份。」講到收唔到口嘅Leon忽然又自爆:「我同曱甴小強好有緣,夜晚喺屋企飲水都會見佢哋出現。」此時,有歌迷大聲問黎明驚唔驚曱甴、老鼠?Leon答話:「我爸爸就驚老鼠,我唔驚,不過我由好驚曱甴,到o依家搞到唔驚,正如蝙蝠俠都征服咗蝙蝠。我細細個有晚發夢,夢到有曱甴走咗入我耳仔,就喺我撩撩吓時,發覺現實中真係有咁嘅事,最終都係殘酷地消滅咗佢哋,呢個世界好多曱甴,冇辦法喇!大家都有機會面對曱甴,惟有小心啲。」

臨完騷時,Leon再送金句:「就快新嘅一年,祝大家心想事成,不過心想係唔會事成,諗係唔得,要用個心去行動去做,唔理動作快定慢,快未必啱時機,都要睇運,不過有行動就係好事。」


黎明(Leon)噚晚喺澳門舉行「黎明LEON RANDOM RUN 2017」演唱會。


出名係金句王嘅Leon,因為不停爆金句,搞到演唱會都變成棟篤笑,觀眾聽到開懷大笑。

----------------------------------------------------

http://std.stheadline.com/instant/articles/detail/591141-%E5%A8%9B%E6%A8%82-%E9%BB%8E%E6%98%8E%E6%BE%B3%E9%96%80%E9%96%8B%E9%A8%B7%E7%B9%BC%E7%BA%8C%E6%8B%8B%E9%87%91%E5%8F%A5+%E5%86%A7%E6%AD%8C%E8%BF%B7%E3%80%8C%E6%88%91%E6%B0%B8%E9%81%A0%E9%83%BD%E6%B4%BB%E5%9C%A8%E4%BD%A0%E5%80%91%E7%9A%84%E6%B0%B8%E9%81%A0%E8%A3%A1%E9%9D%A2%EF%BC%81%E3%80%8D

黎明澳門開騷繼續拋金句 冧歌迷「我永遠都活在你們的永遠裡面!」

2017-12-17 09:17

黎明前晚在澳門舉行《Leon Random Run 2017 演唱會》,除了以歌會友,還發揮金句王本色!

日前(11日)是黎明的51歲生辰,當黎明跟觀眾玩問答遊戲時,有女粉絲在發問問題前特別跟黎明說生日快樂,並自言過幾天也生日,希望得到偶像的祝福,黎明即說:「誰生日也好,都祝福大家生日快樂、good luck。」繼而有男歌迷表示要永遠支持黎明,怎料說了幾句,就被旁邊的女歌迷奪過咪高峰,以電影對白向黎明高呼示愛:「如果有時限比我㨂,我會㨂一萬年。」黎明則獻上當晚的第一金句謂:「放心,我永遠都活在你們的永遠裡面!」隨後有位叔叔更抵死道:「恭喜你演嘬會順利啟航,我想參加你的演唱會十多年了,你的歌陪著我成長,我的豆蔻年華、整個青春年代,都是聽你的歌和音樂陪着成長。」逗得全場爆笑,黎明則大方指:「我的確經歷過好多不同年代。」

期間,黎明不時與歌迷握手、收禮物和抺汗,有歌迷送上紙巾,黎明把整個頭的前前後後都抺,自嘲是頭頂爆汗型,邊行邊抹時,突然說有些事情很講緣份,原來發現一份被毛巾遮蓋的禮物;隨即發表「緣份論」稱:「我跟曱甴、小強等好有緣份,夜晚起身飲水、牠們就會出現。」有歌迷問他是否害怕老鼠和曱甴?他指父親就很驚老鼠,自己不怕老鼠,就連曱甴也由驚變到不驚,自爆曾經被曱甴爬在耳仔上,結果用了很殘忍的方法去消滅,又指曱甴周圍都有,大家唯有小心。未幾,聽到歌迷自發的大合唱生日歌,黎明也以生日歌回餽歌迷祝願人人生日快樂,並自爆早前被劇組人員問何時生日,講了身份証登記的錯誤日子,因希望開工還開工,不想搞多餘事,並指稍後會跟對方就講大話解釋。隨後聽到有歌迷讚他靚仔,他再發表「蠢人論」說:「靚仔無用架!好多人靚仔過黎明,我的座右銘係唔做最蠢嗰個,但通常朦朦地嘅人係好幸福。」

臨近尾聲,黎明提到聖誕和新年將至,向大家送祝福說:「祝大家新的一年健健康康、身體健康、心想事成。但其實心想不能事成,因為淨係諗唔得,一定要用心和行動去做,不管是慢動作或是快動作,有時快也未必啱時候,要看運氣,但有行動總是好的。」


黎明仲自爆曾經被曱甴爬係耳仔上面。

==========================================

https://ol.mingpao.com/php/showbiz3.php?nodeid=1513492533036&subcate=latest&issue=20171217

跟歌迷互動爆金句 黎明:我永遠都活在你們的永遠裏面 (14:43)

黎明昨晚於澳門舉行演唱會,當然金句不能少。今次連歌迷都加人拋金句行列,黎明安排答問環節,有男歌迷示愛,亦有女歌迷搶咪模仿偶像講電影金句:「如果有時限讓我選,我會選一萬年。」黎明回敬說:「放心,我永遠都活在你們的永遠裏面。」

黎明剛於12月11日度過51歲生日,歌迷獻唱生日歌為他補祝。不過他自爆之前拍攝被劇組問什麼時候生日時,他說是3月15日,開工不想搞太多多餘事。之後他說自己身份證生日日期真的寫3月15日。據知是當年黎媽媽烏龍寫上自己的生日日期。


黎明澳門演唱會氣氛高漲。


黎明戴黑超出場型爆。


黎明與歌迷互動講金句。


黎明跟歌迷近距離接觸。

https://ol.mingpao.com/php/showbiz3.php?nodeid=1513492898704&subcate=latest&issue=20171217

【同曱甴講緣份?】黎明曾被小強走入耳 成功克服唔再驚 (14:48)

黎明在澳門演唱會除爆金句外,還大談如何克服曱甴的故事。他先講到抹汗的感受,說:「有人腳底排汗,我屬於頭頂排汗。有時真的要講緣分,若不是我走過來抹汗,都不知遺下份歌迷禮物。跟見到『小強』曱甴一樣好講緣分,半夜起身飲水就會見到牠們出現。」

不過他現在不再驚曱甴,說:「就好似蝙蝠俠克服了蝙蝠一樣。驚曱甴是因為我曾夢到有曱甴走入我耳朵,用手摸一摸發現是真的,當然會很殘酷地消滅了牠。曱甴好多,四周圍都有,無辦法,大家都有機會面對到曱甴,唯有小心一點。」


黎明澳門演唱會色彩繽紛。


黎明戴閃燈皇冠出場。


舞台設計伸展十字舞台,跟「搖滾區」企位的歌迷零距離接觸。


黎明繼續大拋金句。

Messages In This Thread

2017-12-17 新聞 *NM*
組圖:黎明澳門開唱 獻唱經典引燃全場
寰亞電影《搶紅》2018年1月18日.醉後一戰
視頻﹕澳門開騷狂爆金句 黎明:我會永遠活喺你哋嘅永遠入面
開騷講偉論!黎明:心想係唔會事成