All About Leon

澳門騷辣着觀眾 黎明閃爆登場!
In Response To: 2017-12-16 新聞 *NM* ()

http://hk.on.cc/hk/bkn/cnt/entertainment/20171216/bkn-20171216205738608-1216_00862_001.html

澳門騷辣着觀眾 黎明閃爆登場!

12月16日(六) 20:57

天王黎明(Leon)在澳門威尼斯人金光綜藝館舉行「黎明LEON RANDOM RUN 2017」演唱會,將之前在中環海濱活動空間的十字型舞台移施到澳門,而舞台前亦特別設VIP企位區。

演唱會於晚上八時開騷,Leon戴上巨型閃燈皇冠及紅銀色閃爆外套出場唱出《一比一》,一班如嘉年華打扮的舞蹈員伴舞,台下氣氛high爆,之後唱完《你係我嘅》,Leon台上向觀眾打招呼:「多謝多謝,好多朋友嚟到澳門睇呢個演唱會, 好衷心多謝你哋,由於之前一直喺北京拍緊戲,當地比較凍啲,係零下十度,但都ok嘅!返到嚟呢邊嘅天氣就暖啲,要慢慢適應,不過今晚已經適應晒!」跟住唱出《那有一天不想你》,Leon表示好難得有個地方可以有企位,又有坐位:「本來有一個問問題嘅遊戲要玩,都幾好玩㗎,但你哋想唱歌先,咁就唱歌先啦!」說畢就唱出《我這樣愛你》。


勁High!


黎明閃爆出場!


好興奮咁!


唱出《一比一》!


嘉年華會咁。


勁正!

--------------------------------------

https://hk.entertainment.appledaily.com/enews/realtime/article/20171216/57590768

【天王嘅排場!】澳門演唱會開鑼 黎明戴黑超加皇冠出場

建立時間 (HKT): 1216 21:15

https://video.appledaily.com.hk/mcp/encode/2017/12/17/3506335/20171216_ent_926_w.mp4

「黎明Leon Random Run 2017 演唱會」今晚就喺澳門威尼斯人金光綜藝館舉行,黎明一出場就戴住一個發光皇冠咁嘅帽,仲戴埋黑超出場唱《一比一》,仲有一班dancer跳舞,黎天王都有跳埋一份。

第二首歌都係輕快嘅歌《你係我嘅》,邊唱就邊同觀眾揮手跳舞,唱完之後就同觀眾打招呼,仲話:「好多謝大家嚟到澳門睇我嘅演唱會,之前一直喺北京,天氣好凍,近期返嚟南方,暖晒。」

第三首歌就除咗黑超,唱出《那有一天不想你》,又話好開心今次演出嘅地方,觀眾又有坐位又有企位,仲講笑話:「今晚準備咗啲問答遊戲,睇大家幾時想玩(台下觀眾歡呼),你哋想聽歌啊?咁唔玩住喇。」


「黎明Leon Random Run 2017 演唱會」今晚就喺澳門威尼斯人金光綜藝館舉行


黎明戴住一個發光皇冠咁嘅帽出場


第二首歌都係輕快嘅歌《你係我嘅》

----------------------------------------

http://std.stheadline.com/instant/articles/detail/591054-%E5%A8%9B%E6%A8%82-%E9%BB%8E%E6%98%8E%E6%BE%B3%E9%96%80%E9%96%8B%E9%A8%B7+%E9%96%83%E4%BA%AE%E7%99%BB%E5%A0%B4%E4%BC%BC%E9%96%8B%E5%98%89%E5%B9%B4%E8%8F%AF

黎明澳門開騷 閃亮登場似開嘉年華

2017-12-16 22:12

黎明(Leon)晚上在澳門舉行演唱會,剛於本月11日度過51歲生辰的Leon活力十足,戴上童話式巨型皇冠和黑超、配襯Bling Bling外套,率領一眾向日葵、西瓜、波板糖等繽紛打扮的舞蹈員登場,連唱3首輕快歌曲,令現場充滿嘉年華的熱鬧氣氛。看到台下有坐位和企位,Leon更邊唱邊跳著舞的走向伸延的十字舞台跟觀眾揮手,逗得全場叫聲震天!

其後Leon脫掉黑超跟觀眾打招呼,說:「Hello,大家好!好開心大家來到澳門看我的演唱會,衷心多謝大家。我之前一直在零下十多度的北京拍戲、很凍,回到南方的和暖天氣要慢慢適應,不過今晚大家已經令我適應了,多謝大家。」Leon還預告會跟觀眾玩問答遊戲,逗得全場再叫聲拆天。


Leon甫出場已搞熱全場氣氛。

---------------------------------------------------

https://ol.mingpao.com/php/showbiz3.php?nodeid=1513431514770&subcate=latest&issue=20171216

【澳門演唱會】黎明閃爆皇冠黑超Look登場 歌迷high爆 (21:40)

黎明今晚在澳門威尼斯人金光綜藝館舉辦「黎明Leon Random Run 2017演唱會」,吸引兩岸三地粉絲捧場。黎明的舞台特別設計為伸展的十字舞台,跟「搖滾區」企位的歌迷可謂零距離接觸。黎明以閃燈皇冠、黑超型格現身,跟一眾舞蹈員跳住舞出場,連唱《一比一》和《你係我嘅》兩首快歌。黎明說:「Hello大家好,多謝,好多朋友來到澳門看我演唱會,好開心,衷心多謝大家。最近一直在北京拍戲,那裡比較凍,零下十幾度,來到南方,天氣暖得多,要適應一下。」

黎明隨後獻唱《那有一天不想你》,在場歌迷興奮和唱,氣氛高漲。


黎明澳門演唱會氣氛高漲。(攝影:鍾偉茵)


舞蹈員打扮七彩繽紛為黎明伴舞。


黎明打扮型爆,粉絲用手機狂影相。

Messages In This Thread

2017-12-16 新聞 *NM*
黎明澳門演唱會病到五顏六色都咁專業
澳門騷辣着觀眾 黎明閃爆登場!