All About Leon

視頻﹕黎明拍片鼓勵送驚喜 衛蘭好感動:親自邀請佢睇騷
In Response To: 2017-11-15 新聞 *NM* ()

影片來源﹕東網、U Magazine Facebook、蘋果即時

-------------------------------------------------------------------

http://hk.on.cc/hk/bkn/cnt/entertainment/20171115/bkn-20171115122431644-1115_00862_001.html

黎明拍片撐開紅館騷 衛蘭興奮嗌OMG

11月15日(三) 12:24

歌手衛蘭(Janice)出年一月會喺紅館舉行演唱會《Oh My Janice World Tour 2018》,今日舉行記者會造勢,東網facebook直播記者會盛況。Janice舊老闆黎明、好友容祖兒、雷頌德等更拍片支持,黎明喺片中仲話:「一定有好多好歌聽!」Janice聽到黎明仲係咁支持自己,即時有啲眼濕濕,並大嗌:「Oh!My God!真係感動!」


有黎明同祖兒力撐,衛蘭一定Good Show啦!


當然仲有黎明喇,Janice聽到佢咁支持自己,都大嗌好感動呀!

------------------------------------------------------------

http://hk.on.cc/hk/bkn/cnt/entertainment/20171115/bkn-20171115145727990-1115_00862_001.html

親邀黎明睇騷 衛蘭講明唔會刻意減磅

11月15日(三) 14:57

http://video.cdn.on.cc/Video/201711/OEN171115-10865-1224-M_ipad.mp4

歌手衛蘭(Janice)出席明年紅館演唱會《Oh My Janice World Tour 2018》記者會,獲黎明、雷頌德、李榮浩等歌手拍片祝賀。接受訪問時,Janice表示事前唔知道黎明會拍片,所以一見到就感到非常感動。問到會否邀請對方睇騷,Janice笑言:「會邀請佢同Mark,我以為佢哋唔想嚟睇,未contact佢,但會親自打畀佢。(請佢做嘉賓?)已經有三個人選喇,但暫時唔講得,因為想留個驚喜畀fans,係好正嘅歌手嚟,有男有女。」提到Janice表示會跳舞,但唔會跳到好似郭富城咁,她直會有好似drama嘅舞蹈。


Janice表示事前唔知道黎明會拍片。衛蘭一見到就嗌非常感動。

-------------------------------------------

https://hk.entertainment.appledaily.com/enews/realtime/article/20171115/57461483

【明年踏紅館】黎明驚喜現身撐 衛蘭

建立時間 (HKT): 1115 15:48

https://video.appledaily.com.hk/mcp/encode/2017/11/15/3484054/20171115_ent_912_V1_NEW_w.mp4

衛蘭(Janice)今日現身灣仔,為嚟緊一月舉行嘅紅館演唱會舉行記者會,前老闆黎明(Leon)、雷頌德(Mark)、鄭秀文同容祖兒等更拍短片向Janice打氣,當見到黎明嘅短片出現時,Janice更驚喜到大叫:「Oh my god!」

Janice話事前完全冇諗過Leon同Mark會拍片:「真係超級感動!之前完全唔知,好希望佢哋到時嚟睇,我遲啲都會親自打電話同佢哋講。」

咁到時會唔會邀請Leon上台?Janice話:「應該唔會喇,佢嚟睇已經好好,而且演出嘉賓亦都定咗。」但係嘉賓名單,Janice表示要保持神秘,只透露三晚都唔同而且係未曾合作過。


當見到黎明嘅短片出現時,Janice更驚喜到大叫:「Oh my god!」

-------------------------------------------------------

http://std.stheadline.com/instant/articles/detail/566097-%E5%A8%9B%E6%A8%82-%E9%BB%8E%E6%98%8E%E6%8B%8D%E7%89%87%E9%BC%93%E5%8B%B5%E9%80%81%E9%A9%9A%E5%96%9C+%E8%A1%9B%E8%98%AD%E5%A5%BD%E6%84%9F%E5%8B%95%EF%BC%9A%E8%A6%AA%E8%87%AA%E9%82%80%E8%AB%8B%E4%BD%A2%E7%9D%87%E9%A8%B7

黎明拍片鼓勵送驚喜 衛蘭好感動:親自邀請佢睇騷

2017-11-15 17:16

衛蘭(Janice)將於明年1月12至14日舉行紅館個唱,Janice今日出席記者會, 席間播出黎明(Leon)、鄭秀文、容祖兒、李榮浩及雷頌德的鼓勵片段。Janice受訪時表示事前不知道Leon會拍片祝賀,她說:「超級感動,真係唔知道。」她稱會親自致電邀請Leon及雷頌德來睇騷。


衛蘭會親自致電邀請黎明睇紅館個唱。

----------------------------------------------------

https://www.hk01.com/%E9%9F%B3%E6%A8%82/133725/%E8%A1%9B%E8%98%AD%E9%96%8B%E7%B4%85%E9%A4%A8%E9%A8%B7%E5%A4%9A%E8%AC%9DFans%E6%94%AF%E6%8C%81-%E5%89%8D%E8%80%81%E9%97%86%E9%BB%8E%E6%98%8E%E7%95%80%E8%B6%B3%E9%9D%A2%E6%8B%8D%E7%89%87%E9%80%81%E9%A9%9A%E5%96%9C

衛蘭開紅館騷多謝Fans支持 前老闆黎明畀足面拍片送驚喜

撰文: 黃浩晉
發佈日期:2017-11-15 17:59

記者會一眾天王天后都有拍片向Janice打氣,包括:鄭秀文、容祖兒、李榮浩等等,就連前老闆黎明都拍片送上驚喜,令Janice大叫:「Oh My God!好感動呀!」

接受訪問時,被問到既然前老闆黎明畀面拍片支持,會否邀請他作嘉賓?衛蘭表示:「真係好感動!(會否請Leon做嘉賓?)唔知呀,因為嘉賓部份已經定咗,不過都好想佢嚟睇,因為我都有得唱歌都係因為佢俾咗好多好歌我唱,所以好想多謝佢同Mark Lui。」


衛蘭前老闆黎明都有拍片支持送上驚喜。(黃國立攝)

-------------------------------------------------------

http://bka.mpweekly.com/interview/shall-we-talk/20171111-90449

【獨家專訪】衛蘭.重新出發我有SAY

發佈日期:2017-11-11

在舊公司難表達意見

衛蘭明年一月開第四次紅館個唱,跟以往不同,這次她已離開栽培她出道的黎明的唱片公司,最大分別是新公司華納給她更大自主權,她想唱一些未宣傳過的歌,她想唱表達自己心聲的《差半步》,公司容許她。

「加入新公司後,好感恩他們讓我給自己意見,以前開演唱會,我很少機會坐在一起開會,現在每一部分都有我份,很有新鮮感,我很享受。」以前在黎明做老闆的舊公司,她笑說有時說出意見,別人是「左耳入、右耳出」,好像沒有人聽。「不是好慘,他們都是為了我好,沒有做錯。」

舊公司想她做,但她不想做的,主要是選歌方面。「以前主要唱抒情歌,但我想多嘗試不同類型音樂,我想令聽眾知道不止有K歌。」至於最多人談論的「怪異瑜伽動作」封面,她說當時沒機會提意見。「那時我好唔鍾意,但現在睇返,我覺得幾『型』,嘩,有啲料到喎,起碼到現在仍有人講,不是只得個靚樣,有些特別,有些古怪,令人記得這件事。」後來她參觀藝術展時,更發現那個怪異動作靈感來自名模 Kate Moss 的一個藝術雕塑Myth(Venus)。
聽黎明金句不明扮明

黎明比別人「前衞」,這一點衛蘭深表認同。「真係㗎,他的說話,你聽到那一刻,會覺得好深、唔明,但幾年後,你才會覺得:『嘩,好勁,他那句是金句!』」

她記得聽過很多黎明金句。「那時聽到就點頭,當明就算,即使不明白都扮明。他有鬧我,但好像一個爸爸罵女,他的出發點是好。」

現在回想,衛蘭說黎明幫她最多的是選了很多動聽的歌。「他做決定很快,靠他自己的直覺,他很勤力,我在他身上學到這些。」

以前在 Leon 的公司,她形容是一個舒服、安全的地方,在那裏十年,公司規模也較小,職員也較少,歌手只得她和 JW,要離開那兒踏出去,需要勇氣,需要成長,幸好新公司跟她和孿生妹妹衛詩一起簽約,兩姊妹像一起轉新學校,有人陪伴一起適應新環境。

Messages In This Thread

2017-11-15 新聞 *NM*
視頻﹕黎明驚喜拍片打氣
視頻﹕黎明拍片鼓勵送驚喜 衛蘭好感動:親自邀請佢睇騷
Re: 視頻﹕黎明拍片鼓勵送驚喜 衛蘭好感動:親自邀請佢睇騷
Re: 視頻﹕黎明拍片鼓勵送驚喜 衛蘭好感動:親自邀請佢睇騷
Re: 視頻﹕黎明拍片鼓勵送驚喜 衛蘭好感動:親自邀請佢睇騷
她公司開口叫拍片支持,所以leon給個面子,但不會無聊的去看她的演唱會
Leon修養超好
Re: Leon修養超好