All About Leon

蒙面歌王晒本領!黎明唔做明福俠教煎蛋
In Response To: 2017-09-18 新聞 *NM* ()

http://hk.on.cc/hk/bkn/cnt/entertainment/20170918/bkn-20170918193056523-0918_00862_001.html

蒙面歌王晒本領!黎明唔做明福俠教煎蛋

09月18日(一) 19:30

內地節目《蒙面唱將猜猜猜》嘅前身《蒙面歌王》,曾經搵過歌手李克勤坐鎮,當時戴上面具但不改唱腔嘅克勤,高歌時竟然連老友巫啟賢都認佢唔出,即成熱話!

尋晚播出嘅一集,就有另一位天王級歌手加盟節目,自稱「煎蛋俠」嘅佢無論衣着、打扮、唱腔,仲有戴埋「明福俠」個面具同大講金句,真係橫睇掂睇都似係「明福俠」黎明(Leon)囉!

「煎蛋俠」甫出場孖住兩個蒙面人合唱,見佢哋又唱又跳內地小鮮肉男團TFBOYS嘅歌曲《青春修煉手冊》,令現場觀眾非常High!之後「煎蛋俠」再唱出《遇見》,甫開口已經呼之欲出,最終亦揭曉「煎蛋俠」就係Leon,一眾嘉賓都勁驚訝!

Leon喺台上講番參加節目嘅原因,就係覺得好玩同埋想學習吓,佢仲自爆係TFBOYS嘅小粉絲,難怪會揀咗三個小朋友嘅歌啦!

至於點解叫自己做「煎蛋俠」呢?Leon解釋,自己打算表演煎蛋,咁點解會揀煎蛋嚟表演呢?原來Leon以前喺英國讀書時,成日會整煎蛋做早餐,身邊嘅朋友都大讚好食,於是佢想展現自己真實嘅一面。佢仲分享煎蛋三大秘訣,就係皮薄、底脆、蛋白同蛋黃保持喺40%嘅熱度,大家記得跟住黎明嘅烹飪絕技煎蛋喇!


黎明化身煎蛋俠即場教煎蛋。

------------------------------------------------

http://hk.apple.nextmedia.com/enews/realtime/20170918/57225955

【我愛黎明】今次冇話估唔到 《蒙面唱將》煎蛋俠公佈身份

建立時間 (HKT): 0918 17:38

大陸綜藝節目《蒙面唱將猜猜猜》以蒙面唱歌叫嘉賓同觀眾估身份作招徠,繼上次李克勤上節目巫啟賢用誇張表情聲稱估唔到對方係邊個之後,又有張智霖扮「外星人」上節目唱歌,今次又有大家熟悉嘅香港歌手上咗去,早前預告大家都已經估到係邊個㗎喇(新聞連結: http://bit.ly/2xrqdQD )。

噚晚節目播出第一期,一開始就懷疑係黎明扮嘅「煎蛋俠」出場,出場唱咗首大陸青春偶像組合嘅《青春修煉手冊》,見「煎蛋俠」又唱又跳,非常high,在場觀眾例牌好熱情,之後「煎蛋俠」表演佢嘅成名絕技,煎蛋。

雖然唔知點解要煎蛋,但係「煎蛋俠」喺煎蛋時,講嘅金句「不同的火爐,不同的溫度,不同的蛋,不同的蛋的種類,煎出來有不同效果」,其實都令到觀眾「估到」佢嘅身份,煎完蛋,「煎蛋俠」就再唱咗首孫燕姿嘅《遇見》,其後就到嘉賓發問時間,問到佢點入行,「煎蛋俠」答選秀,問佢唱歌最大成就係乜?「煎蛋俠」就話算係最受歡迎男歌手,問到佢仲有啲咩,「煎蛋俠」答拎過影帝,嗯…其實都呼之欲出啦,所以今次節目就出奇地果斷,直接公佈咗「煎蛋俠」就係黎明。

堂堂四大天王之一,嘉賓都好好奇點解會敢上呢類節目呢?黎天王就話其實從來冇諗過敢或唔敢,只係因為覺得呢件事好玩,又值得佢去玩,所以佢就嚟喇,而且佢覺得幕後班底都好年輕,作為一個演員有機會學習下都係好事。


大陸綜藝節目《蒙面唱將猜猜猜》。互聯網圖片


黎明扮「煎蛋俠」出場。互聯網圖片


觀眾例牌熱情,之後「煎蛋俠」表演煎蛋。互聯網圖片


雖然唔知點解要煎蛋,但係「煎蛋俠」喺煎蛋時講出金句。互聯網圖片


互聯網圖片


黎天王話覺得呢件事好玩,又值得佢去玩,所以佢就嚟喇。互聯網圖片

---------------------------------------

http://std.stheadline.com/instant/articles/detail/515895-%E5%A8%9B%E6%A8%82-%E6%88%B4%E5%92%97%E9%9D%A2%E5%85%B7%E4%BF%82%E5%8F%A6%E4%B8%80%E5%80%8B%E8%BA%AB%E4%BB%BD+%E9%BB%8E%E6%98%8E%E5%8C%96%E8%BA%AB%E7%85%8E%E8%9B%8B%E4%BF%A0%E8%B7%B3%E8%84%AB%E7%8D%BB%E5%94%B1

戴咗面具係另一個身份 黎明化身煎蛋俠跳脫獻唱

017-09-18 14:31

黎明在昨晚內地綜藝節目《蒙面唱將猜猜猜》中,他化身「煎蛋俠」跟大張偉和巫啟賢,跳脫合唱少年男團TFBOYS的《青春修練手冊》,然後再獨唱《遇見》。黎明獨有的聲線,陶晶瑩早就估到是他,只是沒想這麼重量級的歌手會真的出現。

當黎明除下面具露出大家認識已久的俊臉時,大家都不敢相信,驚呼:「黎明真的來了!」Ella(陳嘉樺)更幾乎跪拜,說:「不敢相信自己的眼睛!」全場掌聲不絕。由於黎明脫下面後回復官仔骨骨模樣,跟跳脫「剪蛋俠」大大不同,Ella忍不住笑謂:「黎明大哥揭面之後就變回黎明大哥了,因為他剛剛戴著面具時很調皮,肢體動作超多。」

黎明就坦言戴上面後沒那麼恐懼,可以隨意表達出來,因為人人都知他是那類型,樣子可能較斯文,故不能太誇張,戴面具可以玩得好玩點,給自己另外一個身份。


黎明以重量級身份做蒙面唱將。


黎明唱歌時,Ella同陶晶瑩聽得好感動。

-------------------------------------------------

http://ol.mingpao.com/php/showbiz3.php?nodeid=1505711950207&subcate=latest&issue=20170918

【天王駕到《蒙面》】黎明「煎蛋俠」露真身 Ella想跪拜 (13:25)

http://video3.mingpao.com/201709/ENT20170917_08_640x360.mp4

內地綜藝節目《蒙面唱將猜猜猜》已經去到第2季,繼范瑋琪和張韶涵同台掀話題後,昨晚播出的一集,竟請到四大天王之一的黎明參加。節目中,3名自稱蒙面唱將組成「MMBOYS」,唱著TFBOYS的《青春修煉手冊》,其中戴著紅色面具兼自稱隊長的「煎蛋俠」,也引起猜評團的興趣,經過各種線索,加上獨特聲線,陶晶瑩已鎖定其身分是黎明,當「煎蛋俠」唱完《遇見》後拿下面具,果然是黎明本人,連S.H.E的Ella也幾乎想跪拜,並說:「不敢相信我的眼睛。」


黎明以「煎蛋俠」身分,亮相《蒙面唱將猜猜猜》。(網上圖片)


3名蒙面唱將組成「MMBOYS」唱歌。(網上圖片)
Ella見到黎明真身後,笑言也想跪拜對方。(網上圖片)

Messages In This Thread

2017-09-18 新聞 *NM*
Ella陶子興奮大叫!黎明搵明福俠教煎蛋
【蒙面唱將猜猜猜】金句天王根本唔使估:不同的雞蛋有不同的效果
蒙面歌王晒本領!黎明唔做明福俠教煎蛋
視頻﹕#蒙面唱將猜猜猜#“明福俠VS煎蛋侠 正能量的化身採訪花絮
《蒙面》“煎蛋俠”黎明:隱匿在面具之後的真性情
圖﹕《蒙面》“煎蛋俠”黎明揭面 活潑調皮顯反差萌
Re: 圖﹕《蒙面》“煎蛋俠”黎明揭面 活潑調皮顯反差萌
黎明Dry爆搵仔陪