All About Leon

廣州騷收唔到尾數 黎明為粉絲照唱
In Response To: 2017-08-13 新聞 *NM* ()

http://hk.on.cc/hk/bkn/cnt/entertainment/20170813/bkn-20170813172411575-0813_00862_001.html

廣州騷收唔到尾數 黎明為粉絲照唱

08月13日(日) 17:24

黎明(Leon)在8月11日及12日於廣州國際體育演藝中心舉行「Leon RandomRun中國巡演之廣州站」,在昨晚個唱尾聲時,Leon突然台上似「話中有話」說今次演唱會「發生咗啲事」,呼籲歌迷日後買飛要循正途,Leon在唱最後一首歌《我的親愛》前,跟同歌迷互動說:「今次演唱會發生咗啲事,就交畀佢哋同公司處理啦!我剩係面對你哋㗎啫!仲有以後買飛唔好咁急,搵啲國家認可、合法嘅票務,買完有任何問題,你哋啲錢都有保障,總之唔好咁急啦!」全場歌迷聽完即歡呼尖叫。

有網友在微博發文指Leon被傳拖高達600萬人民幣(同下)製作費,演唱會主辦單位未有履行合約「找數」,拖欠演唱會製作費,同時傳有人用鎖死門票方式以高價賣票招數賣飛,令歌迷要捱高價票,Leon心痛之餘,所以在台上呼籲歌迷要循正途購票。

為粉絲照唱

據知根據合約,Leon絕對有權拒絕開騷並宣佈取消演唱會,可是Leon知道歌迷恨睇騷,除有歌迷專程由其他地方飛往去廣州,又有歌迷買了黃牛票,為免歌迷失望及其他預計不到的損失,惟有堅持開騷及唱足兩場,每場一個半小時的演唱會。

對於傳開騷前收不到600萬製作費尾數?Leon經理人公司發言人王凱文接受東網訪問時表示:「基本該主辦單位未有履行合約內容,未有畀錢已經係毁約!(係咪600萬?)可以講係一個唔少嘅數目,因為係承包晒成個製作嘅款項,而之前對方不論係電郵及文字上回覆都承諾喺係開騷之前會付清,但最終都係冇嘅!而早喺兩個月前,公司嘅法務部都已知道呢件事,公司同法務部都認為唔畀晒錢係唔應該去唱,但Leon就堅持要做呢個演唱會,因為唔想令買咗飛嘅歌迷失望,所以最後決定係做,依家完成咗個演唱會,就交畀法務部去處理。」Leon為歌迷不收足錢照開騷,可怕做壞規矩?王凱文表示:「基本上係我哋係未遇過同類事件,呢個廣州站嘅主辦商係第一次合作,其他站,好似九月喺深圳嗰場嘅主辦單位都係過往合作過。(遇人不淑?)可以咁講啦!而呢個主辦商因只畀咗第一筆款項,之後就冇再畀尾數。」


黎明真係好錫粉絲!(資料圖片)


黎明經理人公司發言人指該主辦單位未有履行合約內容。(資料圖片)


黎明(資料圖片)

Messages In This Thread

2017-08-13 新聞 *NM*
黎明被騙薪!演唱會款項被拖欠,差點無法舉行
#2017黎明廣州演唱會# 下站見
廣州騷收唔到尾數 黎明為粉絲照唱
【Fans嬲豬發炮】爆主辦單位拖欠600萬製作費 黎明廣州騷冇錢落袋
【廣州個唱被拖欠近千萬】黎明:不想粉絲失望照開騷 法律追究主辦
Re: 【廣州個唱被拖欠近千萬】黎明:不想粉絲失望照開騷 法律追究主辦
Re: 【廣州個唱被拖欠近千萬】黎明:不想粉絲失望照開騷 法律追究主辦