All About Leon

改劇本傳換導演 離隊返港 黎明復出劇煞停 *PIC*
In Response To: 2017-08-05 新聞 *NM* ()

http://orientaldaily.on.cc/cnt/entertainment/20170805/00282_010.html

改劇本傳換導演 離隊返港 黎明復出劇煞停

天王黎明(Leon)相隔23年重返電視圈之作,近日突然傳出內地劇組出現了「配合性問題」,被迫暫時停工,中斷拍攝,並已撤換導演,但亦有指Leon要求改劇本,並已動身離開劇組返抵香港!

自1994年無綫劇《阿Sir早晨》後,黎明闊別公仔箱23年,雖不時有人斟他復出拍劇,但都不為所動,直至早前有「中國版《太陽的後裔》」之稱的內地劇集《莫語者》叩門,Leon終答允出山拍劇。飾演特種部隊成員的他,已在內地開工兩個月,但近日突傳劇組因「配合性問題」而撤換導演,並全面停工,但亦有指Leon對劇本頗有意見,並已率先動身返港,等劇組改好再開工。

重返劇組無期

對此,Leon所屬經理人公司發言人表示:「Leon尋日返咗香港,為8月11、12日廣州演唱會做準備,劇組仲喺度拍緊。(佢幾時返劇組?)做完演唱會先,確實日期不便透露。(有傳劇組出現配合性問題?)唔關事,係因為個劇多爆破、危險大場面,劇組想精準安排同做好準備。(Leon要改劇本?)唔會,佢接到劇本,話拍就拍,係劇組見到吳京套《戰狼2》故事同《莫語者》相近,所以想改一改。」

做事向來認真、嚴謹的Leon,曾有在中環海濱公園臨開騷前獲告知帳篷布料不符消防安全標準而宣布取消的經驗,但經他施展大公關手腕,最終都能一一化解,相信停工、改劇本都難不到遇強愈強,遇難愈識執生的Leon!

文:影視組


黎明相隔23年重返電視圈拍內地劇。/ 黎明已返港準備稍後在廣州舉行的演唱會。

Messages In This Thread

2017-08-05 新聞 *NM*
黎明出健康月餅 明星大搞發達副業
視頻﹕#電視劇莫語者# 動作花絮
圖﹕昨日大夜,今日#莫語者# 們依舊精神抖擻, 我們都是戰士! ​​​​
改劇本傳換導演 離隊返港 黎明復出劇煞停 *PIC*
傳改劇本換導演 黎明復出作叫停已返港