http://www.30fen.com/leon-piaget-function.html

http://d200.v.iask.com/f/1/d9f8a18d309442ea6f1c58f71ffe6ad424248557.flv

黎明（Leon）和樂基兒（Gaile）已婚曝出後，一直未有就事件開腔，而日前Gaile出席活動時，亦對已婚細節三緘其口，前晚（9月5日），Leon出席活動時，就稱地球上有不同的人，希望大家可以接受他不提私人事的性格。 Leon前晚以代言人身份出席腕錶品牌Piaget的派對，而他亦只戴上腕錶而未有戴上戒指。雖然Leon前晚樂意接受傳媒訪問，但就表示只想說有關腕錶的事，問他會否送一隻錶給太太Gaile時，他就說：錶同人物係兩回事，講番錶啦！多謝曬咁多位！其後又重申不會說私人事，更不會談論別人的事。而問到有關他和劉德華隱瞞已婚而被指是「大話天王」之事時，他即顯得有點生氣，更出手推開記者的咪，並說：問番你自己啦！個個熟我嘅記者都知，我一向唔講私人事。

至於Gaile日前承認已婚，何以他仍不作回應？他即表示並非不交代，只是希望大家接受他的性格，並說：「地球有咁多唔同嘅人，每個人都有唔同生存方法，呢個就係我啦！多謝大家！（係你要求Gaile不接受訪問嗎？）多謝大家，我已經講咗三次多謝，再講就好虛偽啦！」

其後Leon就轉身入會場，至半小時後才離開，並接受電子媒體的訪問，他更率先說出「金句」：「我信每位傳媒都好專業，有唔同新聞性報導，我作為藝人亦好專業，今次出席錶展，相信佢哋會報導出嚟。我今次系同傳媒見面，Say Hi！」而問到私事被人在網上揭發，有何感受？他就表示不會說私人事，並強調這就是他，更說：「好開心！多謝！（如何平服Gaile心情？）多謝！」其後即揚手離開。