All About Leon

黎明出月餅硬撼曾志偉? 賣餅都要拋金句
In Response To: 2017-07-13 新聞 *NM* ()

https://www.hk01.com/%E5%A8%9B%E6%A8%82/104713/%E9%BB%8E%E6%98%8E%E5%87%BA%E6%9C%88%E9%A4%85%E7%A1%AC%E6%92%BC%E6%9B%BE%E5%BF%97%E5%81%89-%E8%B3%A3%E9%A4%85%E9%83%BD%E8%A6%81%E6%8B%8B%E9%87%91%E5%8F%A5

黎明出月餅硬撼曾志偉? 賣餅都要拋金句

撰文: 陳奕熙
發佈日期:2017-07-13 21:35

一年容易又中秋,食過五月糭,街上的廣告就好似變面戲法一樣,馬上就換晒賣月餅,今年仲連黎明(Leon)都撈埋月餅依瓣呀!Leon在Facebook就post了一張月餅相,並寫住:「對月餅每人有不同口味!冰皮!蓮蓉!豆沙!五仁!我父親的摯愛,有人鍾意老字號新包裝,有人鍾意創新或嘗試新的口味。」


黎明真係多諗頭。(資料圖片)

Leon又話小時候香港的中秋天氣好好,可以坐在天台邊聽收音機,邊食月餅,邊賞月,現在卻總是下雨:「到了今年我希望中秋佳節唔好落雨,可以吃着自創的明福俠紫無花果月餅!」Leon仲拋出金句話:「貴或平唔重要點都唔係天價!」、「好食我話但可能有人話唔好食,我都費事理佢總之我覺得好食健康應該信自己,這才是做人的應有態度!」


Leon出月餅。(Facebook圖片)

講返個明福俠紫無花果月餅,到底係咩嚟呢?Leon都有post個product相,月餅罐上面例牌有個月亮,但似乎就冇嫦娥喇,奔月的應該是明福俠本人,連月餅都用咗明福俠打模,大大個Q版公仔好可愛。Leon話月餅聽日就會開賣,雖然幾錢都未知,但啲粉絲都已經紛紛留言話要買,係黎生嘅魔力啊!

話說用藝人做生招牌嘅月餅品牌都唔少,例如陳慧琳、張智霖代言嘅美心月餅、諗起曾志偉就會諗起嘅奇華月餅,謝霆鋒自創嘅「鋒味月曲奇」等,今年連黎明都加入戰團,唔知可唔可以憑住健康嘅紫無花果月餅跑出呢?

---------------------------------------------------

http://ol.mingpao.com/php/showbiz3.php?nodeid=1499953794609&subcate=latest&issue=20170713

【月餅都賣埋】黎明創紫無花果月餅 買定唔買你決定 (21:56)

黎明賣月餅!月餅愈來愈多不同口味,今年有新力軍加入,是明福俠的「紫無花果月餅」,講明唔係天價但限量發售,咁咪又要搶購?!

今日黎明在Facebook宣布有新產品推出,寫道:「對月餅每人有不同口味!冰皮!蓮蓉!豆沙!五仁我父親的摯愛,有人鍾意老字號新包裝,有人鍾意創新或嘗試新的口味,記得我細個在人地天台看月光聽收音機播放着~~月亮光光~月亮光光,同時和家人一起吃着月餅,當時香港天氣中秋節唔係點落雨,依家成日落雨真吹脹。到了今年我希望中秋佳節唔好落雨,可以吃着自創的明福俠紫無花果月餅!貴或平唔重要點都唔係天價!好食我話但可能有人話唔好食,我都費事理佢總之我覺得好食健康應該信自己,這才是做人的應有態度! 也是明福俠的態度!買定唔買!買定唔買!買定唔買!買定唔買!你決定!明天7月14號開始限量發售」

由食月餅講到做人態度...黎明又回應粉絲,紫色無花果餡的月餅是他自創,五仁是是他的父親愛吃,他留言:「我唔識整!」


黎明推出明福俠月餅,紫無花果餡是自創,新鮮!(網上圖片)


黎明呼召粉絲齊齊來搶購明福俠月餅跟家人分享。(資料圖片)

Messages In This Thread

2017-07-13 新聞 *NM*
黎明出月餅硬撼曾志偉? 賣餅都要拋金句
黎明在fb回覆﹕ 我自創的是紫色無花果餡嘅月餅!
Leon出明福俠月餅:可能有人話唔好食我都費事理佢
圖﹕《莫語者》張豐毅 搭檔黎明 ​​​​