All About Leon

盧敏儀與孫敬安舉行結婚20周年晚宴
In Response To: 2017-07-09 新聞 *NM* ()

http://hk.apple.nextmedia.com/enews/realtime/20170709/56935355

【志偉贊助全場紅酒】孫敬安盧敏兒結婚廿周年 謝賢快閃送花

建立時間 (HKT): 0709 22:35

孫敬安同盧敏兒今日喺紅磡舉行結婚20周年派對,出席嘉賓有陳錦鴻、羅蘭、胡楓、陳嘉桓、阮兆祥、鄧兆尊、李龍基、丁羽、漢洋、譚嘉荃等等,今日宴會大約60幾圍、花費7位數字。其中謝賢專誠嚟送玫瑰花畀盧敏兒,送完就閃人,不過佢都有停低接受訪問,講到佢特登嚟送花,佢笑住話:「梗係啦,幾廿年都未離婚,唔好講喇,唔好講喇,你哋講o架咋!」

孫敬安盧敏兒恩愛現身,合照嘅時候,孫敬安仲輕吻太太面頰,對於黎明今日喺一份報章上,買咗一個頭版廣告祝賀佢哋結婚20周年,孫敬安話:「梗係感動啦,我噚晚收到佢嘅電話,已經知道喇,真係想喊,突然間做啲咁嘅嘢。」盧敏兒就指:「其實佢已經眼紅紅,好想喊好感動,不過我哋真係好多謝Leon(黎明),都希望佢事事順利,佢哋嘅情誼仲耐過我,唔可以用三言兩語講到,一切在心中。」

問到孫敬安送咩禮物畀太太﹖佢話:「我送咗我個人畀太太。」盧敏兒表示老公送咗今晚呢個派對畀佢:「去年我身體唔太好,之後走去驗身,最初以為自己生乳癌,老公知道好擔心,攬住我喊,後來經兩位專家幫我抽組織化驗,話8、9成都係冇事,所以一直到o依家,老公知道又攬住我喊,當時就知道老公真係好錫我,佢全程都喺我身邊,令我好感動。」

佢哋透露許冠文、陳玉蓮、杜琪峯平時好少出席呢類活動,其中最難得係老友曾志偉:「佢話呢個派對,一定要mark日子,因為仲緊要過特首請食飯,所以志偉贊助咗全場嘅紅酒,大約120枝。」盧敏兒感性咁話:「記得最初結婚嘅時候,我講過我一定愛老公多於老公愛我,但係20年後,我覺得老公愛我多於我愛老公,我有時都比較任性,但佢就樣樣遷就我,我對佢冇要求,亦冇要佢改變任何嘢,但係老公自己都改變咗好多,總之永遠都係老公最好。」

------------------------------------------

http://ol.mingpao.com/php/showbiz3.php?nodeid=1499610531216&subcate=latest&issue=20170709

【今晚直擊】盧敏儀與孫敬安今晚舉行結婚20周年晚宴,於酒店花費過百萬筵開63席,獲曾志偉、陳玉蓮、許冠文、陳百祥與黃杏秀、鄺美雲、謝賢等圈中好友到賀,謝賢送上大束紅玫瑰作賀禮,因事缺席的黎明就在報章刊登全版賀詞。

Messages In This Thread

2017-07-09 新聞 *NM*
盧敏儀與孫敬安舉行結婚20周年晚宴
視頻﹕黎明報紙頭版賀瓷婚 孫敬安﹕感動到想喊
瓷婚派對筵開逾63席 孫敬安好多謝黎明在星島登全版賀稿
星島日報報紙頭版﹕黎明祝賀孫敬安20周年瓷婚之喜
重情重義報知遇之恩 黎明登報賀瓷婚 孫敬安感動想喊
Re:重情重義報知遇之恩 黎明登報賀瓷婚 孫敬安感動想喊