All About Leon

【宋仲基宋慧喬結婚】朴寶劍李光洙伴郎團 喬妹邀天王黎明撐場?
In Response To: 2017-07-05 新聞 *NM* ()

https://www.hk01.com/%E9%9F%93%E8%BF%B7/102630/-%E5%AE%8B%E4%BB%B2%E5%9F%BA%E5%AE%8B%E6%85%A7%E5%96%AC%E7%B5%90%E5%A9%9A-%E6%9C%B4%E5%AF%B6%E5%8A%8D%E6%9D%8E%E5%85%89%E6%B4%99%E4%BC%B4%E9%83%8E%E5%9C%98-%E5%96%AC%E5%A6%B9%E9%82%80%E5%A4%A9%E7%8E%8B%E9%BB%8E%E6%98%8E%E6%92%90%E5%A0%B4-

【宋仲基宋慧喬結婚】朴寶劍李光洙伴郎團 喬妹邀天王黎明撐場?

撰文: 黎嘉穎
發佈日期:2017-07-05 13:51

韓劇《太陽的後裔》男女主角宋仲基、宋慧喬前幾日堅決否認前後腳去峇里拍拖之後,今早突然拋出一句「我們要結婚」來震驚全球上億劇迷!一眾「宋太」突然失戀喊濕枕頭的心情,記者非常明白。之不過,男神宋仲基要做老襯已經是事實中的事實,大家唯有祝福宋生跟準宋太宋慧喬之餘,不妨期待一下宋仲基的「Maybe」伴郎團!單是李光洙、朴寶劍、趙寅成等,想想都覺得浩大,至於宋慧喬,如果請到好朋友香港天王黎明做賓客也一定搶晒關注!


宋仲基同宋慧喬今日突然公佈「我們要結婚」,令人期待雙宋大婚當日的伴郎姊妹陣容!(網上圖片)

宋仲基為人親切,在韓國娛樂圈內出名多老友,其兄弟幫更加是人強馬壯!當中要數跟宋仲基老友鬼鬼的當然是趙寅成、朴寶劍、李光洙、林周煥、金基邦等人。所以宋仲基今日宣佈與宋慧喬結婚,成班兄弟肯定已排隊等收「伴郎通知」,到時如果全部上場,隨時勁過MAMA頒獎禮同百想藝術大獎!不過如此閃亮的伴郎團怕不怕搶鏡過宋太宋慧喬呢?

宋仲基有一班強大伴郎團上陣,但準宋太宋慧喬會請哪位好友做姊妹真是難以估計!宋慧喬向來都甚少公開跟圈中好姊妹的生活照,除了大家都知的元祖女團Fin.K.L成員李真和男星劉亞仁外,宋慧喬的Instagram內大多是跟工作人員的合照,李真是其中一個「姊妹後備」,難道另一位就是劉亞仁?說笑了!雖然宋慧喬的「姊妹團」有可能會比宋仲基的「伴郎團」失色,不過只要宋慧喬請得郁跟她有十多年交情的香港天王黎明到場,到時必定可以挽回氣勢贏盡全場!作為宋慧喬口中的「好哥哥」,明蝠俠黎明到時會否帶同越南咖啡做賀禮賀宋慧喬呢?


同黎明相識十多年,宋慧喬結婚,黎明會不會帶埋越南咖啡做賀禮恭喜宋仲基與宋慧喬呢?(網上圖片)


一個黎天王駕到,隨時贏盡宋仲基的伴郎團。(網上圖片)

------------------------------------

http://hk.apple.nextmedia.com/enews/realtime/20170705/56915986

【男神女神齊封盤】宋仲基最強兄弟團 黎明親赴韓國賀喬妹?

建立時間 (HKT): 0705 12:55

http://video.appledaily.com.hk/mcp/encode/2017/07/05/3386085/20170705_ent_02_w.mp4

今日韓國男神宋仲基同女神宋慧喬都宣佈封盤,兩人喺圈中都有唔少好友,所以外界估計兩人10月結婚時,兩人嘅伴郎伴娘,以及兄弟姊妹團都會屬頂級人馬。

宋仲基本身有唔少一線男星好友,而同佢最老友嘅李光洙就被視為最佳伴郎嘅人選,至於兄弟團方面,宋仲基嘅好兄弟包括趙寅成、朴寶劍、車太鉉、林周煥等,唔少明星變成好友都因為趙寅成關係,佢哋呢班兄弟團不時見面聚會,亦有一齊去旅行。至於本身曾經同喬妹傳過緋聞嘅劉亞仁,亦因為同宋仲基合作過《成均館緋聞》,所以同宋仲基亦都成為好友,劉亞仁仲不時做電燈膽,同埋雙宋一齊約會,所以估計劉亞仁都會成為兄弟團之一。

至於喬妹方面,入行20年嘅喬妹都有唔少好友,當中有唔少係同宋仲基有共同好友,難怪兩人感情發展咁快,事關相約友人時順度拍拖,可謂一舉兩得,當中喬妹同宋仲基嘅共同好友就包括趙寅成、劉亞仁同車太鉉,而本身喬妹亦不時喺Instagram上載同明星友人敍舊嘅照片,好似有元祖女團Fin.K.L.37歲成員李真、金喜善同宋允兒,就連香港四大天王之一嘅黎明都係喬妹老友,唔少網民都話好好奇黎明到時會唔會飛去韓國飲喬妹呢餐呢?


喬妹同黎明係十年以上嘅好朋友

Messages In This Thread

2017-07-05 新聞 *NM*
【宋仲基宋慧喬結婚】朴寶劍李光洙伴郎團 喬妹邀天王黎明撐場?
黎明A Music旗下無大將? 捧完JC轉谷神秘男新人BoBo