All About Leon

黎明暖男上身 囑觀眾飲薑水
In Response To: 2017-07-03 新聞 *NM* ()

http://orientaldaily.on.cc/cnt/entertainment/20170703/00282_029.html

黎明暖男上身 囑觀眾飲薑水

天王黎明(Leon)、張智霖(Chilam)及陳小春前晚在中環舉行《開心幸福里》音樂會,尾聲時Chilam和小春笑言叫Leon以後有此類演唱會記得帶挈兩人。其後Leon重提當年小春跟記者發生衝突一事,他說:「我都有錯,但都係經歷令大家成長,以後心哋善良就OK。」小春聞言亦表示自己有錯。

Leon又爆金句:「今日(前晚)唱咗(已故)陳百強、張國榮嘅歌,但校長(譚詠麟)仲喺度。人好快就輪迴,大家都係生命嘅過客。」令全場大笑!雖然Leon全晚搞笑講金句,仍窩心叫被雨淋濕的觀眾喝薑水或吃感冒藥防生病。另外,Chilam在台上獻唱《我的親愛》時,表示因老婆袁詠儀是此曲MV女主角故選來唱,更大讚老婆靚女。騷後現場遺下大批雨衣及垃圾。


黎明(左起)、張智霖及陳小春在中環開騷。

----------------------------------

http://hd.stheadline.com/ent/ent_content.asp?track=news&contid=413570&srctype=n

暴雨下唱回歸騷 黎明又拋金句

  七一回歸有好多慶祝活動,包括邀請咗黎明、張智霖及陳小春演唱嘅慶回歸《開心幸運里音樂會》,雖然噚晚突然落大雨,但無損黎明拋金句嘅雅興及觀眾睇Show嘅心情。煙花匯演結束後,音樂會接住開Show,Leon聯同Chilam及小春合唱《三人行》,Leon唱完即拋金句:「一秒間兩個世界,落完雨又唔落,多謝晒,大家唔知落雨就來,來到又落雨,辛苦晒。」而Chilam就多謝大家落雨都去睇騷,佢仲夾埋小春整鬼Leon ,指他是「地主」讓他唱先。

  小春同黎明合唱《友情歲月》前講笑,小春話原本想不來,因個仔生日,黎明話就犧牲個仔生日,小春即說唔得,等陣返屋企同個仔慶祝,黎明笑指細路仔都無時間觀念,小春無奈答:「真係唔夠你來。」期後Chilam也自爆昨天也是其母生日,黎明即大叫伯母生日快樂。


※噚晚落咗好耐雨,但黎明現身前就停雨。


※小春、Chilam及黎明合唱《三人行》揭開序幕。

-----------------------------------------

http://skypost.ulifestyle.com.hk/article/1848627/%E9%9B%A2%E9%96%8B%E5%98%85%E5%89%8D%E8%BC%A9%20%E9%BB%8E%E6%98%8E%E6%95%B8%E9%8C%AF%E8%AD%9A%E6%A0%A1%E9%95%B7

離開嘅前輩 黎明數錯譚校長

黎明、張智霖及陳小春前晚在中環海濱活動空間舉行《開心幸運里》演唱會。黎天王依舊狂拋金句,未知是否開心過籠,竟然差點講錯說話。「今晚(前晚)選唱好多金曲,包括一啲離開我哋嘅前輩,陳百強、張國榮、校長(譚詠麟)……校長仲健在。唔緊要,最重要開開心心喺地球生活,大家都係過客。」至於「仲健在」的校長昨日則在FB大曬美食相,他品嘗完平民豬扒米粉,食飽飽才開工。


黎明前晚差點講錯金句,幸好轉數快兜得番。

----------------------------------

https://www.singtaousa.com/ny/12-%E5%A8%9B%E6%A8%82/181285-%E9%BB%8E%E6%98%8E%E9%96%8B%E9%A8%B7%E5%B0%8F%E5%90%83%E8%B2%B4%E5%BE%97%E6%9C%89%E9%81%93%E7%90%86/

黎明開騷小吃貴得有道理

  【星島日報報道】黎明、張智霖與陳小春前晚於中環海濱舉行《開心幸運里音樂會》,期間未受暴雨影響圓滿落幕。雖然美食區有人認為售價不夠貼地,但仍被搶購一空,據悉原因是用料充足,其中丸類更以黑松露、花膠及新鮮豬肉製成,材料名貴。而台上的對白也非常有料,黎明發揮另類金句,借譚詠麟談人生哲理!

  黎明鳴謝台前幕後以及連串經典金曲的原唱者時說:「今晚選唱好多經典歌曲,包括好多離開了的前輩,如陳百強、張國榮、譚詠麟……校長還健在,但唔緊要,人好快……最緊要開開心心響地球,大家都係過客。」


黎明前晚於中環海濱冒雨開唱。


現場售賣的小吃被指售價唔夠貼地。

------------------------------------------

http://hk.apple.nextmedia.com/entertainment/art/20170703/20076634

市民不滿安排 小食又貴
黎明騷遺大堆垃圾

http://video.appledaily.com.hk/mcp/encode/2017/07/03/3383514/20170702_ent_02AD_w.mp4

黎明、陳小春及張智霖(Chilam)前晚在中環海濱參加「開心幸運里」嘉年華,與眾同樂,新任特首林鄭月娥、財政司司長陳茂波和政務司司長張建宗等都有撐場。由於大會規定不准巿民帶雨傘入場,為應付天雨問題,大會前晚有向觀眾派雨衣,當完騷觀眾離場後,卻遺下遍地垃圾,尤其有很多穿過的即棄雨衣。

黎明、陳小春和Chilam前晚台上賣力獻技,又唱又跳搞氣氛,演唱會尾聲,黎明在台上形容小春是實力派,小春即答謝黎明邀請他演出,他笑言前日是囝囝Jasper的4歲牛一,Chilam也謂是其母親生日,黎明即大聲向Chilam媽咪講生日快樂。

寸小春打記者

其後,三人在台上再唱多一次《友情歲月》,黎明表示原意想邀鄭伊健演唱,可是對方沒空,惟有等下次機會。黎明講到每個地方的人都有不同意見和分歧,他呼籲:「800萬人如團結起嚟,可以做好香港,面對世界嘅良性競爭,我哋會度過好多難關。」黎明又以小春當年打記者舊事開玩笑,他說:「不如我扮記者俾你打啊?」小春回答:「唔會喇,𠵱家唔會喇!」黎明再說:「唔緊要,我都有錯,經歷係人生過程,最緊要人係善良。」之後三人合唱《再見Puppy Love》為演出畫上句號。

豬肉丸賣100蚊

此外,前晚嘉年華中出售的食物偏貴,豬肉丸要100元3粒,牛丸也賣50元3粒,加上入場時安排非常混亂亦捱批,有市民在「開心幸運里」官方fb留言投訴,有網友指除太多內地旅行團換飛,也有經民聯派飛。「開心幸運里」嘉年華是由香港中華廠商聯合會、新家園協會及香港文化產業聯合總會聯合舉辦,而經民聯監事會主席是黎明戰友林建岳,所以經民聯有提供優惠門票贊助,原價150元的門票減到50元便有交易。

採訪:王連連
攝影:沈健程


■黎明前晚在中環海濱開騷,觀眾離場後,留下遍地垃圾和即棄雨衣。


■(左起)黎明、Chilam和陳小春勁歌熱舞,冧爆台下觀眾。


■小春和Chilam鬼馬互動,令黎明(右)亦忍不住笑。

Messages In This Thread

2017-07-03 新聞 *NM*
視頻﹕《開心幸運里》黎明 張智霖 陳小春組團獻唱
視頻﹕三人行!黎明、陳小春、張智霖“抱團”開唱
視頻﹕開心幸運里#黎明 #張智霖 #陳小春 合體開騷,leon繼續大講金句
黎明暖男上身 囑觀眾飲薑水
圖﹕7月1日及2日嘅開心幸運里經已完滿結束!
黎明呼喚萬眾一心搞好香港 失驚無神拋金句 小春Chilam難招架