All About Leon

黎明是但噏慶回歸 小春︰真係唔夠佢嚟 張智霖︰今日學到好多嘢
In Response To: 2017-07-02 新聞 *NM* ()

https://www.hk01.com/%E5%A8%9B%E6%A8%82/102002/%E9%BB%8E%E6%98%8E%E6%98%AF%E4%BD%86%E5%99%8F%E6%85%B6%E5%9B%9E%E6%AD%B8-%E5%B0%8F%E6%98%A5-%E7%9C%9F%E4%BF%82%E5%94%94%E5%A4%A0%E4%BD%A2%E5%9A%9F-%E5%BC%B5%E6%99%BA%E9%9C%96-%E4%BB%8A%E6%97%A5%E5%AD%B8%E5%88%B0%E5%A5%BD%E5%A4%9A%E5%98%A2

黎明是但噏慶回歸 小春︰真係唔夠佢嚟 張智霖︰今日學到好多嘢

撰文: 許育民

今年七‧一周圍都有回歸Show,其中一個就有黎明、張智霖同陳小春一齊在中環海濱活動空間舉行《開心幸運里》活動,而三位就以「幸運輪唱團」之名上台獻唱懷舊金曲。

近年大家鍾意聽Leon講嘢多過唱歌,因為每次都有新鮮爆笑口感。今次回歸Show,可能氣氛夠熱烈,而且又返到自己呢個中環主場,同小春Chilam閒談時下下爆Seed,搞到兩位完全接唔住,只好苦笑!


3位首次合作,氣氛輕鬆又愉快。

又流行經典50年?

這次音樂會,三人以香港的經典金曲為主題,唱盡前輩們的作品,所以音樂會一來,先以林子祥膾炙人口的歌曲《三人行》作開場,Chilam 先單獨出場,緊接小春,最後有Leon。為貫徹親民主題,三人以輕鬆造型現身。雖然昨晚曾一度落大雨,但天公造美,一開場即停雨,三人亦感謝觀眾沒有因大雨而離開。

接住由Leon 獻唱陳百強的《有了你》及《深愛著你》,作為向一代巨星致敬。Leon又提到小時候到清水灣,經常見到好多大哥哥,車內的收音機經常播住這首《有了你》,同一時間,他邊講邊行到身後的鋼琴坐下「自彈自唱」,當觀眾放聲尖叫時, Leon突然自爆︰「我只是扮嘢!」真係畀佢玩透,不過現場所見,真係似模似樣,呃到下人。


以為Leon苦練琴技,但原來只係好演技。

小春幫囝囝補祝生日︰Leon︰「小朋友冇乜時間觀念」

講完唱歌,到番正題「講嘢」,當晚Leon心情大好,歌與歌之間勁多分享,但就因為太好笑,眼見陳小春同張智霖都有點難招架。話說小春先多謝黎明邀請他來唱這個Show,雖然自己個仔生日都不介意,但Leon就秒速回應︰「咁細個,冇乜時間觀念嘅!」

到張智霖上台,因為他是在二人合唱《友情歲月》時中間插入,Leon便追問他何解咁遲?Chilam發揮搞笑精神,食住小春個話題,話因為媽媽又係今日生日,所以剛才在後台致電祝賀先遲上台,但斷想不到Leon連咁又接到︰「係,因為伯母嘛,所以好有時間觀念。」唔知頭唔知路的Chilam,一臉無奈暗說︰「等我諗下先……呀係喎!(扮諗得通)」


小春一輪勁歌熱舞,獲Leon贈言︰「真材實料!」

去到最後,小春表示今次玩得好開心,跟Leon說下次再有這些機會一定要預他,Leon爽快答應話好,不過仲有下句︰「下次一於將人生一啲開心同唔開心嘅事延長,變成舞台劇同大家分享一次,譬如我扮記者,你打我。」這個殺著,搞到小春措手不及,只好苦笑地答︰「我唔興㗎喇!而家,我唔興㗎喇!」不過Leon都好好人,幫小春兜番︰「有時記者朋友都有錯,不過搵食啫,但千祈唔好持住搵食係一道聖旨。」又一句金句,令在旁的Chilam都忍不住歎句︰「我今日學到好多嘢呀Leon!」聽落似一則戲言,但Leon都認真回︰「大家Share下啫!」以為認真便輸了?Leon認真便全勝了!


對住Leon的話題,Chilam明顯接唔住。

Messages In This Thread

2017-07-02 新聞 *NM*
圖﹕黎明張智霖合唱慶香港回歸20週年 與新任特首相見歡
圖﹕#開心幸運里 #當女特首遇上明福俠
視頻﹕ 黎明、張智霖及陳小春海濱開騷!
黎明是但噏慶回歸 小春︰真係唔夠佢嚟 張智霖︰今日學到好多嘢
視頻﹕黎明七一騷狂爆金句
古巨基與明蝠俠合照
戶外騷觀眾濕晒身 黎明金句呵番:落完雨就兩個世界
汪明荃曬星級大合照./ 黎明贏盡面子