All About Leon

開場即停雨 黎明爆金句:瞬間兩個世界/ 孖Chilam小春合唱 黎明戥觀眾慘:多謝大家落雨都嚟
In Response To: 2017-07-01 新聞 *NM* ()

http://hk.on.cc/hk/bkn/cnt/entertainment/20170701/bkn-20170701213409682-0701_00862_001.html

開場即停雨 黎明爆金句:瞬間兩個世界

07月01日(六) 21:34

天王黎明(Leon)、張智霖(Chilam)以及陳小春,在中環海濱出席「開心幸運里」活動,開騷前半小時天公不造美落大雨,到了8時40分左右音樂會開始,此時已停雨,Chilam、小春及Leon輪流上台獻唱,三人合唱《三人行》後,Leon爆金句講:「一瞬間兩個世界,落完雨就兩個世界。」小春都好驚會取消,擔心落雨影響個騷,以致Chilam有首歌差點唱不到,幸好最後修理好。

自彈自唱

Leon謂在香港成長,在1981年他16歲時沒有車牌,坐朋友的車,去淺水灣等不同地方燒嘢食:「嗰時喺淺水灣喇叭如果播歌播得太大聲,隔籬住嗰啲外籍人士就會投訴,後尾就好細聲,好多人燒雞翼,隔籬有啲男仔有女朋友,嗰時我哋咁細個,見到人哋拍拖自己又冇,喺沙灘、返學都會播呢首歌,呢首歌好有回憶。」之後自彈自唱《有了你》。唱完後他表示時間過得好快,一個階段地過,故要好好珍惜與大家一起的時候。他亦謂與Chilam及小春一起工作很久,大家在不同地方工作,有大家支持很開心,之後唱出《深愛着你》。

叫JC上台合唱

Leon又講起愛情的話題,表示每個年代都會有愛情的歌,每個年代都會有「現代愛情故事」,但要重組當年組合很難,故請出旗下歌手JC出來唱,Leon笑言多謝Chilam畀自己抽水唱,之後他與JC及Chilam合唱此曲,但音樂響起Leon即叫停,搞笑問JC可有聽過此曲?JC話梗係聽過:「唔敢呃你。」


開騷前半個鐘仲落大雨,到咗開場就停咗雨啦!


黎明大爆金句!


黎明話:「一瞬間兩個世界,落完雨就兩個世界。」


自彈自唱型到爆!


黎明(中)話佢同Chilam(左)以及小春一齊做嘢好耐。


咁就梗係要合唱啦!


唱到笑晒口。


搵埋JC上台合唱。

-------------------------------------------

http://hk.on.cc/hk/bkn/cnt/entertainment/20170701/bkn-20170701215338888-0701_00862_001.html

張智霖練唱《我的親愛》 望住老婆好入腦

07月01日(六) 21:53

歌手張智霖在台上獻唱《我的親愛》後,喺台上話入行咁耐首次同黎明合作,而點解揀唱依首歌係因為老婆袁詠儀做MV女主角,大讚老婆靚女:「我練呢首歌嘅時候,望住我老婆,好入腦!」

Chilam又指自己同陳小春為多年好兄弟,亦恨唱咗《相依為命》好耐,所以特別挑選依首歌唱畀大家聽。之後到Leon上台,就細說1983年去英國留學嘅點滴,佢話冇嘢做嗰時就會去租casette帶聽同睇劇集,最鍾意睇《天師捉妖》,又話:「最鍾意聽校長嘅《誰可改變》,喺英國去到唐人街聽到廣東話好親切。所以用心做一件事就能改變,最重要係一條心做好一件事。」

黎明狂爆金句全場大笑

陳小春多謝黎明邀請他來這個騷,Leon搞鬼說:「你可以唔嚟㗎。」小春就謂今日是其囝囝生日,故稍後要回去跟他慶生,Leon笑言:「咁又係,咁細個冇乜時間觀念。」之後兩人唱出《友情歲月》。接着三人再合體,Chilam亦謂今日是其媽咪生日,剛才在後台已跟媽咪講生日快樂,Leon又笑言:「係呀,因為係伯母,所以有時間觀念。」全場即大笑。之後Leon要求大家開手機燈,覺得好靚,自己亦未試過。

之後Leon又謂本來有叫鄭伊健來,但可惜對方有事來不到,之後他們再唱出伊健的《友情歲月》,但唱前Leon表示:「今日唱咗陳百強、張國榮嘅歌,但校長(譚詠麟)仲喺度。」之後大家即笑,他續謂:「人好快就輪迴,大家都係生命嘅過客。」觀眾席又傳來一陣笑聲。


嘩!唔講真係唔記得喇。


Chilam獻唱《我的親愛》,話望住老婆練唱所以好入腦。


果然唱得好深情


陳小春多謝黎明請佢嚟演唱。


Chilam諗起老婆?


小春(左)今日囝囝生日,Chilam(中)今日阿媽生日。


黎明狂講金句,惹來全場大笑。


張智霖(左)同黎明

--------------------------------------------

http://hk.on.cc/hk/bkn/cnt/entertainment/20170701/bkn-20170701221553457-0701_00862_001.html

黎明重提當年小春同記者爆衝突

07月01日(六) 22:15

天王黎明(Leon)、張智霖(Chilam)及陳小春在中環開騷,尾聲時Chilam、小春以及Leon笑言以後有這些騷記得帶挈他們,Leon重提當年小春跟記者發生衝突一事,他笑言:「好呀,我扮記者,跟住你(小春)打我囉。」之後Leon續謂:「我都有錯,不過都係經歷,呢個經歷令大家成長,總之以後心哋善良就OK。」小春亦謂:「我都有錯。」然後他們唱出《再見Puppy Love》。期間黎明亦問台下有被雨淋濕的觀眾個身乾未:「如果未乾就飲啲薑水,或者食啲感冒藥。」


黎明重提當年小春同記者發生衝突一事。


認真搞笑。


小春(右)話佢都有錯。


總之以後心哋善良就OK。


咁就梗係啦!


小春唱到幾High!


黎明都唱到動作多多。


Chilam(左)、黎明、小春

--------------------------------------------

http://ol.mingpao.com/php/showbiz3.php?nodeid=1498917885108&subcate=latest&issue=20170701

【100蚊3粒丸】中環海濱開騷 小春張智霖封黎明做地主 (22:08)

【今晚直擊】黎明、張智霖、陳小春今晚8時半在中環海濱舉行音樂會,以一曲合唱歌《三人行》為演出揭開序幕。今晚的中環不時落大雨,黎明唱完歌後即大講金句,他說︰「一瞬間兩個世界,一秒鐘又落雨,一秒又停。最初,我們打算公平一點,走出帳篷跟大家一齊淋雨﹗」黎明坦言開騷前非常緊張,因為有音響被雨水淋壞了,或會令張智霖未能獻唱其中一首歌,幸好最終解決了問題。

黎明先後2次在中環海濱開騷,張智霖和陳小春稱他為「地主」,感謝他讓2人一同演出。隨後,黎明、張智霖、陳小春輪流獻唱。黎明打頭陣唱出《有了你》、《深愛著你》,又與旗下新人JC合唱《現代愛情故事》,然後將舞台送給張智霖。

音樂會現場設有懷舊嘉年華會,入場觀眾可在不同的懷舊佈景前拍照,又可到小食檔購買懷舊美食。不過,不少網民投訴,不滿主辦單位在大雨下阻止觀眾帶傘入場,也有粉絲投訴場內食物貴,100元只得3粒豬肉丸,牛丸就索價50元3粒。


黎明今晚演出在中環海濱舉行的音樂會,被同場的陳小春及張智霖封為「地主」。(明報製圖)


黎明就今日中環不時落雨而大講金句。(鍾偉茵攝)


陳小春、張智霖及黎明以一曲《三人行》登場。(鍾偉茵攝)


現場設有懷舊佈景供觀眾拍照留念。(鍾偉茵攝)


有網友投訴嘉年華的小食非常貴,100元只得3粒豬肉丸。(鍾偉茵攝)

-------------------------------------

http://ol.mingpao.com/php/showbiz3.php?nodeid=1498918525364&subcate=latest&issue=20170701

【新任特首捧場】黎明落台趕去VVIP區見林鄭月娥 (22:21)

【今晚直擊】黎明、張智霖、陳小春今晚在中環海濱舉行的音樂會,獲今日正式上任的特首林鄭月娥、政務司長張建宗、財政司長陳茂波等捧場。眾人於晚上8時的煙花匯演結束後在場內的VVIP區現身,特首林鄭月娥現身即成集郵對象。黎明完成自己的演出部分,落台後即走到VVIP區跟林鄭見面。現場所見,2人握手後便傾不停。


黎明今晚在中環開騷,獲新上任的特首林鄭月娥捧場。(明報製圖)


黎明、張智霖、陳小春今晚在中環海濱舉行的音樂會合唱一曲《三人行》。


黎明一演唱完即去到VVIP區跟新特首林鄭月娥見面。(鍾偉茵攝)


特首林鄭月娥跟黎明傾唔停。(鍾偉茵攝)


特首林鄭月娥今日正式上任,晚上看完煙花後就去捧黎明、陳小春及張智霖場。(鍾偉茵攝)

-------------------------------------------

http://ol.mingpao.com/php/showbiz3.php?nodeid=1498921279050&subcate=latest&issue=20170701

【啋過你】黎明講錯金句 話校長離開了我們? (23:07)

【今晚直擊】音樂會尾聲,黎明大講金句時竟不慎說錯話,稱今晚選唱了很多已離世前輩的金曲,當中竟包括樂壇校長譚詠麟﹗他說︰「今晚選唱了很多金曲,包括一些離開我們的前輩,陳百強、張國榮、校長...校長(譚詠麟)仍健在。不要緊,人真的很快,最重要開開心心在地球生活,大家都是過客。」


黎明今晚不小心說錯話,稱校長離開了我們.......(明報製圖)


黎明今晚繼續大講金句,卻不慎說錯話﹗(鍾偉茵攝)


黎明不慎稱校長譚詠麟離開了我們,難怪他會講到抹晒汗﹗(鍾偉茵攝)


黎明這樣說,譚詠麟知道後真的「啋」過你﹗(資料圖片)

-----------------------------------------------------

http://std.stheadline.com/instant/articles/detail/442180-%E5%A8%9B%E6%A8%82-%E3%80%90%E7%9D%87%E5%AE%8C%E7%85%99%E8%8A%B1%E9%96%8B%E9%A8%B7%E3%80%91%E5%AD%96Chilam%E5%B0%8F%E6%98%A5%E5%90%88%E5%94%B1+%E9%BB%8E%E6%98%8E%E6%88%A5%E8%A7%80%E7%9C%BE%E6%85%98%EF%BC%9A%E5%A4%9A%E8%AC%9D%E5%A4%A7%E5%AE%B6%E8%90%BD%E9%9B%A8%E9%83%BD%E5%9A%9F

【睇完煙花開騷】孖Chilam小春合唱 黎明戥觀眾慘:多謝大家落雨都嚟

2017-07-01 21:30

黎明(Leon)今晚聯同張智霖(Chilam)、陳小春,於中環海濱舉行「開心幸運里音樂會」,場內禁止觀眾帶遮只派發雨衣,又設有露天區,有不少觀眾要淋雨睇騷。晚上準時8點,維港上演慶回歸煙花騷,現場觀眾冒雨欣賞煙花也絕沒掃興,見到煙花盛放不禁「嘩嘩」聲。

匯演結束後,音樂會於8時40分正式開騷,Leon、Chilam、陳小春合唱《三人行》,Leon唱完即拋金句:「一秒間兩個世界,落完雨又唔落,多謝晒,大家唔知落雨就來,來到又落雨,辛苦晒。」Chilam多謝大家落雨都來睇騷,Leon笑指不公平,三人出來就落雨,小春講笑要取消;Leon堅稱不會,天公造美,堅持演出,另外二人笑指他是「地主」讓他唱歌先。期間Leon走到琴邊,觀眾以為他會彈琴一度起哄。


Leon、Chilam、陳小春合唱《三人行》,Leon唱完即拋金句:「一秒間兩個世界,多謝大家落雨都嚟,辛苦晒。」


Leon指天公造美,堅持演出。


陳小春、Chilam

------------------------------------

http://std.stheadline.com/instant/articles/detail/442216-%E5%A8%9B%E6%A8%82-%E5%B8%B6%E6%8C%88JC%E6%8B%96%E5%AF%A6%E5%BC%B5%E6%99%BA%E9%9C%96%E5%94%B1%E6%83%85%E6%AD%8C+%E9%BB%8E%E6%98%8E%E5%94%94%E6%BA%96%E9%99%B3%E5%B0%8F%E6%98%A5%E8%BF%94%E9%96%A8%E8%B3%80%E5%9B%9D%E5%9B%9D%E7%94%9F%E6%97%A5

帶挈JC拖實張智霖唱情歌 黎明唔準陳小春返閨賀囝囝生日

2017-07-01 22:12

黎明(Leon)、張智霖(Chilam)及陳小春,於中環海濱舉行「開心幸運里音樂會」,睇完煙花匯演,音樂會於8時40分正式開騷。Leon簽下的19歲女新人JC上台,拖住Chilam合唱《現代愛情故事》,Leon多謝Chilam讓他唱了幾句,之後落了台交了舞台予二人演出。

小春和Leon合唱《友情歲月》前講笑,小春自爆因囝囝生日原本不想來,Leon叫他犧牲囝囝生日,小春即說不能,要趕返屋企同囝囝慶祝。黎明笑指細路仔無時間觀念,小春無奈答:「真係唔夠你嚟。」

期後Chilam也指今日是媽咪生日,真是好日子,Leon即拋金句:「因為伯母係大人所以有時間觀念。」隨即向台下大叫伯母生日快樂,小春接著大叫:「阿仔生日快樂。」令Chilam笑指:「我哋全部公器私用!」另外,場內不準帶遮只派雨衣,有不少觀眾淋住雨睇騷,Leon關心觀眾淋濕身會感冒,即場教大家防感冒三大招數:「返屋企飲薑茶、浸浴,另外有一隻日本三合一感冒藥好好,我經常袋喺身。」


JC拖住Chilam合唱《現代愛情故事;Leon笑指細路仔無時間觀念,叫小春不用趕返屋企同囝囝慶祝生日。


JC上台演唱


三人合唱《友情歲月》

-------------------------------------------

http://hk.apple.nextmedia.com/enews/realtime/20170701/56902614

【到場前傾盆大雨】林鄭x張建宗x陳茂波 VVIP歎香檳睇黎明

建立時間 (HKT): 0701 21:00

黎明、陳小春、張智霖今晚喺中環海濱舉行「開心幸運里」,綜觀黎生「往績」,佢開親戶外騷,都幾乎一定落雨。

今晚又係。

結果天怒,人怨。

首先係入場混亂,觀眾狼狽。市民紛紛投訴謂被禁帶遮入場。但其實呢,大會之前有喺官方fb宣佈過,戶外活動係唔俾帶傘㗎,因為安全問題,同雨傘會遮到視線,所以大會準備咗雨䄛俾大家。入場觀眾都唔想自己把遮未完騷就插到成遮眼珠㗎嘛。

但今次天公不造美,現場一放煙花即下大雨,嘉賓喺vvip區如林建岳等就舒舒服服睇騷,傳媒同其他觀眾,包括高空棚架上負責打燈嘅工作人員,就硬食大雨。雨越落越大,啲人叫救命。臨近7點,工作人員將包住燈樂器膠袋拆開,但之後更加大雨,一直到放完煙花先停雨。

點解咁大雨?黎明係原因之一,另一個原因可能係……因為新任特首林鄭月娥到場。說也奇怪,佢到場時雨已停。

晚上8時40分左右,林鄭抵達會場。之前入場前仲見有人擔黃遮,咁遮嘅顏色唔係紅橙黃就係青藍紫啦,但當然有啲好驚民意嘅人會見黃色變,but,依家都唔使驚喇,因為全場都唔俾擔遮。

林鄭抵達後,財政司司長陳茂波同政務司司長張建宗一齊企vvip欄邊睇騷。有人同佢碰杯,佢哋就手拎香檳,好寫意咁。

8點39分,演唱會開始。張智霖、黎明、陳小春三個人就升上台,唱出《三人行》,唱完之後黎明就話:「o依家冇落雨,好似兩個世界咁,多謝大家落雨都唔走。」陳小春就話好驚會取消、其實落雨嘅問題,都差啲影響到個騷,搞到Chilam有首歌差啲唱唔到,但最後都修理番好。

喺唱完《現代愛情故事》之後,黎明就行到去VVIP區,同林鄭打招呼,黎明仲同林鄭一行人合照,佢哋有講有笑,林鄭仲拍一拍黎明嘅手臂。至9時09分左右,林鄭先離開。

------------------------------------------------

http://hk.apple.nextmedia.com/enews/realtime/20170701/56902764

【$100/3粒豬肉丸】港人嗌蝕底!經民聯派平飛 大陸團唔排隊睇Leon?

建立時間 (HKT): 0701 22:00

今晚去中環海濱長廊欣賞黎明、張智霖同陳小春《開心幸運里》呢個騷嘅你,如果有睇場地守則,就係唔俾帶外來食物進場。嬰兒食品例外。

如果你餓餓了,唔使驚,現場有得賣。

豬肉丸:$100/3粒
牛丸:$50/3粒

不禁咋舌。咁貴?$100先得3粒,唔係黎明割肉嚟做嘛?

入場安排亂,有市民喺開心幸運里官方fb痛批,亦有人於個人fb歎道勁多大陸旅行團在換飛,經民聯又喺度派飛,排隊安排混亂,乖乖買飛排隊嘅香港人完全輸晒。

經民聯原來都有提供優惠門票贊助㗎,原價$150嘅飛減到$50就有交易——唔記得提番,呢個「開心幸運里」嘉年華係由香港中華廠商聯合會、新家園協會及香港文化產業聯合總會聯合舉辦。經民聯監事會主席係林建岳,即係黎明戰友。


經民聯買飛有優惠 (互聯網圖片)

------------------------------------------

http://hk.apple.nextmedia.com/enews/realtime/20170701/56903019

【遍地垃圾】演唱會完騷後成地雨衣 黎明寸小春打記者

建立時間 (HKT): 0701 22:44

黎明、陳小春、張智霖三人今晚就會喺中環海濱現身開演唱會,去到尾段嘅時候,黎明喺台上就同陳小春講,話佢係實力派,小春就調轉頭多謝黎明邀請佢嚟呢個騷,又話自己嘅囝囝今日生日,張智霖就話,原來今日都係佢媽媽嘅生日,黎明就大聲同張智霖媽媽講生日快樂。講完之後黎明就問台下嘅觀眾個身乾未,如果未乾就要飲啲薑水,或者食啲感冒藥。

三個人喺台上再唱多一次《友情歲月》,黎明就話原本想搵鄭伊健一齊嚟唱,不過佢就唔得閒,唯有等下次先再合唱,佢話今日都唱咗好多前輩嘅歌。黎明之後就同陳小春講笑話:「不如我扮記者畀你打啊?」小春就話:「唔會喇,o依家唔會喇。」之後唱埋最後一首歌就完騷。

現場就唔可以帶雨傘,不過大會就準備咗雨衣畀觀眾,而完騷之後,唔知啲觀眾係唔係以為要還番啲雨衣畀大會呢?成地都係雨衣,當然仲有好多垃圾啦,其實大家睇完騷,不如帶番走自己嘅垃圾啦。


一地都係垃圾


黎明台上寸小春打記者

Messages In This Thread

2017-07-01 新聞 *NM*
【咁無公德心】音樂會後雨衣丢遍地
開場即停雨 黎明爆金句:瞬間兩個世界/ 孖Chilam小春合唱 黎明戥觀眾慘:多謝大家落雨都嚟
黎明中環開騷落大雨 觀眾勁狼狽
組圖﹕黎明20年三度登台慶祝香港回歸 文藝晚會壓軸獻唱
汪明荃曬星級合照 黎明甄子丹開心相聚
習主席與眾星握手 黎明壓軸唱《獅子山下》