All About Leon

黎明中環開騷落大雨 觀眾勁狼狽
In Response To: 2017-07-01 新聞 *NM* ()

http://hk.on.cc/hk/bkn/cnt/entertainment/20170701/bkn-20170701191129959-0701_00862_001.html

黎明中環開騷落大雨 觀眾勁狼狽

07月01日(六) 19:11

天王黎明再度在中環海濱活動空間開騷,聯同張智霖及陳小春出席「開心幸運里」活動,下午五時左右觀眾已開始排隊入場,但因天氣不太好,不時落雨,令觀眾十分狼狽,情況頗為混亂。是次活動觀眾不可帶樽裝水、雨傘、大型攝錄器材等入場,但因落雨關係,保安檢查時不算太嚴謹,只是望一望,而大會亦有提供雨衣給大家。


黎明聯同張智霖及陳小春出席「開心幸運里」活動,但活動舉行前下起大雨。


觀眾舉傘,狀甚狼狽。


大會有提供雨衣。

-------------------------------------------------------

http://hk.on.cc/hk/bkn/cnt/entertainment/20170701/bkn-20170701204748391-0701_00862_001.html

被迫淋雨 網民鬧黎明騷安排失當

07月01日(六) 20:47

天王黎明再度喺中環海濱開騷,聯同張智霖及陳小春出席「開心幸運里」活動,原來喺「開」嘅官方Facebook專頁之中,就列明有咩注意事項,其中一項就係唔畀帶雨傘,因為驚大家會遮擋視線,預備咗雨褸畀大家!

點知天公不造美,今晚突然落起大雨,一班聽話嘅粉絲真係冇帶雨傘去到現場,有唔少網友都話自己搞到濕晒,網友留言:「下次叫人唔好帶遮唔會有人聽,我哋一路排隊一路淋雨,有啲一家大細嘅仲慘,由頭濕到腳。」亦有網友話現場有工作人員表示可以帶雨傘,但就要將雨傘放落袋,但社交網站就冇公布呢一點,令網民感到安排上有啲混亂囉!


天公不造美,突然落大雨。


去睇騷嘅觀眾好狼狽。


網民就話大會安排有啲混亂囉!

------------------------------------------------

http://std.stheadline.com/instant/articles/detail/442147-%E5%A8%9B%E6%A8%82-%E3%80%90%E5%94%94%E6%BA%96%E5%B8%B6%E9%81%AE%E3%80%91%E9%BB%8E%E6%98%8E%E6%BC%94%E5%94%B1%E6%9C%83%E6%B4%BE%E9%9B%A8%E8%A1%A3%E6%83%B9%E6%B7%B7%E4%BA%82+%E6%99%AE%E9%80%9A%E5%8D%80%E8%A7%80%E7%9C%BE%E6%B7%8B%E9%9B%A8%E7%9D%87%E9%A8%B7

【唔準帶遮】黎明演唱會派雨衣惹混亂 普通區觀眾淋雨睇騷

2017-07-01 20:23

黎明今晚聯同張智霖(Chilam)、陳小春,於中環海濱活動空間舉行「開心幸運里」懷舊嘉年華演出。下午4時有近百觀眾在場外排長龍等入場,大會原定於下午5時放觀眾入場,惟剎那間風雲變色,大雨滂沱,導致在戶外排隊的觀眾被殺個措手不及,入場安排受影響頓成混亂。

工作人員於5時過後才準備放觀眾入場,並向觀眾派發透明雨衣,由於會場保安嚴格,即使落大雨工作人員都要逐一嚴搜每位觀眾的隨身袋,嚴禁觀眾携大型相機、支裝水入場。有帶備雨遮的觀眾雖然開遮避雨,但工作人員示意連遮都不准携帶入場,期間引發一陣混亂,入場觀眾唯有穿上大會派發的雨衣入場。場內可見觀眾席VVIP區及VIP區均設置了帳篷擋雨及設有部份座位,不過普通區卻全露天,遍地被雨淋濕加上全場企位,普通區觀眾想坐在地上睇騷,唯有將大會派的雨衣墊在地上坐。


黎明今晚聯同張智霖(Chilam)、陳小春,於中環海濱活動空間舉行「開心幸運里」懷舊嘉年華演出,雨天引起混亂。


嚴禁觀眾携大型相機、支裝水、遮入場。

-------------------------------------------------

http://hk.apple.nextmedia.com/enews/realtime/20170701/56901828

【嘉年華間中有雨】 黎明演唱會焗住着雨衣睇 排隊情況混亂

建立時間 (HKT): 0701 18:32

http://video.appledaily.com.hk/mcp/encode/2017/07/01/3382759/20170701_RTent_01_w.mp4

黎明、陳小春、張智霖三人今晚就會喺中環海濱現身,喺「開心幸運里」活動入面負責唱歌表演,佢哋會組成「幸運輪唱團」唱歌,黎明就代表「老黎里」、張智霖代表「智霖村」,而陳小春就代表「春風街」。

今日5點左右,觀眾已經開始排隊入場,但係天公不造美,不時都會落雨,令到準備入場嘅觀眾們都好狼狽,加上人多嘅關係,現場情況都幾混亂。今次呢個活動都有幾多嘢唔可以帶入去,好似雨傘、樽裝水、大型攝錄器材等等,但因為落雨嘅關係,所以現場檢查袋都唔係太嚴謹,只係輕輕望一望就放人入去。

落雨唔畀帶雨傘呢個做法,相信都係因為安全嘅問題,但大會都好體貼咁安排咗雨衣畀觀眾嘅。

現場除咗有得睇演唱會,都仲有啲懷舊香港嘅設施同小食,仲有啲垃圾蟲嘅公仔同埋啲以明星命名嘅街名,但可能大家都係專心嚟睇黎明、陳小春、張智霖三位,所以對啲設施同小食都冇乜興趣。

而喺「開心幸運里」嘅facebook專頁入面,都仲有好多網民放飛。


檢查袋嘅關口都好簡單


唔少觀眾坐喺度等開騷

http://hk.apple.nextmedia.com/enews/realtime/20170701/56902311

【小心淋病!】黎明演唱會亂晒龍 網民上fb鬧爆大會安排

建立時間 (HKT): 0701 20:11

黎明、陳小春、張智霖三人今晚就會喺中環海濱現身,喺「開心幸運里」活動入面負責唱歌表演,而5點左右觀眾已經開始排隊入場,但係由於中環落雨,令到準備入場嘅觀眾們都好狼狽,現場情況都幾混亂。今次呢個活動都有幾多嘢唔可以帶入去,好似雨傘、樽裝水、大型攝錄器材等等,而現場除咗有得睇演唱會,都仲有啲懷舊香港嘅設施同小食。

不過網民就對於大會安排就有啲唔滿意喇,即使大會早喺6月19號已經喺官方fb專頁到留言表明雨傘因為安全問題同雨傘會遮到視線而唔帶得,但係就已經準備咗雨䄛比大家,不過到咗今日就有唔少人因為唔帶得雨傘而猶豫到唔到場,而有部份人見到現場有唔少人都拎住把遮而不滿上去大會官方fb投訴,而大會因為現場有太多人帶咗雨傘而放寬限制允許將雨傘收入袋,不過就冇喺fb公佈,而現場嘅小食攤位就有網民聲稱6點15分已經賣晒。

現場大約8點就大放煙花,不過可惜煙花一放就又落大雨搞到觀眾要著住雨褸欣賞,不過喺VVIP區嘅貴賓呢,就唔會有淋雨呢個問題,因為佢哋會喺帳篷入面,其他觀眾就濕晒,大家真係要小心淋病。


有部份人見到現場有唔少人都拎住把遮而不滿上去大會官方fb投訴。(互聯網截圖)


大會因為太多人帶雨傘而放寬限制允許將雨傘收入袋,不過就冇喺fb公佈。(互聯網截圖)


(互聯網截圖)


(互聯網截圖)


而現場嘅小食攤位就有網民聲稱6點15分已經賣晒。(互聯網截圖)


現場大約8點就大放煙花,不過可惜煙花一放就又落大雨搞到觀眾要著住雨褸欣賞。

------------------------------------------------

http://ol.mingpao.com/php/showbiz3.php?nodeid=1498905789393&subcate=latest&issue=20170701

黎明張智霖陳小春今晚中環開騷 落大雨唔准觀眾拎傘? (18:46)

黎明、張智霖、陳小春今晚組成「幸運輪唱團」在中環海濱舉行音樂會。雖然晚上8時才開騷,但大批觀眾早在下午5時已在場外排隊等候入場。主辦單位表明不准帶傘、攝影器材及水入場,觀眾入場時亦需接受保安員檢查。不過,當大會於下午5時半放觀眾入場時,突然下起滂沱大雨。雖然大會有派發雨衣,不少觀眾也不理會,堅持帶傘入場。


黎明、陳小春、張智霖今晚在中環海濱舉行音樂會,主辦單位最初禁止觀眾帶傘入場。(明報製圖)


黎明、陳小春、張智霖今晚在中環海濱開騷。(資料圖片)


觀眾入場前要接受保安員檢查。(鍾偉茵攝)


雖然主辦單位禁止觀眾帶傘入場,但由於現場下著大雨,不少觀眾都不理會。(鍾偉茵攝)


主辦單位有向入場觀眾派發雨衣。(鍾偉茵攝)


音樂會晚上8時才開始,但大批觀眾早在下午6時已在台前等開騷。(鍾偉茵攝)

Messages In This Thread

2017-07-01 新聞 *NM*
【咁無公德心】音樂會後雨衣丢遍地
開場即停雨 黎明爆金句:瞬間兩個世界/ 孖Chilam小春合唱 黎明戥觀眾慘:多謝大家落雨都嚟
黎明中環開騷落大雨 觀眾勁狼狽
組圖﹕黎明20年三度登台慶祝香港回歸 文藝晚會壓軸獻唱
汪明荃曬星級合照 黎明甄子丹開心相聚
習主席與眾星握手 黎明壓軸唱《獅子山下》