All About Leon

【青雲路】Nestle市務經理 搵黎明拍廣告贏口碑銷量
In Response To: 2017-06-23 新聞 *NM* ()

http://nextplus.nextmedia.com/news/recommend/20170623/522546

【青雲路】Nestle市務經理 搵黎明拍廣告贏口碑銷量

Kim(林嘉琪)現時是香港Nestle公司咖啡、糖果及烹調食品的市務經理,她負責旗下產品的市場推廣策略,「我負責嘅產品有Nescafe、能得利、KitKat及美極,現時工作多數係同同事開會,及定下未來銷售及推廣方向。除咗產品推廣外,我哋仲要開發新產品、負責包裝及定價。每次推出新產品,我真係好似湊仔咁睇住佢大。」

Kim在香港中文大學修讀工商管理,99年畢業後,她去了一間健康食品公司做市場推廣,到01年加入Nestle,「當初入嚟係做marketing executive,負責跟糖果條line,當時多數做節日抽獎、購物回贈等推廣活動。自己新入去好多嘢未上手,頭1、2年差唔多日日OT到10、11點先放工。」

在Nestle一待便是十多年,Kim的職位亦由marketing executive升至品牌經理,去到13年,Kim得到機會,晉升為高級品牌經理,負責糖果的市場策劃,「公司升我去管糖果組,叫自己話事,有空間去實行一啲新諗法,能得利係公司旗下認知度好高嘅糖果品牌,但歷史悠久就畀人一種老土嘅印象。糖果主攻小朋友及中學生市場,我想利用網上推廣,將能得利呢個品牌年輕化。」

14年,Kim嘗試利用YouTube作推廣平台,邊摸索邊構思,最後於15年製作出李光洙×魯芬新年能得利網上短片廣告,成為一時熱話,「想幫能得利重建品牌形象,首先係賦予品牌新嘅意義,構思係食能得利能夠得到吉利,學生喺考試或做重要決定前都會食能得利。然後搵當時好受年輕人歡迎嘅韓星李光洙拍廣告,但想有番啲本土味,就搵埋魯芬,及堅持廣告中用廣東話唱歌。前後用咗半年時間籌備,段片喺農曆新年時播出,反應好好,所有辛苦都值得。」該短片在YouTube累積了2百多萬的點擊率,能得利在15年的第一季盈利比上年同期增加50%。

做出成績,讓Kim有更大的信心利用網上平台作推廣,公司亦在15年晉升她為市務經理,也把Nescafe交給她管理,「接手Nescafe時,咁啱成功研發出新配方嘅白咖啡,產品測試得到好多好評,我當然想大大聲咁向市民介紹呢款產品,我哋需要搵一個適合嘅人選去拍一段網上廣告。當時黎明有玩facebook直播,好多點擊,而媒體有關佢嘅報導及佢出嘅post,like嘅人數比例有成99%,dislike人數較少。我嘗試聯絡黎明,最初佢試咗產品先,覺得ok再約時間去傾。當時我一個人走上去同黎明傾成個廣告構思,講點解想同佢合作,最後成功傾成真係好興奮。另外,我決定搵《100毛》拍廣告,林日曦提出拍到MV咁,黎明仲要唱《情深說話未曾講》,結果證明呢次合作好成功。」

「情深咖啡未曾飲」在網上平台播出至今累積了約620萬人次觀看,創下本地製作網上廣告的最佳紀錄,白咖啡更一度賣到斷市。成績理想,Kim卻表示有一定的壓力,「雖然得到市民好評係重要,但生意有增長先係重點,今年要為正宗越南咖啡做推廣時,會有一定壓力,最後都係決定用原班人馬推出續集,仲搵埋林夕演出,自嘲段片再用改歌詞嘅橋。段片出街時,自己每隔15分鐘就記錄瀏覽人數,及留意comment,隨時作出應變。越南咖啡比起上年白咖啡嘅銷量仲多咗50%,市場反應證明市民係收貨。」


Kim(中)平日的工作多是與同事開會,討論產品的推廣方向,「𠵱家要開始諗定下年會推出乜嘢新產品,做好市場資料搜集,marketing工作唔係只靠想法,都要有數據支持。」


兩次廣告中,Kim表示與林日曦及黎明的合作十分愉快,更成為了他們的粉絲。(圖片由被訪者提供)


最近播出的Nescafe正宗越南咖啡廣告,改編黎明的名曲《對不起我愛你》,加入了愛情元素,與越南咖啡的先甜後甘相扣,廣告播出時成功引起了話題。

Messages In This Thread

2017-06-23 新聞 *NM*
【青雲路】Nestle市務經理 搵黎明拍廣告贏口碑銷量
【JC的10個關鍵詞】成為黎明「J女郎」︰聽到呢個名真係想嘔
JC鐘意兩個歌手都係失敗者,她鐘意肥蘭,肯定唔鐘意老闆leon
Re: JC鐘意兩個歌手都係失敗者,她鐘意肥蘭,肯定唔鐘意老闆leon