All About Leon

香港美事——「開心幸運里」
In Response To: 2017-06-09 新聞 *NM* ()

http://hd.stheadline.com/news/columns/528/20170609/573848/

香港美事——「開心幸運里」

每個城市都有自己嘅文化特色。香港,就係一個融合古今、薈萃中西嘅國際大都會,我哋嘅傳統文化更別具特色,縱使時間流逝,仍然歷久常新。不只是古老,而且十分時興。

  由香港中華廠商聯合會、新家園協會及香港文化產業聯合總會聯手舉辦嘅「開心幸運里」嘉年華,將於七月一日起一連兩日喺中環海濱舉行,通過音樂會、懷舊街、美食攤檔、攤位遊戲,以及展覽等多元化活動,展示香港傳統文化。今次活動仲特別預留門票,派發給弱勢社群,邀請來自不同群體嘅朋友一齊參加,希望藉此凝聚社會、團結共融,營造一個滿載香港人集體回憶嘅嘉年華。

  我哋將會場佈置成六十至八十年代嘅香港舊街,將好多已經消失嘅舊街景、建築物、工廠大廈、交通工具等,一一呈現於大家眼前。現場仲會有各種各樣嘅攤檔,售賣傳統經典街頭小食同埋創新潮吃,仲有久違嘅叮叮糖、糖葱餅、缽仔糕、白糖糕等,各式各樣懷舊地道小食都可以喺呢度搵到,大家不妨通過味蕾去感受香港美食文化精髓。

  另外,除咗有得玩有得食,仲有視聽感受。七月一日晚上,黎明、張智霖、陳小春三位巨星將會嚟到中環海濱,大唱經典廣東歌,七月二日就有多位實力派歌手同大家一齊細味流行經典。其實,香港本地創作嘅Cantopop造就了獨有嘅音樂風格,至今在亞洲以至在全世界嘅華人社會仍大受歡迎,成為了歷久不衰嘅廣東歌文化經典。

  成個嘉年華真係可以由朝玩到晚。今次「開心幸運里」位處中環海濱,大家知道,在香港慶回歸嘅晚上,大家仲可以喺呢個最佳位置,欣賞到維港上空璀璨嘅慶回歸煙花匯演。

  在璀璨煙火夜空下,傳統舊街,配上維港兩岸摩天大廈嘅繁榮,香港經典傳統文化加上現代都市魅力,造就了香港嘅繁榮穩定。我一向都話,香港今天成就,經歷過不同年代香港人嘅努力,實在得來不易,值得好好珍惜。

林建岳博士

Messages In This Thread

2017-06-09 新聞 *NM*
不要洋妞做老婆!黎明走出離婚之痛玩fb
維多C 【病菌迫埋身?】 #全新3重功效配方 #
時隔23年回歸熒屏 黎明《莫語者》演神秘危險人物
黎明揸車闖沙漠 狂呼《再見Puppy Love》
香港美事——「開心幸運里」