All About Leon

黎明五聲多謝兩番虛偽
In Response To: 2009-09-07 新聞 *NM* ()

http://orientaldaily.on.cc/cnt/entertainment/20090907/00282_001.html

「金句王」黎明去年被本報獨家踢爆已娶樂基兒,婚書曝光證據確鑿,前晚他又以五聲多謝的「虛偽論」金句擋駕,新招!


黎明照例爆金句,始終不肯親口證實已是有婦之夫。 / 黎明說出嚟見個面Say Hi。

本報早於去年獨家率先踢爆黎明(Leon)已跟樂基兒(Gaile)結婚,惟兩人一直矢口否認,至最近終於紙包不住火,兩人已婚一事證據確鑿,黎明嫂Gaile亦親口承認婚訊。可是,已做了老襯的Leon至今依然不肯正面回應已婚。

前晚Leon出席Piaget Polo FortyFive & Limelight Twice Party,是他自婚訊通天後首次在公開場合亮相。面對現場不少記者向他說「恭喜晒」的Leon,先後以五次多謝來避開結婚話題,還自嘲講多過三次就係虛偽,結果他講了共五次,被現場記者取笑有兩個虛偽。


新聞人物黎明出席名錶活動,被包圍追訪

記:記者 黎:黎明

黎:(面帶笑容)今日應大會要求講咗大會嘅嘢先。

記:會唔會揀隻錶畀Gaile?

黎:錶同人物係兩回事,今日講番錶。

記:會唔會送隻畀老婆?

黎:我都話淨係講番隻錶,多謝晒咁多位。

記:會唔會補擺喜酒?

黎:私人嘢我不嬲唔講。

記:咁講人哋嘅嘢喇?

黎:人哋嘅嘢更加唔會講。

聞大話天王推咪

記:你對大話天王點睇?

黎:你問番你自己啦。(本來一直面露笑容的Leon聽罷此問題後即時收起笑容,並用手掩着錄音咪且把咪推向記者,之後又再帶笑說。)熟我嘅記者都知私人嘢我不嬲唔講。(邊說邊用手指向現場兩位跟他相熟的記者。)

記:但係Gaile都講咗,你係咪都應該交代吓?

黎:黎明不嬲都唔講自己嘅事。

記:點解唔肯講?

黎:唔係唔肯講、唔交代,係要接受我嘅性格,地球有咁多唔同嘅人,每個人都有唔同嘅生存方法,呢個就係我。多謝大家。

記:係咪你叫Gaile唔好答?

黎:多謝大家,我已經講咗三次多謝,再講就好虛偽。(依然保持笑容,說罷便轉身步入派對會場為派對揭開序幕。)

不嬲唔講私人事

到了近十一時,Leon再次從派對會場步出並接受電子傳媒的訪問,並同樣保持笑容。

黎:我相信每個傳媒都好專業,有唔同嘅新聞報道,作為一個藝人我都好專業,相信出席呢個錶展大家都會報道。今日我出嚟係同傳媒見面Say個Hi。

記:網上面公開咗你嘅私人事,你有咩意見?

黎:我唔講私人嘢,好開心,多謝晒。

記:Gaile之前話覺得好shock。

黎:多謝晒。(笑着向記者揮手並在工作人員護送下登車離開。)

***********************************************
基兒唔答八舉手 - http://orientaldaily.on.cc/cnt/entertainment/20090907/00282_002.html

樂基兒被爆和黎明已婚的消息後於8月31日首度露面,吸引半百傳媒追訪,但對於記者的提問,她立即來個夫唱婦隨,學黎明耍太極,不是條條有問必答,並表示不想答的問題就舉手,結果她就舉了八次手。至於她不想答的問題,就是以下八條:

1.Leon點樣求婚?
2.事前有冇同Leon傾過乜嘢可以講,乜嘢唔可以講?
3.係咪即興結婚?
4.有計劃?
5.點解冇戴戒指?
6.婚後有乜唔同?
7.Leon送咗乜嘢畀你?
8.Leon有冇畀家用?


Honey,我好鍾意舉手!(設計對白/資料圖片)

***********************************************
黎樂婚後通勝 - http://orientaldaily.on.cc/cnt/entertainment/20090907/00282_003.html

本報去年獨家披露黎明和樂基兒正式註冊結婚,事件隨着近日二人的結婚證書曝光,他們連日來的行蹤也成為傳媒焦點。

九月5 宜:道謝 忌:虛偽

黎明出席Piaget派對,雖然整晚五次說多謝,但仍不親口承認已婚,面對記者眾多的追問,他都表示不會回答私人問題。

九月3 宜:出行 忌:諸事不宜

樂基兒為時裝品牌擔任模特兒,不過她已事先表明不會接受任何媒體訪問。

九月2 宜:求嗣 忌:嫁娶

黎明繼續拍攝電影,對記者提問仍然採取封嘴態度。

樂基兒承認婚事後,獨自在中環置地廣場行街,見到記者時即急步速逃,當問到她會否生BB時,她表示很多問題已回答,不欲對婚事多作回應。

八月31 宜:封嘴 忌:回應

自30日被踢爆已婚後,黎明翌日即在中環為新片開工,左手無名指戴上一隻「疑似婚戒」,對於記者一系列關於已婚的提問,一概不回應。

樂基兒首度露面,面對記者承認已婚,但表示自己也很驚訝,很多事未消化和明白,所以很多問題也不會回答。

***********************************************
O嘴金句 問你服未? - http://orientaldaily.on.cc/cnt/entertainment/20090907/00282_004.html

金句王黎明,每次被問及戀情或相關新聞時,必自創金句回應,不過黎天王的金句並不是每一句都「雅俗共賞」,所以大部分均是令人O嘴收場。

06年1月

情況:記者問黎明是否堅持40歲之前不結婚。

黎明金句:「當一支花變成一支花嘅時候,係咪就變成一支梗?咁就冇人知喇!」

O嘴指數:★★★★★★

O嘴原因:答案與問題完全「九唔搭八」,令人摸不着頭腦。

08年8月

情況:記者問到衞蘭及衞詩遭封殺傳聞。

黎明金句:「坎坷過後有艇搭」

O嘴指數:★★★★

O嘴原因:連「蘇州過後冇艇搭」呢句俗語都可以攞嚟「改頭換面」,黎明果然情急智生!

09年1月

情況:有傳黎明新居被偷拍,記者問黎明會否覺得不安全。

黎明金句:「小時行街會踩釘,食飯盒又會有曱甴,食菜又有毛蟲,我擔心自身安全多啲。」

O嘴指數:★★★★★1/2

O嘴原因:一個家居安全問題,竟然可以令黎明聯想到咁多自身安全問題,個腦果然轉得夠快。

09年2月

情況:黎明與舊愛舒淇同場,記者問黎明會否大方與舒淇打招呼。

黎明金句:「如果見面唔打招呼係我嘅問題,我係正常人,唔會發生喺我身上。(再見亦是朋友?)呢個迷津答你唔到。」

O嘴指數:★★★★1/2

O嘴原因:一個咁簡單嘅問題,黎明都有能耐答到咁玄,點可以唔O嘴?

Messages In This Thread

2009-09-07 新聞 *NM*
視頻:天王之間惺惺相惜 張學友聲援黎明劉德華
視頻:黎明代言拒談婚訊 面對詢問 故意講廣東話
李珊珊贊成黎明講﹕藝人唔一定要公開私人事
乐基儿家有恶夫 任劳任怨甘愿照顾黎明(图) :laugh: :laugh: :laugh:
呢篇係咪就係西地? *NM*
慢週大作~~~~這個惡夫好多人搶著要 :laugh: :laugh:
Re: 乐基儿家有恶夫 任劳任怨甘愿照顾黎明(图) :laugh: :laugh: :laugh:
我諗係好大幅果d,又真係冇可能放晒喺屋企嘅蝸 *NM*
Gaile曾講過d畫多到要搵地方放不過是住跑馬地時, 而家應該冇問題喇
或者Leon租個倉俾佢儲存作品都唔定, 現在租mini-storage
Re: Gaile曾講過d畫多到要搵地方放不過是住跑馬地時, 而家應該冇問題喇
陳道然戥黎明結婚高興
陳淑蘭未因黎明結婚心碎
鄭融重演黎明推咪畀記者
來自外星的天王
继“恶夫LEON” 再来ET LEON :laugh: *NM*
是查八手筆! Leon答「是我」㊣㊣㊣㊣, 令查八無從入手, 只有在地盤發顛! :laugh: :p
「辣子」可能不是查八
Re: 「辣子」可能不是查八
應該是幾個人輪流寫的, 文筆和態度有時候很不一致。
查小姐有帮佢哋写稿嘅咩?
Re: 查小姐有帮佢哋写稿嘅咩?
真係唔明白, 查小姐幾多歲呀佢. 思想仲咁低能, 公器私用
這篇太好笑了
哈哈,我們家LEON就是與眾不同 *NM*
獨家組圖:《建國大業》劇照——黎明
視頻﹕黎明出席PIAGET名錶活動,三緘其口拒談婚事
代言名錶被問婚事 黎明「謝謝」搪塞
九名人發起 曾蔭權參與 全民挺「無毒一生」行動
Leon又忙新活動! 嗯! 同意Pochacco 9.9.9.行動這橋是借Janice的禁毒歌的gimmick~~~~對號入座一陣先
黎明人氣不減代言名錶 對踢爆婚訊一概否認(圖)
一文兩個錯處: 1. Leon並非代言人 2. 多謝 = 一概否認? .....用主觀想法去報道新聞, 無乎!
Re 佢幾時有否認呀,佢唔講之嘛,又亂屈。 *NM*
鬆一口氣
Re: 鬆一口氣
黎明婚事封口 堅持嘴硬性格
点解?
原來今日查八節目最後那句內容,是來自台灣爤生果
Re: 原來今日查八節目最後那句內容,是來自台灣爤生果
Re: 查八的節目,leon fan無需要再聽
滿足不到記者, 就等於擺架子,唔大方鬼鼠..
金句天王推話題 黎明拒談婚事
黎明鼓勵葉璇剪短髮來威尼斯
林超賢制造新黎明
王寶強:黎明對我特別好 (節錄)
黎明五句多謝避談婚事
Re:黎明聞“大話天王”即黑臉 (圖)
最不實的報導
是吗,我觉得星岛也没什么啊。
黎明避談已娶 樂基兒認結婚
三句多謝 堅持唔講婚事 黎明推咪拒認大話天王
大話天王根本就唔係指Leon,呢位記者唔好刻意拖Leon落水先得架﹗
Re: 大話天王根本就唔係指Leon,呢位記者唔好刻意拖Leon落水先得架﹗
某些娛記想把目標轉移好耐架喇 :mad:
黎明多謝嫌多 大拋虛偽論
黎明五聲多謝兩番虛偽
黎明講金句甩身 談婚事兜大圈
「黎明不嬲都唔講自己嘢!」與樂基兒結婚 Leon堅拒回應
成報報道較好
Agree! Leon的消息要耳聽眼看為真, 故事由訪問到編輯部到出紙, 或許已經是另一個故事!
寫得最好
絕口不談婚事 黎明以「金句」推搪
回應婚訊黎明只識講多謝
做天王嫂三大鐵律 純、慳、忍
黎明3句多謝避談婚事
黎明未戴戒指拒談結婚