All About Leon

黎天王又同毛記拍廣告 自嘲走音唱《對不起我愛你》改版 /91年唱《對不起我愛你》失手 黎明自認唔夠經驗
In Response To: 2017-05-12 新聞 *NM* ()

http://hk.apple.nextmedia.com/enews/realtime/20170512/56686351

【劉江 林夕都有份】黎天王又同毛記拍廣告 自嘲走音唱《對不起我愛你》改版

建立時間 (HKT): 0512 21:15

http://video.appledaily.com.hk/mcp/encode/2017/05/12/3344595/20170512_ent_03_w.mp4

喺舊年,天王黎明(Leon),唔做天王轉做打工仔,同毛記合作,加埋「腦細」林日曦幫雀巢咖啡拍廣告,講黎天王演嘅「阿明」入「腦細」房要求加人工,仲要唱埋《情深咖啡未曾飲》,最後成功感動到「腦細」加佢100蚊呢個咁感人故事,呢個廣告嘅成績好到爆,點擊至今已累積到460幾萬同8萬幾個分享。

去到今年,「阿明」同「老細」又出場喇,廣告開頭就係,「阿明」入「腦細」房送手信,仲要「腦細」坐喺單車上面同埋攬住「阿明」條腰,呢個有少少「斷背」嘅劇情,只係廣告嘅開頭,之後就到「高級Intern」劉江出場喇。

劉江今次玩自殘想用原子筆拮自己,之後嘅劇情就梗係「阿明」唱歌啦,今次佢就唱出改編自《對不起我愛你》嘅《對不起我愛越南啡》,精采嘅點係黎天王完全唔介意自嘲,連喺1991年出席華東水災唱《對不起我愛你》走音都攞埋出嚟玩。

唔好以為有劉江同黎明就已經好勁,因為最後仲有特別大嘉賓現身,就係林夕以總經理身份出現,一出到嚟仲話佢哋啲改詞歌好夾硬,笑佢哋唔識填詞,仲有鬧人叫「阿明」同「老腦」去做嘢。


「阿明」又出場喇!


好hehe啊


劉江又現身喇,下次會唔會有劉江華


夕爺講填詞喎

------------------------------------------------------

http://hk.apple.nextmedia.com/enews/realtime/20170512/56686174

91年唱《對不起我愛你》失手 黎明自認唔夠經驗

建立時間 (HKT): 0512 21:15

黎明(Leon)90年代初出道即爆紅成為天王,但佢喺91年在華東水災籌款活動唱《對不起我愛你》走音,就一度被封為「走音天王」,不過Leon一直都好睇得開,覺得呢個係經歷,佢91年上節目接受黃偉文、雷頌德訪問都唔介意重提呢件事,而雷頌德當時都直接喺佢面前講,未聽過佢嘅歌,就聽過佢呢個「朵」。

Leon當年公開還原呢件事,仲話成件事係自己唔夠經驗所致。佢話:「《對不起我愛你》呢首歌比咗好多機會我,亦令我喺音樂路上仆咗落地下。」Leon憶述當晚佢因為有工作在身,演出完已經離開咗,之後助手打俾佢話有50萬善款,問佢返唔返去唱,佢聽到就即刻回頭。

Leon仲話好記得嗰晚係小鳳姐唱壓軸,佢嗰part如果用長咗時間,小鳳姐就唔夠時間,所以返嚟即刻上台,因為現場冇準備音樂,本來打算清唱,不過當晚音樂總監徐日勤話俾key我,而首歌唔係佢作嘅,自己諗住是但啦,音樂一起就唱,音樂起高咗一個key,自己唔識執生,高咗點算呢,唔識上假音,上唔到就走音,亂晒籠喇!

唱完落台,Leon話嗰時都唔知自己係咪喺現實,佢話:「我返到化妝間,當時好多歌手,我入到去個個嘅樣都好辛苦,係忍笑忍得好辛苦,我見大家咁辛苦,咁我不如離開啦,一走即聽到大家哈哈大笑,我覺得係人之常情,大家都係後生仔,咁係好笑吖嘛,調轉係我都笑啦!」Leon仲話,嗰件事發生後,無論去世界各地演出,定係去音樂節目唱冠軍歌,都俾記者問我怕唔怕走音,都真係幾大壓力。


一個唔小心,就走音喇


但黎天王都有唱落去

----------------------------------------

http://hk.apple.nextmedia.com/enews/realtime/20170512/56686200

【講呢啲!】劉江失戀用原子筆自殘 被「腦細」同Leon叫停

建立時間 (HKT): 0512 21:15

今年73歲嘅劉江,由一張劇集截圖,再加一句網民惡搞嘅「X!講呢啲」成為網絡紅人,去年佢同黎明(Leon)及「腦細」林日曦合作拍廣告,新鮮配搭令觀眾有好大驚喜。

Leon今年再同咖啡品牌合作,劉江都有份演出,仲又唱又跳添,而佢今次喺廣告內依然係Leon同事,仲因為失戀搞到要自殘,想用原子筆拮自己,最後被「腦細」叫停,皆因原子筆係公司資源,一向好戲嘅劉江叔喺短短幾分鐘內,演活傷心、激動到平伏,最重要係好搞笑,勁呀!


劉江喺廣告入面失戀,用原子筆自殘

Messages In This Thread

2017-05-12 新聞 *NM*
全能黎明又添新身份 首次執導槍戰大片平常心對待
上游對話| 黎明轉型當導演:我不怕失敗
黎明新廣告自嘲走音唱改編歌《對不起我愛你》
黎天王又同毛記拍廣告 自嘲走音唱《對不起我愛你》改版 /91年唱《對不起我愛你》失手 黎明自認唔夠經驗
導演黎明記者微信群訪第一彈!
《搶紅》曝導演特輯 黎明變劇組全能選手
視頻﹕《搶紅》曝導演特輯 黎明變劇組全能選手