All About Leon

【大後日殺到】盤點今年《MAMA》有乜嘉賓睇 黎明做壓軸頒獎嘉賓
In Response To: 2016-11-29 新聞 *NM* ()

http://hk.apple.nextmedia.com/enews/realtime/20161129/55980040

【大後日殺到】盤點今年《MAMA》有乜嘉賓睇

建立時間 (HKT): 1129 20:00

韓國年度盛事《MAMA音樂頒獎禮》將於大後日舉行,今年第五年喺香港舉行,到時頒獎禮會喺香港亞博館舉辦,撲唔到飛入場睇嘅觀眾,今年就可以喺ViuTV睇直播,到底今年《MAMA》有幾多韓星嚟,到時又有乜嘢睇呢,0依家就等我哋今紹一下。

今年《MAMA》繼續會頒發多個獎項,當中有19個獎項粉絲就可以上官網投票,亦邀得香港四大天王黎明做壓軸頒獎嘉賓。除咗有黎明做頒獎嘉賓外,暫時公佈咗嘅頒獎嘉賓嘅陣容都好強勁,當中包括出爐青龍影帝李秉憲、《最佳愛情》男星車勝元、《奇皇后》河智苑、韓版《命中注定我愛你》張赫、《W》韓孝珠、《海德哲基爾與我》韓智敏、《Remember-兒子的戰爭》朴敏英、《怪物》朴基雄、《來自星星的你》安宰賢、《雲畫的月光》朴寶劍和金裕貞、《太王四神記》李智雅、《誘惑》朴河宣、《她很漂亮》朴敍俊、《奶酪陷阱》徐康俊、《五個孩子》申惠善、模特兒姜勝賢等。

至於出席今次頒獎禮,亦好大機會領獎嘅就有EXO、防彈少年團(BTS)、TWICE、Seventeen、NCT DREAM、GFriend、I.O.I等等,另外大會亦公開咗當晚會擔任表演嘉賓嘅組別,當中有唔少表演嘉賓會crossover合作,好似秀智會同EXO嘅伯賢合體演繹《Dream》、Eric Nam同美國歌手Timbaland合作、Zico、Crush、Dean會有特別舞台,《六龍飛天》男星劉亞仁同韓國Rapper歌手BewhY有合作舞台、仲有少女時代嘅泰妍、GOT7、SHINee嘅泰民、MONSTA X、李笛等都會表演。

另外,《MAMA》嘅紅地毯司儀就有日前宣佈下年結婚嘅H.O.T前成員文熙俊、Z.HERA及申雅英,而當晚頒獎禮嘅司儀就仍未公佈。

粉絲想追星嘅話,除咗可以喺亞博館等候外,亦都可以去機場附近嘅酒店追星,估計出席《MAMA》嘅藝人都會喺後日及大後日抵港,為《MAMA》做準備,粉絲亦可以喺機場碰碰機會,睇吓有冇機會遇到自己嘅偶像。當中《MAMA》紅地毯就會於下午4時開始舉行,不過紅地毯環節都要買飛進場,唔知係出面嘅粉絲有冇機會見到偶像呢?


黎明

Messages In This Thread

2016-11-29 新聞 *NM*
【大後日殺到】盤點今年《MAMA》有乜嘉賓睇 黎明做壓軸頒獎嘉賓
《玄學星相》:解構娛圈鑽石王老五感情運
黎明騷玩新嘢 雷頌德:準備得七七八八
【全智賢都係「明女神」】黎明做《MAMA》壓軸嘉賓 明福俠同韓國好有緣