All About Leon

【爆笑】明福俠露械:乜原來我咁大㗎!

http://hk.on.cc/hk/bkn/cnt/entertainment/20161119/bkn-20161119161657908-1119_00862_001.html

【爆笑】明福俠露械:乜原來我咁大㗎!

11月19日(六) 16:16

【on.cc東網專訊】 天王黎明將於明年2月24日重臨中環海濱活動空間舉行《Leon's Penguins In Live 2017》演唱會,近日時不時在facebook同歌迷say hi的黎明又有新片面世,在之前由黎明化身的「明福俠」同歌迷告別篇中,「明福俠」用力將頭盔除出,仲以為會見到黎明個靚仔樣,點知一除「罩」只見一個頭頂得一條毛的lego頭,令歌迷笑爆嘴。

毛都冇埋

今次名為「明福俠BIG BIG WOK」之「一條毛都冇埋…哈!」動畫短片中,「lego頭明福俠」再次出動:「唔做明福俠其實都幾爽呀,尤其蝙蝠頭盔太重啦,搞到我淨番一條頭髮!」此時一陣風吹過連「條毛」都吹走埋,他無奈說:「依家都冇埋啦。」他舉頭望明月就話:「咦,今晚個月亮,好似有啲邪惡喎。」之後「奸角」出現說:「我最討厭嘅獵物終於出嚟,明福俠!」「lego頭明福俠」就問:「What the 黑?」

「奸角」表示「剝褲行動正式開始」,之後「lego頭明福俠」被繩吊起,不停說「放開我」的他再用貼地港式英語說:「hey,what do you want from me?Why you綁住我做乜?你又冇着數,我又冇得着,不如你去foot massage我請你呀。」

被貼「半裸照」

原來「奸角」是一個lego人,佢話:「最憎就見到你件T-Shirt」(有禁止用粗口手勢的圖案),「lego頭明福俠」就話:「噢,我一見到你個樣咁型,就知你英文粉絲圑啦,又識講T-Shirt兩個字,ok Good luck to you,不如你鬆咗條繩先。」「奸角」就話:「同我宣揚禁止粗口手勢?我就要除你條褲,tag你Facebook,要世人見到你條豬大腸。」「奸角」跳起用力除去「lego頭明福俠」條褲,果然清清楚楚見到一條肉色「lego豬大腸」,又驚又怕醜的「lego頭明福俠」驚訝說:「乜原來我咁大㗎。」之後,「lego頭明福俠」被一腳踢埋牆,因衝力過大,牆上留下一個「lego印」,最搞笑是「豬大腸」的印是「一個微笑符號」,「奸角」就不滿說:「Yo Smile」就狂影「lego頭明福俠」的「半裸照」揚言要:「tag落你Facebook。」

最後,慘在腿上被烙印的「lego頭明福俠」被一拳踢上月亮再彈回地面的垃圾堆,見有警車駛過,本來「lego頭明福俠」想「報警」,但諗起被影「半裸照」後即時「縮沙」,無奈說:「真係Bad Luck啦。」片尾是「lego頭明福俠」在「無着褲」憤然走人。


明福俠變咗做Lego版。


明福俠畀人吊高咗


奸人出嚟喇,話要世人見到明福俠嘅「豬大腸」。


被奸角剝褲的明福俠,笑言「乜原來我咁大㗎。」


呢幕就幾好笑。


跟住奸角鬧番明福俠話佢扮大嘢。


奸角話要將明福俠半裸照放上fb,睇嚟仲有下集。

---------------------------------------------------

http://hk.apple.nextmedia.com/enews/realtime/20161119/55939257

【陰功豬…】明福俠甩頭髮又甩褲 「豬大腸」都俾人睇埋

建立時間 (HKT): 1119 16:05

明福俠又有新搞作喇!仲首次曝光佢條「豬大腸」o添!

今日黎明喺facebook post咗一條以積木人偶為藍本嘅動畫,片長3分幾鐘,睇嚟真係好俾心機,想明福俠可以「自立門戶」咁喎!

成個動畫都貫徹明福俠搞笑嘅風格,例如:個蝙蝠頭盔太重搞到佢冇晒頭髮,連最後一條頭髮都風吹走埋;之後俾壞人綁住吊起,褲都俾人除埋,仲要露出「豬大腸」(私處);又俾對方喺屁股上整咗個烙印;最後仲要俾蕉皮跣親呀陰公!

動畫入明福俠表情多多,遭遇又咁抵死,難怪網民都buy大讚好笑,仲有網民戥明福俠慘慘豬:「明福俠好可憐啊,嗚嗚!不過片段也很好笑」、「好可憐呀,期待下集,明福俠要反擊呀」、「明福俠好大犧牲,俾我哋睇到佢條大肉腸」。

喺短短幾個條片有成七千幾個Like,近五百個留言,真係唔講得笑。唔知Leon呢條片除咗係博大家一笑次外,係咪會有明福俠單飛嘅嘢隱藏喺條片入面呢?


Leon今日喺facebook post咗條明福俠嘅動畫。


明福俠戴頭盔戴到頭髮都甩埋。


俾壞人捉住


褲都俾人除埋,露出「豬大腸」。


仲要俾人喺屁股烙印


其實以前明福俠都型仔吖


網民留言