All About Leon

明福俠拍廣告現真身︰盔甲Send咗去瓦努阿圖乾洗
In Response To: 2016-11-05 新聞 *NM* ()

http://hk.on.cc/hk/bkn/cnt/entertainment/20161105/bkn-20161105192558027-1105_00862_001.html

【睇到尾先知】明福俠新片呃晒網民

11月05日(六) 19:25

【on.cc東網專訊】 「明福俠」黎明(Leon)返嚟啦!佢又再一次出動,誓要拯救人類!今日(11月5日)下午三點,Leon喺自己嘅社交網站上upload咗段廣告片,廣告入面佢再次以「明福俠」嘅身份現身,佢着住套黑色西裝,梳咗個靚頭,每個樣都CHOK到爆,迷死一眾網民!片段上載短短兩個鐘已經有成超過十萬點擊率,Leon嘅號召力認真犀利!

今次廣告特別用咗「倒轉」嘅手法拍攝,即係講對白同做動作嘅時候都要調轉做,齋聽都知難度高,不過一啲都冇考起Leon嘅演技。廣告一開始「明福俠」就現身交代自己套盔甲送咗去西雅圖乾洗,不過佢諗諗吓就決定加多5蚊,送去瓦努阿圖乾洗,話安全啲喎!於是佢以黑色西裝上陣,不過佢都仲係嫌自己太高調,拎走埋cute到暈嘅「明福俠」耳仔。

之後「明福俠」就出手打擊病毒,你睇佢左一拳右一拳,再一個轉身,拳拳有力咁擊退病毒。網民留言話以為自己睇緊當年「原振俠」,話Leon仍然咁抽得,寶刀未老咁話。更有大批網民留言話自己都病咗,希望「明福俠」可以出動救埋佢哋!去到呢度本來都未有人發覺成條片係倒轉拍,不過就畀一隻狗仔出賣咗,因為隻狗突然向後行,所以大家先意識到,啱啱「明福俠」嘅打鬥場面,係慢動作倒後快播嚟嘅!網民都大讚Leon演技了得,話畀佢呃咗。

廣告似足英雄大電影咁有片尾彩蛋,輯錄咗部分Leon嘅拍攝花絮,睇佢點樣一邊倒後行一邊揮拳,其中一幕Leon仲因為現場太多粉末而敗走,勁搞笑。片段仲預告遲啲會有完整版嘅拍攝花絮,網民都大叫期待!

網民有話兒

DonXXXXXXng:呢種廣告拍攝手法真係好有創意,概念好好啊!!!最鍾意黎明你不甘侷限於依家common嘅框框,夠creative,正正正!!!!!

SuXXXXXu: 明福俠真身好靚仔呀😍😍😍#有啲似黎明喎😂😂😂

MXXXXXSin:好正呀明福俠!❤❤ Hey Guys, this is a CF

KaXXXXXXng: 嘩終於等到明福俠/Leon的出現啦!You are super handsome!!!!!!

個造型好可愛!真係好意外,好驚喜!Leon 我都病,快啲嚟協助我

MaXXXXXng:好型呀!!!明福俠, 你係一個可以同我偶像Leon平排同一級都咁型嘅。。。世上得你咋!


明福俠出親嚟都有驚喜畀大家。


不過今次明福俠冇戴頭套嘅。


但就戴咗對魔鬼耳仔。


片中,明福俠大顯身手,網民都話回憶起原振俠。


其實段片係想講黎明擊退病魔。


中途出現咗隻狗


但隻狗調轉行。


大家先知原來段片係調轉拍。


黎明話遲啲再會公開多啲幕後花絮,大家記得留意喇。

------------------------------------------

http://ol.mingpao.com/php/showbiz3.php?nodeid=1478340380250&subcate=latest&issue=20161105

明福俠拍廣告現真身︰盔甲Send咗去瓦努阿圖乾洗 (18:20)

黎明化身的明福俠吸引不少粉絲支持,近日他更接下人生首個廣告﹗廣告中的明福俠因為決定加多5元,將盔甲寄到比西雅圖更安全的瓦努阿圖乾洗,所以打救一眾被病魔侵襲的同事時就現真身。頭頂生角的明福俠跟黎明一樣是金句王,自言「太高調喇」便將觸角藏起來,然後手執其代言的維他命產品一拳揮打同事們的臉,將他們身上的病魔趕走。


明福俠近日接下他人生中的第一個廣告。(視頻截圖)


明福俠首次以真面目示人。(視頻截圖)


明福俠為保盔甲安全,決定將盔甲寄到瓦努阿圖。(視頻截圖)


見同事們被病魔侵襲,明福俠決定出手救他們,但為免太高調決定收起頭上的小角。(視頻截圖)


明福俠手執維他命產品向同事揮拳,令他們恢復健康。(視頻截圖)


眾人問明福俠為何沒穿盔甲,明福俠搞笑答︰「Send咗去乾洗。」(視頻截圖)


明福俠首次在熒幕上公開全身照。(視頻截圖)


廣告中不乏跟黎明一樣靚仔的明福俠近鏡。(視頻截圖)


未知粉絲喜歡有盔甲還是沒盔甲的明福俠多一點?(資料圖片)

---------------------------------------------------------------

http://www.hk01.com/%E5%A8%9B%E6%A8%82/52613/%E6%98%8E%E7%A6%8F%E4%BF%A0%E5%94%94%E7%9D%80%E7%9B%94%E7%94%B2%E6%8B%8D%E6%96%B0%E5%BB%A3%E5%91%8A-%E6%89%AE%E6%89%93%E5%B7%A5%E4%BB%94%E6%95%91%E6%98%9F%E5%86%8D%E7%88%86%E9%87%91%E5%8F%A5-%E5%A4%AA%E9%AB%98%E8%AA%BF%E5%96%87-

明福俠唔着盔甲拍新廣告 扮打工仔救星再爆金句:太高調喇!


黎明早前跟林日曦的咖啡廣告,相當受歡迎。(網上截圖)

還記得惡搞經典歌《情深咖啡未曾飲》嗎?當中天王黎明(Leon)同林日曦飾演上司下屬為咖啡品牌拍攝廣告,更爆出許多金句,吸引超過二百萬人次收看,引來極大迴響。事隔多月後,Leon又被其他廠商相中,獲邀請拍攝健康食品廣告。Leon在今午亦第一時間在其Facebook專頁進行首播放,短短時間內已吸引超過萬人次收看,看來Leon的魅力真是沒法擋啊!


Leon化身明福俠,出手相助受病菌侵入同事。(網上截圖)

眾所周知,Leon的明福俠身分得到不少人熱捧,估計廠商亦看中這一點而邀請Leon擔當代言人,傳遞健康信息。從廣告中所見,Leon其實是有兩個身份,除了是打工仔一名之外,另一身分就是明福俠,一開始在辦公室裏,不少同事因日夜工作而導致身體不適,受病菌侵入,個個好像喪屍,而這個時候,Leon就出手相助,化身明福俠跳出來,頭上長有兩隻角,但因為實在太高調關係,又為免身分爆光,而徒手將頭角去掉,幫助同事,十分好笑。


Leon又爆出不少「金句」。(網上截圖)

好心的Leon見到同事受病菌侵入,臉上呈現綠色病毒,他就立即二話不說拿出維多C一拳向同事臉部,擊退病菌,助他們重現氣色,回復正常臉色。請得Leon拍攝,又點少得「金句」呢?當中「太高調喇」﹑「記住係一個多字嘅維多C,唔好Take錯嘢呀」等等簡單又易記,真是不愧為金句王啊!不過,睇真啲Leon講這句對白時,聲畫不同步,好像有點甩嘴,認真不小心啊!


Leon化身明福俠帶出健康問題,不少網友見到都紛紛大讚Leon好型。(網上截圖)

另外,這個廣告拍攝手法與以往廣告大不同,利用了倒拍方式拍攝,畫面一格一格重回倒退,帶出「其實一開始飲維多C,就唔使打得咁辛苦」,真是好特別啊!不少網友見到這個廣告,都紛紛大讚拍攝手法好有創意,Leon好型,表明好需要明福俠的幫助,而一定要去買!看來明福俠不單止是型英帥,更是拯救地球的英雄啊!

Messages In This Thread

2016-11-05 新聞 *NM*
《人言人語》— —公關不是靠化妝 讚明福俠值得學
明福俠拍廣告現真身︰盔甲Send咗去瓦努阿圖乾洗
黎明出年開個唱 張美儀唔敢自薦合唱 / 黎明明年開騷 Lee Ann表示期待