All About Leon

短片搶先睇:教育局宣傳正向思維廣告 黎明發聲二創金句

http://news.mingpao.com/ins/instantnews/web_tc/article/20161025/s00001/1477400816155

【短片搶先睇:Emily Online】「打波先嚟落雨、空肚先嚟無早餐食」 教育局宣傳正向思維廣告 黎明發聲二創金句 (22:38)

短片 http://video3.mingpao.com/inews/201610/newspaper20161025edu.mp4

「打波先嚟落雨,唔通連個天都唔鍾意我?」每逢打風均都網民「回帶」嘅經典短片,係社署喺2001年宣傳生命正面思想嘅廣告。適逢片中嘅「四眼仔」近日被發現變成健身猛男,廣告又進一步被炒熱。而最近教育局為宣傳正向思維,推出新廣告,就拎咗呢句經典獨白做二次創作,更請嚟「明福俠」黎明做旁白,大玩金句!

據Emily了解,新廣告喺今個星期五就會正式出街。長30秒嘅短片,一開始就聽到:「打波先嚟落雨......」,又見到下雨天一個足球響地下彈吓彈吓,似足舊廣告,但隨即有幾個學生哥細數日常慘事,例如「臨過關先嚟跳掣」、及「做project(組員)先嚟玩失蹤」等。

不過短片嘅最大亮點莫過於教育局請到「金句王」黎明做旁白,「我唔會空肚食早餐」呢句耳熟能詳既金句,變成「空肚先嚟無早餐食」,再配上一個學生在學校走廊飛奔入課室的情景,相信會引起每日趕返學嘅學生共鳴!

黎明喺呢個時候就鼓勵學生話:「激氣過後,諗番轉頭,頭先只係芝麻綠豆嘅小事,面對難題不氣餒!他朝成就必定非凡!」

未知聽到金句王既鼓勵,大家會唔會心情好返啲呢?至於結語嗰句:「而家食好啲,聽日實食到早餐嘅!」Emily就唔係好明當中因果關係,不過凡事唔係絕對,無邏輯都可以做金句。

另一方面,教育局長吳克儉今日見傳媒時候話,期望「防止學生自殺委員會」下月初提交最後報告。又話中期報告提到學生自殺嘅原因係相當複雜,仍需要更全面咁去了解。


(明報製圖/教育局廣告片段截圖)

--------------------------------------------

http://hk.apple.nextmedia.com/realtime/news/20161026/55825893/

黎明出聲獻金句!教育局新片為學生打氣 隻字不提檢討制度

建立時間 (HKT): 1026 00:01

http://video.appledaily.com.hk/mcp/encode/2016/10/25/3190971/20161025_news_16_V1_w.mp4

教育局防止學生自殺委員會即將公佈分析報告,有消息指報告建議改變教育學生的方法,加強向學生及家長推廣多元出路,又指教育制度與學童自殺無直接關係。教育局早前拍攝新宣傳片為學生打氣,主題為「拉闊角度 放開心情」,片中列舉一些學生遇上難題而煩惱的情況,更請來藝人黎明旁白,旁白形容這些事之後看來只是「芝麻綠豆小事」,呼籲學生面對問題不應氣餒。該片段本周五將正式出街。

惟全片隻字不提教育制度的問題,而早前委員會成員之一的港大學生會會長孫曉嵐,正正表示不少學生聲音,均指出教育制度出現問題急需檢討。

片段長約半分鐘,先翻抄經典廣告的「打波先嚟落雨」對白,配以不同場景以旁白表示「打波先嚟落雨、比賽先嚟拗柴、着新鞋先嚟踢花、考試先嚟失手、臨過關先嚟跳制、做Project先嚟玩失」,亦大玩黎明金句指「空肚先嚟無早餐食」。最「出位」是黎明讀旁白,「激氣過後諗返轉頭,頭先只係芝麻綠豆嘅小事,面對問題不氣餒,他朝成就必定非凡」。


短片主題為「拉闊角度 放開心情」。 教育局短片截圖


短片先翻抄經典公益廣告的「打波先嚟落雨」對白。 教育局短片截圖


片中亦有模仿黎明金句,旁白表示「空肚先嚟無位早餐食」。 教育局短片截圖


片末黎明以旁白表示「激氣過後諗返轉頭,頭先只係芝麻綠豆嘅小事,面對問題不氣餒 他朝成就必定非凡」。 教育局短片截圖