All About Leon

歌神要做Sam蝠俠 黎明神回:明福俠唔識整豹紋衫

http://hk.apple.nextmedia.com/enews/realtime/20160822/55538952

【子華阿佘撐】歌神要做Sam蝠俠

黎明神回:明福俠唔識整豹紋衫

建立時間 (HKT): 0822 15:46

2016年立法選舉下個月4號就會進行投票,近期各位候選人都各出奇招,進行拉票行動,連歌神許冠傑(Sam)都話「出選」湊熱鬧!

不過,阿Sam其實係為咗佢10月演唱會搞綽頭,佢話自己有太多歌想唱,但演唱會冇可能唱得晒,所以叫人選最喜歡阿Sam邊首歌曲,跟住佢就會喺演唱會度唱。

阿Sam近日喺主辦單位大名娛樂嘅facebook上載短片點名叫多位歌手點唱,包括阿倫譚詠麟,阿Sam話:「Hello阿倫,我知你年年25歲㗎啦,我好想知道時下年輕人鍾意聽我邊首歌呢。」譚詠麟就拍番條短片回應:「其實阿Sam乜嘢歌都好聽㗎啦,你係我偶像嚟㗎嘛!比較冷門啲我就鍾意《是雨是淚》,呢隻歌好正呀!唱啦,出嚟唱多啲啦!」

其實男神黃子華同釘姐佘詩曼同有拍片點唱支持阿Sam,黃子華話:「我支持Sam哥,當然許冠傑係唔需要我支持,我好肯定,自己已經好支持到,但我非常之希望聽到Sam哥嘅《雙星情歌》嘅,我到今日聽呢首歌,都即刻有撐艇仔嘅feel嘅。所以我係希望聽到呢雙歌。」至於阿佘就話:「我當然支持Sam哥啦,我最想聽嘅就係《印象》...誰令我當晚舉止失常...幾正!」

而Sam又點名叫陳慧琳(Kelly)點名,甚至向明福俠黎明挑機話:「Leon,聽講你個明福俠好堅喎,我唱支歌畀你聽,幫我整個Sam蝠俠,我要有豹紋㗎喎!」

段片上咗冇幾耐,明福俠就喺自己facebook回應:「Hello!Sam哥,主要明福俠係唔識整衫嘅,所以整唔到豹紋,不過知你就嚟開演唱會,恭喜晒,希望你一切順利啦。」跟住明福俠仲唱埋《半斤八兩》添:「半斤八兩做到隻積咁嘅樣,快啲快啲支持Sam哥啦!」

Messages In This Thread

歌神要做Sam蝠俠 黎明神回:明福俠唔識整豹紋衫
視頻﹕ 黎明請許冠傑食檸檬  話明福俠唔識整衫
【兩代歌王對壘】歌神許冠傑網上挑機 黎明拍片迎戰
明福俠唱《半斤八両》撐許冠傑開騷