All About Leon

FBI: 黎明練仙 :laugh: :grin:

黎明冇參與拜神點睛儀式,但化完妝後突然又雙手合十,作練仙狀,正所謂有心唔怕遲, 10月都係拜神時呀!

做功課
黎明認真咁寫低錢嘉樂設計嘅動作,動作都可以寫低,當正係武俠小說?

成身灰
頭頂嘅火龍點咗成 10萬支香,黎明喺一片煙霧下跑過,成身灰都冇有怕,好專業!

黎明主演嘅《火龍》上星期三( 26日)喺大坑拍一場舞火龍戲,條火龍身插住 10萬支香,黎天王就要喺出晒煙嘅火龍下面跑嚟跑去,同任賢齊追逐。

呢日黎天王好專業,開拍前留心聽晒導演林超賢講解,到錢嘉樂解釋動作場面時,更用紙筆抄低,十足聽教小學生。

當晚成三十幾度,加埋 10萬支香熱到癲,而條火龍因為拍攝角度唔靚 NG咗十幾次,黎天王亦跑咗十幾次, seven-eleven由 7點跑到 11點,難得今次黎天王冇再暴躁發老皮,拍到成身香灰都冇怨言,只係每次埋位前上保母車唞唞啫,好明顯 EQ高咗好多,抵讚!

撰文: FBI
攝影︰娛樂攝影組、娛樂突發組

Messages In This Thread

FBI: 黎明練仙 :laugh: :grin:
封面: 藝訓班同學潘宏彬 劉華密友親述 28年同性關係...黎明被揭結婚即晚 舒淇爛醉失常
Re: 封面: 藝訓班同學潘宏彬 劉華密友親述 28年同性關係...黎明被揭結婚即晚 舒淇爛醉失常
嗯! 一等「愛妻號」! 喜歡Leon的表情~~~又似冷眼旁觀! 眼神帶點傲氣 Cool! :love: