All About Leon

「黎太」樂基兒風騷 先道歉後講嫁
In Response To: 2009-09-01 新聞 ()

http://the-sun.on.cc/cnt/entertainment/20090901/00470_001.html

黎明、劉德華及楊千嬅連環被踢爆婚訊,眼見紙包不住火,當事人只好承認喜事!繼千嬅前日風騷認嫁後,樂基兒昨日亦承認已婚做「黎太」,但老公黎明仍未表態,而身在北京的華仔則繼續拒絕公開交代事件!


樂基兒名正言順做「黎太」,難怪表現風騷! / 黎明繼續開工,但還未正式回應婚訊。

樂基兒(Gaile)被踢爆與黎明(Leon)結婚後,昨日首度公開露面,出席在apm舉行的Haagen-Dazs雪糕月餅活動,現場約有半百傳媒採訪。活動後,Gaile在後台接受訪問,身穿花花裙的她笑容滿面,心情明顯不錯。未等記者開口,她已搶先說:「我想講啲嘢先,首先對唔住,我都比較 Shock(驚訝),關於呢件事我同你哋一樣,好多嘢未明白、未消化,所以好多問題我唔會答,希望你哋明白!你哋可以照問,我舉手代表我唔答。(點解舉手?)可以慳啲聲音。」

被踢爆感驚訝

問到Leon如何求婚,Gaile已即時舉手,她解釋:「我同Leon鍾意Keep Personal Life(私隱)畀自己,希望大家Respect(尊重)!『黎太』唔使叫,心裏面叫我好開心,口就叫我Gaile。」記者笑問有沒有人叫她「阿嫂」,她指着記者說:「你係第一個。」對於結婚是即興還是有計劃,以及事前有否與Leon夾口供,她又舉手並強調:「我冇乜嘢會答,我只會講我係結咗婚嘅人,點發生同會唔會擺酒我都唔會答,未到呢個時候唔答,到咗都未必答。」

談到心情,Gaile坦言要面對傳媒,感覺緊張,因為她未能將整件事消化。問到前一晚有否想過如何面對?她再次以「好Shock」來形容,至於工作計劃有否受影響,她說:「唔答!唔應該問我,問公司。(會唔會生BB?)你哋摷番之前嘅報道,我已經答過,我冇乜點變。(被踢爆結婚嘅感覺?)好 Shock。(會唔會覺得輕鬆咗,唔使守住秘密?)都話係秘密,畀人知同自己Announce(宣布)係兩回事,但我會Admit(承認)。(有冇諗過公開?)唔再重要,順其自然。」

老公繼續封嘴

問到為何未有戴婚戒、婚後有何不同、Leon送了甚麼禮物及有否給家用,Gaile都一一舉手不回答,最後她作出總結:「多謝大家關心,我係結咗婚,如果熟悉我同Leon嘅人都會明白,我哋好少講私人嘢,本來想Keep Secret,依家大家知道咗就算數。」之後她返回台前,用英語將總結重複一次向電子傳媒交代,但不設提問,說罷急急返回後台。活動完結後,Gaile乘座駕返回與Leon的上水愛巢,沿途有五、六部採訪車尾隨。Gaile昨日公開露面承認婚訊後,男主角Leon依然故我,一句都不說,要到本月五日才出來見人,出席伯爵錶的派對。另外,對於去年本報揭發Gaile結婚,卻遭她否認,Leon公司Amusic的傳媒總監沈小姐表示不會回答。


鬼馬的樂基兒,竟拿起楊桃扮單眼。 / 樂基兒不介意屈膝逗小朋友玩,母愛氾濫!


樂基兒離開時被追訪,迫埋一角。 / 樂基兒乘座駕返回與黎明位於上水的愛巢。


SoSo姐金句:黎樂婚訊終揭穿,舒淇悶氣心酸酸。

Messages In This Thread

2009-09-01 新聞
視頻:樂基兒承認已經與黎明結婚拒絕透露細節
視頻﹕祕婚黎明不鬆口 黎太樂基兒:我們結婚了
Re: thank you so much!
樂基兒:我認了,我們已婚
視頻:樂基兒承認與黎明結婚笑言"別叫我黎太"
視頻﹕樂基兒坦承已與黎明結婚
視頻:天王黎明媒體眼中最大“釘子戶”
林海峰望為黎明舉行神級婚禮
林海峰想做證婚人
華仔床上勇猛 性福指數贏黎明
Re: 華仔床上勇猛 性福指數贏黎明
曾志偉尊重每一個人的決定
周慧敏隔空祝黎明幸福
樂基兒又驚又喜承認結婚了!
嗯! 猜猜Leon 5/9 會怎樣回應! :laugh: :peace:
Re: 嗯! 猜猜Leon 5/9 會怎樣回應! :laugh: :peace:
我猜:Gaile已答了,我冇補充
Re: 我猜:Gaile已答了,我冇補充...Bingo!
被揭秘密註冊感震驚 樂基兒親認已嫁黎明
樂基兒開心笑:我依家結咗婚
視頻: 樂基兒開心笑:我結咗婚
「黎太」樂基兒風騷 先道歉後講嫁
不少黎明Fans在網上力撐偶像 對二人結婚不感到意外
舉手唔答 慳番啖氣
樂基兒冧認已婚
視頻: 樂基兒冧認同黎明結婚
夫唱婦隨
樂基兒甜笑:我係黎太 被踢爆已婚感震驚
明星的拉斯維加斯婚姻
樂基兒承認已與黎明結婚 就隱瞞此事道歉(組圖)
被揭去年3月賭城註冊 樂基兒鐵證下 終承認與Leon已婚
樂基兒認已婚唔慣叫黎太
樂基兒為隱瞞已婚致歉
回應婚訊樂基兒話答又唔答
黎明依然保持緘默
黎明搶飲頭啖湯
已婚黎明 展示男人味
黎明戴名表出席派對
:love: :love: :love: 這兩張相, Leon好young, 帥到殺死人, 加埋眼神, 好暈ing! @@...
樂基兒承認已婚
視頻: 樂基兒公開承認已與黎明結婚
視頻: 他們的秘密婚禮
Re: 視頻: 他們的秘密婚禮