All About Leon

樂基兒冧認已婚
In Response To: 2009-09-01 新聞 ()

http://orientaldaily.on.cc/cnt/entertainment/20090901/00282_001.html

黎明與樂基兒(Gaile)已婚年半的消息,昨日黎明嫂Gaile出席活動,醜婦終須都要見家翁,冧爆地親口承認已結婚。另邊廂,黎明舊愛舒淇,雖然在第十三屆中國廣播影視大獎電影華表獎中,憑《非誠勿擾》封后,但出席慶功宴時,大概受到「新郎結婚了,新娘不是我」的心情影響,舒淇似要一醉解千愁,滿場飛劈到醉醺醺,更要由馮小剛扶着離開。一個冧爆,一個醉爆,相映成趣。

Gaile昨日出席假apm舉行的Haagen-Dazs雪糕月餅活動,是她被踢爆與Leon於去年結婚後首度公開露面,吸引半百傳媒到場採訪。


樂基兒表示唔想回答嘅問題就舉手。/ 黎明嫂樂基兒風騷出席活動。


黎明本月5日將出席伯爵錶派對,到時未知他會否就秘密結婚又大拋金句。

一身彩色花花裙打扮的Gaile,在後台接受訪問時,笑容滿面。不過,訪問前,黎明公司Amusic的傳媒總監沈小姐向傳媒表明訪問期間不可拍照及錄影,可以錄音,以及只准文字記者入內。

G:Gaile 記:記者

G:我想講啲嘢先,首先對唔住,我都比較shock,關於呢件事我同你哋一樣,好多嘢未明白,未消化,所以好多問題我都唔會答,希望你哋明白,你哋可以照問,我舉手就代表唔答。

記:點解要舉手?

G:可以慳啲聲音。

唔想答八度舉手

記:Leon點樣求婚?

G:(舉手)

我同Leon鍾意keep personal life畀自己,希望大家respect。黎太唔使叫,心裏面叫我好開心,口就叫我Gaile。

記:有冇人叫你阿嫂?

G:(笑着指住記者)你係第一個。

記:事前有冇同Leon傾過咩可以講,咩唔可以講?

G:(舉手)

記:係咪即興結婚?

G:(舉手)

記:有計劃?

G:(舉手)

記:咁有咩可以講?

G:我冇乜嘢會答,我只會講係,我係個結咗婚嘅人,點發生、會唔會擺酒,我唔會答,未到呢個時候唔答,到咗都未必答。

記:心情點樣?

G:我唔知心情點,好緊張,因為對住你哋,我自己未消化到。

記:點解無戴戒指?

G:(舉手)

記:婚後有乜唔同?

G:(舉手)

記:多咗責任?

G:(諗咗一陣)未諗到,下次答。

記:尋晚有冇諗過點答?

G:我好shock。

記:有冇影響之前嘅工作計劃?

G:唔答,唔應該問我,問公司。

記:會唔會生BB?

G:你哋抄番之前嘅新聞,我已經答過冇乜點變。

被踢爆好shock

記:知道被踢爆結婚時嘅感覺點?

G:好shock。

記:會唔會覺得輕鬆,唔使守住個秘密?

G:都話係秘密,畀人知同自己announce係兩回事,但我會admit。

記:有冇諗過公開?

G:唔答。唔再重要,本來想點同應該點都唔再重要,順其自然。

記:Leon送咗咩畀你?

G:(舉手)

記﹕Leon有冇畀家用?

G:(舉手)

記:有咩總結?

G:多謝大家關心,我係結咗婚,如果熟悉我同Leon嘅人都會明白,我哋好少講私人嘢,本來想keep secret,但依家大家知道咗就算數。

記:係咪好幸福?

G:Thank You。

結果Gaile在訪問中共舉了八次手,至於為何去年Gaile被本報揭發結婚時,否認其事,沈小姐代Gaile表示不會回答。

訪問結束後,Gaile走到台前接受電子傳媒訪問,但她只是將之前的總結用英文重複一次,不設提問,說畢便返回後台。活動後,Gaile乘座駕直返與Leon位於上水的愛巢,期間有五、六部採訪車尾隨。

另外,男主角Leon則應伯爵錶之邀將出席本月五日舉行的派對,公開見人,未知屆時他會否發揮金句王本色。

Messages In This Thread

2009-09-01 新聞
視頻:樂基兒承認已經與黎明結婚拒絕透露細節
視頻﹕祕婚黎明不鬆口 黎太樂基兒:我們結婚了
Re: thank you so much!
樂基兒:我認了,我們已婚
視頻:樂基兒承認與黎明結婚笑言"別叫我黎太"
視頻﹕樂基兒坦承已與黎明結婚
視頻:天王黎明媒體眼中最大“釘子戶”
林海峰望為黎明舉行神級婚禮
林海峰想做證婚人
華仔床上勇猛 性福指數贏黎明
Re: 華仔床上勇猛 性福指數贏黎明
曾志偉尊重每一個人的決定
周慧敏隔空祝黎明幸福
樂基兒又驚又喜承認結婚了!
嗯! 猜猜Leon 5/9 會怎樣回應! :laugh: :peace:
Re: 嗯! 猜猜Leon 5/9 會怎樣回應! :laugh: :peace:
我猜:Gaile已答了,我冇補充
Re: 我猜:Gaile已答了,我冇補充...Bingo!
被揭秘密註冊感震驚 樂基兒親認已嫁黎明
樂基兒開心笑:我依家結咗婚
視頻: 樂基兒開心笑:我結咗婚
「黎太」樂基兒風騷 先道歉後講嫁
不少黎明Fans在網上力撐偶像 對二人結婚不感到意外
舉手唔答 慳番啖氣
樂基兒冧認已婚
視頻: 樂基兒冧認同黎明結婚
夫唱婦隨
樂基兒甜笑:我係黎太 被踢爆已婚感震驚
明星的拉斯維加斯婚姻
樂基兒承認已與黎明結婚 就隱瞞此事道歉(組圖)
被揭去年3月賭城註冊 樂基兒鐵證下 終承認與Leon已婚
樂基兒認已婚唔慣叫黎太
樂基兒為隱瞞已婚致歉
回應婚訊樂基兒話答又唔答
黎明依然保持緘默
黎明搶飲頭啖湯
已婚黎明 展示男人味
黎明戴名表出席派對
:love: :love: :love: 這兩張相, Leon好young, 帥到殺死人, 加埋眼神, 好暈ing! @@...
樂基兒承認已婚
視頻: 樂基兒公開承認已與黎明結婚
視頻: 他們的秘密婚禮
Re: 視頻: 他們的秘密婚禮