舒淇閂大閘拒提黎明

舒淇昨傍晚悉心打扮現身北京華表獎現場，未知是否知道傳媒定必會追問她有關黎明與樂基兒已婚一事，全晚大玩「封口」，於紅地氈上拒絕受訪，揚言要待午夜頒獎禮慶功宴上才會接受記者訪問。去年黎明與樂基兒被本報踢爆結婚時，舒淇曾大方送上祝福：「如果係真嘅，係一件喜事，我會祝福佢。」而有份競逐華表獎「優秀境外華裔女演員」獎的她，憑《非誠勿擾》一片成功擊敗對手《赤壁》的林志玲，奪得該獎。

多年前曾跟黎明傳緋聞的陳淑蘭，得知黎明已婚大表恭喜，更盛讚樂基兒是一位性格好好、甜美的人，黎明能娶到她，是件很有福氣的事，至於黎明將婚事收得如此秘密，她覺得一點問題也沒有，因藝人都應該有自己的空間，不需要任何事都公布，她覺得有時公開婚事，另一半做些芝麻綠豆事都要回應，是一種很大的壓力，所以都是保持神秘感好一點，蘭子直言自己若結婚都不會公開，還笑言可以繼續利是。

*************************
孫敬安：戥徒弟開心

「你哋咁犀利搵到佢哋結婚啲料，黎明冇同我提過，但都唔出奇，應該係真嘅。（你係佢恩師，有冇去美國觀禮？）冇去，不過我都戥佢哋開心。」

林肇基：「我唔知喎，（你同黎明咁老友都唔知？）問番當事人啦，其實佢同樂基兒結婚都係遲早嘅事。（會恭喜佢嗎？）如果係就梗係會，仲會送禮添！」

*************************
歐陽妙芝：俊男美女配

「咁開心，祝佢哋幸福，有情人終成眷屬，俊男美女好匹配，（樂基兒瞞晒你哋？）呢啲係個人嘅私生活，唔一定要同人交代，自己開心就得，作為朋友都好戥佢開心。」

*************************
陳嘉容：紙包唔住火

「好開心呀！諗起新年佢哋封利是就開心，講笑咋！佢哋兩個都咁靚，好襯，（佢哋瞞晒所有人？）都係，不過紙包唔住火，我當年都係咁，不過佢依家可以名正言順叫黎太，都好戥佢開心。」