All About Leon

黎明破天荒再現勁歌頒獎禮唱歌 (壹周刊20/1/2011)

壹周刊 (節錄)
探熱針
蝦餃變灌湯餃 林峯谷下巴借運
2011年01月20日

Chok樣 chok上癮的林 峯,近幾年五官不停出現奇妙變化,由初出道的家族豬膽鼻,突然縮細變到間尺咁直,樣貌愈來愈精緻。
變面招數上週六(一月十五日)出席《勁歌》頒獎禮又有新進展,林 峯原本擁有的深坑蝦餃下巴,體積變得更大更長更兜,分量與「頂點」灌湯餃不相伯仲。
下巴再發育,除了上鏡可以令面形修長更靚仔,根據相學角度,原來有催運作用,難怪林 峯在頒獎禮上攞獎攞到冇停手.....

其實自○四年開始,林 峯多次被傳出整容,由原本的國字臉、豬膽鼻、迷你下巴,分段式進行修葺,最大分別是林 峯的家族大型豬膽鼻,加工後變得細小,鼻翼收窄,鼻樑升高,面形亦變得又瘦又長。改頭換面成功,再加埋隨時隨地 Chok樣,林 峯即刻轉運,由捧極都唔紅變為當今無 綫萬人迷。

久未露面的黎明,破天荒竟然再現身頒獎禮唱歌,目的是為旗下的 衞蘭及 JW的合唱歌《男人做什麼》,爭取交換金曲金獎獎項。

派獎補數
雖然加強下巴催運,不過在《勁歌》總選中,林 峯最終難敵古巨基,未能奪得最想攞到手的「最受歡迎男歌星」獎,不過無 綫為安撫他,於是搏命派獎,除了 冧庄攞亞太男歌手獎同金曲獎外,更攞了兩首合唱歌曲獎,一人獨攬四獎。

據知,在頒獎禮前,一直偏心林 峯、關係親過親生仔的樂易玲,不斷幫他積極爭取成為雙料最受歡迎男歌星,不過上星期二(十一日)經無 綫音統會舉行第一輪獎項會議,林 峯竟然兩個獎都危危乎,因為會議上有人建議將「亞太男」頒給東亞唱片的 Big 4,而「最男」的官方投票數量,林 峯又唔夠古巨基票數多。

情況危急
距離頒獎禮時日無多,樂易玲於是搵最高話事人六嬸(方逸華)求救,希望保住無 綫親生仔,但六嬸怕一次過俾晒兩個獎林 峯,會惹來外間非議,加上去年林 峯無論在《勁歌》攞「亞太」,抑或在台慶頒獎禮中攞「我最喜愛電視男角色」,都被外界狂插,為了息事寧人,六嬸於是叫音統會再投票。
在頒獎禮舉行前一日早上,六位音統會成員再為大獎重新投票,結果只得樂易玲一人投林 峯,其餘五票(包括陳志雲、何麗全同陳宗揚……等)就全部投古巨基,經過一輪爭取,最後林 峯勉強保得住個「亞太男」。
對於失落「最受歡迎男歌星」獎,林 峯說:「兩個獎分量都好重,拎到其中一個都好榮幸。(擔唔擔心被質疑唔係實至名歸?)希望每年都有更多人認識我同認同我。」

東亞抗議
今年林建岳為東亞旗下歌手在《勁歌》總選中「落重彈藥」,動用過百萬請日本組合 Exile來港幫《勁歌》做表演嘉賓,又出動埋黎明,諗住可以幫楊千嬅三度 冧庄成為「最受歡迎女歌星」,以及 Big 4攞「亞太區最受歡迎男歌星」,點知兩個獎全部落空。

頒獎禮當日下午,東亞知道賽果後,於是叫原本答應出席拜神儀式的千嬅缺席,連原本應承無 綫隔空頒發「三十年殿堂大獎」給同屬東亞唱片的劉德華,當日下午兩點突然拒絕領獎,令已身在北京的工作人員白行一趟,最後要取消整個獎項,東亞更下令千嬅罷影 TVB官方刊物封面,以示抗議。.....

Messages In This Thread

黎明破天荒再現勁歌頒獎禮唱歌 (壹周刊20/1/2011)
水一下
Re: 水一下
係喎,其實佢地真係可以唱完就企中間,咁都冇錯架
Re: 黎明破天荒再現勁歌頒獎禮唱歌 (壹周刊20/1/2011)
嗯! 今次,由出道不足一年的新人奪獎,A Music拿的金曲金獎認真經典,兩個鬼妹仔領金曲....