All About Leon

2009-07-10 爆炸堂:雷頌德擺脫雞翼誘惑瘦晒!

最近雷頌德(Mark)因要以唱片監製身份幫衞蘭(Janice)宣傳佢張英文新碟,所以頻頻曝光,好多人見佢冇咗個大肚腩,都估佢可能係為咗做宣傳而積極減肥,喺幾個月之內成功同個大肚腩講拜拜。不過啲人就好八卦,想知Mark到底點樣可以咁快減到磅,估緊佢咪喪做機同食減肥藥添!
為咗幫咁多位想減肥又減唔到嘅貪靚一族解開呢個謎團,小小So就打咗個電話畀Mark,問吓佢有咩減肥竅門。

小小So :阿Mark,你係咪為咗上鏡靚啲而減肥呀?

Mark :係貪靚,不過唔係為上鏡囉!我減咗肥好耐喇!好耐以前都可以攝件衫入褲度,一啲都唔怕有肚腩。

小小So :咁你點減肥㗎,講嚟聽吓好喎?

Mark :咪用意志力囉!好似上次同Janice做專訪,成枱都係雞翼等美食,我都好自制唔食,只係齋飲咖啡咋!Janice就忍唔住口食咗一隻雞翼,但我都不為所動,冇食過。

小小So :咁仲有乜嘢要注意(口架)?

Mark :好簡單,就係夜晚嗰餐戒食澱粉質,即係唔好食飯、麵、米粉咁,其他都食得,但當然唔好勁食啦!我就係咁成功減肥(口架)喇!

:laugh: :laugh: :laugh: 減肥一族, Mark 和 Leon 兩兄弟可以互相鼓勵 :laugh: :laugh:

Messages In This Thread

祝雷Mark 生日高陞, 小寶寶快高長大
2009-07-10 爆炸堂:雷頌德擺脫雞翼誘惑瘦晒!
Happy Birthday to Mark!! :grin: *NM*
Happy Birthday to Mark
祝阿Mark 生日高陞, 雷小鳴Jack仔快高長大,孝順父母,一家四口幸福美滿!