All About Leon

陳可辛 5000萬搭百年老中環

http://www1.hk.apple.nextmedia.com/template/apple/art_main.php?iss_id=20090617&sec_id=462&subsec_id=830&art_id=12885181

【上海直擊】置身在逾 6萬平方米的上海片場,飽覽百年前舊中環,感覺難以言喻。由陳可辛和黃建新監製、陳德森執導的華語片《十月圍城》,花費 5,000萬元重建的老香港佈景昨日首度曝光。甄子丹、范冰冰及黎明等飾演的愛國義士,將在這片寸金之地拯救被清政府追殺的國父孫中山。面前一片繁華景象,處處隱藏着殺機。

百多年前的中環舊貌,只能在歷史照片中再現,但陳可辛和黃建新監製、陳德森執導、中港合資 1.8億港元的華語片《十月圍城》,便花了 5,000萬元重塑舊香港,以配合片中 1905年的革命義士,在中環浴血拼搏,保護來港籌革命經費的孫中山。

《十》片在上海勝強片廠搭建的一比一老中環實景,昨日首度曝光,實景總面積超過 66,700平方米,約有 10個足球場大,重現昔日三角碼頭、卑路乍街、皇后大道中和砵甸乍街等。場景依足香港舊貌搭建,細如街燈、招牌,甚至殖民地期間的紅色郵筒,全都做工精緻,甚至乎樓梯登上去的樓房,內裏都有佈置,不過最叫人驚嘆,莫過於那條翻版石板街(即砵甸乍街)。場景的每個角落,都令人如同經過時光隧道重返舊地一樣,劇組更笑稱這個製作是「 Big貴完」,笑稱場景又大又貴。

CG塑維多利亞港

陳可辛和陳德森昨日做導遊,帶同中港傳媒約 70人參觀舊中環場景,並與曾志偉、胡軍、甄子丹、范冰冰和李宇春等演員進行開城儀式。陳德森表示今年 1月底已在片廠開始搭建,原定預計 4月中完成,但卻遇上梅雨,故遲了一個月才完成,他說:「因為工程遲咗,所以超支咗 1,000多萬,好真實,單係舊日招牌大大細細總共有 4,000個,如果將佢哋叠高,足足有 60、 70層樓咁高。由於呢個係片場,無法建造海邊實景,所以我哋會喺嗰個位置鋪上黑布,稍後用特技造效果。」

陳德森透露不少圈中人都曾慕名來場景先睹為快,他說:「張栢芝帶囝囝、君如帶囡囡,仲有陳果、劉偉強同陳嘉上等人都嚟睇過。」由於場景面積很大,陳德森指拍攝時困難重重,他說:「我哋要重現當年中環車水馬龍畫面,所以請咗 800到 1,000名臨時演員,但一旦 NG,要安排過人手,往往要花上個多小時,為咗趕及 12月 18日上映,好多時需要分幾組喺唔同場景同步拍攝。」《一百萬零一夜》( Slumdog Millionaire)的金像導演丹尼波爾( Danny Boyle)昨日也到片場參觀,他看到仿真度極高的老香港佈景,大表好奇。

戲中演員更對場景讚不絕口,范冰冰昨日穿上高跟鞋騎馬出場,身手靈活,她說:「我在北京養了一匹馬,每個月都探訪牠,順便騎一下當做運動。」據知她在戲中扮演賭徒甄子丹的太太,二人都有協助孫中山脫險。而扮演警司的曾志偉則是唯一演員以戲中造型亮相,他騎馬進場,惜落馬時差點失手,他說:「我一得閒都騎馬四圍巡邏,呢個景係我從影 30年見過最靚嘅景,佢真係將老香港還原,對喺香港長大嘅人,真係特別有親切感。據我所知,拍完之後呢個場景將會保留,已經有超過 10套片輪住要租用,《葉問 2》稍後會喺度拍。」

「兩億票房先回本」

陳可辛今次希望能以監製身份,在金像獎摘下最佳電影獎座,他說:「呢套片起碼要喺內地有兩億票房先可回本,但我期望佢可以收到三億。」陳可辛指《十》片的概念源自其父 1973年執導的賣埠電影《 Bodyguard》,他說:「套戲係講俠士保護孫中山,我當年都喺片中參演過一個角色。」

《十》片其實早於 10年前已開始籌備工作,梁家輝和謝霆鋒曾說當年已開始試角色。到 04年,萬事俱備,導演陳德森準備開機之際,投資者曾獻基燒炭身亡,由於電影需龐大資金重建舊中環,故要等到今年 3月才得以開拍。


1905年石板街原貌 《十月圍城》劇組依足俗稱為石板街的砵甸乍街的昔日面貌,一比一在上海影廠重建,像真度極高。


2009年復刻石板街

Messages In This Thread

2009-06-17 新聞
《马兰花》19日公映
专访王学圻:黎明确实是非常非常好的演员
衛詩爆同關楚耀保持通話
Jill好像胖了和 Janice一個餅印
視頻:樂基兒謝婷婷對付BABY各有一套
膠紙黐領防再露點 樂基兒無意派股色
樂 基 兒 : BB 肚 腩 似 黎 明
Gaile密實護胸改出股惑
樂基兒熱褲走罅 照顧黎明愛將
黎明、小齊車廂鬥戲
愛情結晶品搶閘誕生 樂基兒未來 BB唔似黎明
Video﹕ 愛情結晶品搶閘誕生 樂基兒未來 BB唔似黎明
樂基兒讚黎明有個靚肚腩 唔認得男友雙眼
【Video】Galie大讚Leon新簽新人
Gaile:黎明有個靚肚臍
湊BB最緊要懂換學習褲 樂基兒笑黎明有肚腩 唔怕佢嬲
樂基兒讚黎明肚臍靚
樂基兒讚黎明靚肚臍
《十月圍城》消息: 《十月圍城》舉行開城儀式/丹尼.波爾專程到賀
4,300萬打造老香港
陳可辛 5000萬搭百年老中環
耗五千萬打造「1905年香港」 《十月圍城》超支二億票房封蝕本門
《十月圍城》消息: 《十月圍城》半億元建香港景
《十月圍城》消息: 《十月圍城》開城 帝后軍團傾巢而出
Re: 《十月圍城》消息: 陳可辛領軍上海開城 半億打造百年前中環
樂基兒恨生龍鳳胎